ISAIAH 2:11 - LEKHARABU INTHENG (BSI)

¹¹ Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

ISAIAH 2:11 ပူးပေါင်းရင်းမြစ်များ

SAMUEL INHNINA 22:28

Mi insinsak hei nahuk hei, tâk mi inlensak-hei nasuk mathlâk hei.

HLAHEI 18:27

Mi insinsak hei kha nahuk hei, tâk mi inlensak-hei kha nasuk manhnem hei.

HLAHEI 18:28

Eh! Rōngpu, nang in vâr napek eng; ka’nthimna kha namanvâr pek eng.

HLAHEI 20:8

Khang khava mihei kha inpai sik hei khana katlu sik hei, tâk eini chu kathōisōt sik me, khana kangir inhnet sik me!

HLAHEI 46:10

Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

HLAHEI 46:11

Chunghnung Rōngpu’n a-ompui me; Jacob Pathen kha ni’nthupna kae!

HLAHEI 94:2

Mi rakip ṭongkatan kha nang che kae; thōi ina mi inlensak-hei sik rahōi kasōk chen kha pek hei roh!

ṬONGCHÎK-HEI 16:5

Rōngpu’n êngkase rakip amater hei; khana anmani kha karâkna antahmu sik a inphut sânsōt mak hei ning.

ṬONGCHÎK-HEI 30:13

Anbinga kaṭha hêr ung tia indon mi ka-om hei, heituk a akaṭha ung tia a’ndon hei mo!

ISAIAH 10:12

Tâk-kha Rōngpu’n ahri, “Zion Tlâng chunga leh Jerusalem chunga katlo sik kha katlosō pha, Assyria reng kalenpa hi a’nlensakna leh a’nteina hei seng jâra karâkna kapek sik.”

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

ISAIAH 12:4

Mipuihei hla hi ansakna sik kani lakahong sik, “Rōngpu kha manpâk ruh! A’nthōpuina sik a ama bek ruh! Ama’n atlona hei kha jât rakip hneng manthei hei ruh! Ama heituk akalen mo manthei hei ruh!

ISAIAH 13:11

Rōngpu’n ahri, “Raleichunga inrengna kamathlung sik khana mikaṭhamak-hei ansetna jâra ankhenga karâkna kapek sik hei. Mi inlensak rakip kasuk manhnem sik hei, khana êngkase leh mikaṭhamak-hei kha karâkna kapek sik hei.

ISAIAH 14:15

Tâk-kha khava kanek a, kathihei ram, a’nthukpen shunga khan nam mathlâk kachang jo che.

ISAIAH 2:17

Mihring inlensakna kabâng sik, khana mihring êngsetna hei seng kha amanbōi sik. Limsyemhei hi akhenga inhmangsō sik, khava ning Rōngpu rōk kha choi manshâng sik kae.

ISAIAH 23:9

Chunghnung Rōngpu’n khavakha amantluk kae. Hivahi anmani inlensak ṭōntlo bângna sik leh antakaja hei suk mannemna sik a, ama’n amantluk kae.

ISAIAH 24:21

Rōngpu’n bōirōk chunga ratha kaneihei leh raleichunga vaikarônhei karâkna apekna sik pha lakahong sik.

ISAIAH 25:9

Hiva omchen hi asōk pha, mi rakip in anti sik, “Ama hi ni-Pathen kae! Eini’n ahnenga taksenna ninei. Ama hi Rōngpu kae ahnenga taksenna ninei, khan chu eini inpâk me, kahōi me, ajârchu ama’n ahuk mea kae.”

ISAIAH 26:1

Judah ram a mipui he’n hiva hla ansakna kani kha lakahong sik: Keini khōpui kahnet! Pathen khet in akur kha ahngâk!

ISAIAH 28:5

Chunghnung Rōngpu kha ami alakahring senghei sik a lûrna lenlukhu kapō akachang sik kani kha kahong jo.

ISAIAH 29:18

Khava kani ajōng tlung pha, kōr kaset khan lekharabu inhnaktak a’ntei kha athei sik, khana hmitkacho khō inthimpak a aleikahring khan, ahmit amahlânga khō ahmu sik jo.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

ISAIAH 30:23

Nangni’n hmuchi nanvor akaia, Rōngpu’n akhangna sik khō ajōng mansûr sik a kha kara katamtak nankhôm sik, khana nanran he’n phihmun katamtak anchen sik.

ISAIAH 37:23

Nang in tu mo nahnōise tia namandon? Nang in Israel Pathen intheng kei na-êse eng nakaja mak eng kae.

ISAIAH 4:1

Khava pha kha ahong pha, nupui 7’n pase inkhat ansur sik a kha anti sik, “Keini kanbinga invei tor ung, pōnsi derkei kanbinga kanjong tor sik, tâk puise neimak hei tia inzakna kha kanthōk makna sik a nang kanpuise che kae ti rung.”

ISAIAH 40:23

Ama’n ratha kaneitak vaikarônhei kha akei mathlâk hei khana heite kaemak a ada hei.

ISAIAH 52:6

Akahong sik pha khan kei hi Pathen eng kae khana nanhnenga ṭong kahri kae ti hi nanhong manhret sik jo.”

JEREMIAH 12:9

Ke’n kakadei mihei kha va inkhat kapōa, hmukhai he’n akir rakip a inphut anmanlōi jo. Ramshahei kha revei sâktlânga anhongna sik bek hei roh.

JEREMIAH 9:24

Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

EZEKIEL 38:14

Khava jâra Chunghnung Rōngpu’n Gog hnenga ahri ṭong kha avakahri sik a atir eng: “Tûnchu kami Israel he’n inhrungtak a an-omna shunga nang akasesōt sik che kae,

EZEKIEL 38:19

Kahnuknat pum a kahrisōt, khachu khava kani ning khan Israel ram shunga lingnu inhnaktak a innok sik.

EZEKIEL 39:11

Rōngpu’n ati, “Hihei rakip hi asōk pha, ke’n Gog kha Israel ram shunga avûmna sik thlân, Akathi Tuipui nisōtinga Khōhmehei Phaichama kapek sik. Gog leh aremi rakip khana khan anvûm sik hei, khana phaicham kha ‘Gog Remihei Phaicham’ inti sik jo.

EZEKIEL 39:22

Hiva hinna inphut Israel he’n kei hi Rōngpu an-Pathen eng kae tia anmanhret sik jo eng.

DANIEL 4:34

Rengpa khan ati, “Kum 7 a’nchaisō leh chungting bōirōk ka-en, khana kamalung hong kavâr jo. Ke’n Chunghnung Pathen kha kachoi ka-ân khana ahei tik a akahring ṭhak ama hneng kajana leh lûrna kapek a kae. “Ama’n aheitik a vai arôn sik, khana arengram phat rakip a ka-om ṭhak sik a kae.

HOSEA 2:16

Khava pha kapuise tia vōi khat abek nôk sik eng. Ama Baal tia abekmak jo ning.

HOSEA 2:18

Khava pha kamihei suksetna annei makna sik a, ke’n ramsha leh va rakip kha ṭong intepna inkhat kaneipui sik hei. Khan nôk chu re hmangchâk rakip, chemjâm, the leh sai ram a inphut kalosōt sik, khana kamihei kha malung kamōnga kahōia ka-om sik jo hei.

HOSEA 2:21

Khava pha kami Israelhei derna kha kamasôn sik. Raleichunga khōtui kamansûr sik, khana ralei in sâng, vomhrui thei, khana olive thei amanra sik.

JOEL 3:18

“Khava pha tlânghei kha vomhrui hlei in amakhusō sik; hmebung rakip a ran kasip sik hei; Judah hei kavadung rakip tui kasip sik. Rōngpu Bek-inna inphut kavadung katlân sik, khava khan Acacia phaichama tui apek sik.

AMOS 9:11

Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

OBADIAH 1:8

“Edom kakarâk ning khan anmi kasing kathemhei kha kathat manram sik hei khana ansingna rakip kha kaman hmangpet sik.

MICAH 2:3

Khava jâra Rōngpu’n ati, “Ke’n nanchunga khōdeng theina masōna sik intluk eng, khana nangni’n khana inphut inphesōt tor mak tin. Nangni khōdeng theina nanhmu sik, khana avea inlensaktak a lôntor mak jo tin.

MICAH 4:6

Rōngpu’n ahri, “Ke’n karâkna kapek mipuihei, rehring surna inrengna kathok hei mantûpna sik pha kha kahong jo.”

MICAH 5:10

Rōngpu’n ati, “Khava pha khan nanshakor hei kaṭhōisōtpet sik hei khana nanshakor gârihei kaman hmangsō sik hei.

ZEPHANIAH 3:11

Khava pha khan, nangni, kami chei in kei chunga nanlei dōina eng jâra khan inzak sik rangei mak jo ning. A’nlensak leh ṭong inngeimak kalosōt sik hei, khana kei hmebung inthenga khan avea kei chunga adōimak jo tin chei.

ZEPHANIAH 3:16

Jerusalem hneng hinga antina sik pha kha kahong jo, “Zion khōpui, ṭimak roh! Nakut 2 manngōi mak hei roh!

ZECHARIAH 9:16

Khava kani kha ahong pha Rōngpu’n amihei ahuksōt sik hei, kemōng kakhempa’n akemōng thina theia inphut ahuksōt hei kapōa. Lukhua kakop sana mukta kapōa, aram shunga anmani hong kavâr sik jo hei.

MALACHI 4:1

Akahratpen Rōngpu’n ati, “Mi inlensak leh mikaṭhamak-hei, hmei in sapôt akâng kapōa ankângna sik kani kha kahong jo. Khava ning anmani kakângsō sik hei, antaksa khatbek um inhmu mak ning.

LUKE 18:14

Jesu’n ati, “Ke’n kahri pek chei kae, Pharisee changloa, ramsêr kaṭheipa kha a-inna a’nle pha Pathen hneng dikna achen jôk a kae. Ajârchu, binga a’nchoi inshâng rakip kha insu-inhnem sik, tâk binga a’nsinsak rakip kha choi manshâng sik kae.”

CORINTHIANHEI INHNINA 10:17

Tâk-kha ṭong intheng in ahri dungjuia, “Tu achang inum a’nlensak hnōm mi a-om inchu Rōngpu ṭōntlosa chunga khan a’nlensak sik kae.”

CORINTHIANHEI INHNINA 10:5

Pathen man-hretna hlam kakhâra a’nlensak rakip, inshângtak a makhena kathemhei kha, kantasuk machim hei kae; khana sōk changna antakhit malung rakip kanmasō heia Christa ṭong kanmanjui hei.

THESSALONIANHEI INHNINA 1:10

khava ama’n amihei senga inphut lûrna leh akataksenhei senga inphut kajana achenna sik a ajōngna Kani ning akasōk sik kae. Nangni um ankâra invei sik chei, ajârchu kantamanthei chei ṭong kha nantaksena kae.

PETER INKHATNA 5:5

Khava kapōtak a khangtherhei nangni’n upahei ṭong thōia aka-om nger sik chei kae. Khana nangni nankhenga khat leh khat inzentō theina sik insinsakna nankhōna inkhit ruh. Ajârchu ṭong intheng in ahri: “Pathen in inlensak ahōt, tâk insinsak chu lum alo.”