ISAIAH 19:3 - LEKHARABU INTHENG (BSI)

³ Ke’n Egypt mihei ṭōnmantluk hei hme masōpek mak hei ning, khana an-omchen kamaset pek sik hei. Anmani’n anlim hneng inthōpuina ander sik, khana rathla inbekpui hei hneng leh akathi rathlahei hneng ṭong kader sik a kase sik hei.

ISAIAH 19:3 ပူးပေါင်းရင်းမြစ်များ

SAMUEL INHNINA 15:31

Ahithophel in Absolom re mantlukna kha ajom jo ti ṭong kha David anhri pek jo pha, ama’n derna anei, “Rōngpu, lungsettak a Ahithophel mansena kha hnemna kase manchang pek roh!”

SAMUEL INHNINA 17:14

Absolom leh Israelhei seng in anti, “Ahithophel kanek a Hushai ṭongmanthei hi kaṭha jôk.” Absolom chunga insukmona kha atlungna sik a Rōngpu’n Ahithophel ṭongpek kaṭha kha anjui makna sik a amantluk jo.

SAMUEL INHNINA 17:23

Ahithophel in aṭong mantheina antajuipek mak kha ahmu sōt pha ashakōrtung achōnga akhōpuiting inle jo. Innshung ṭong leh hla akimsōa, abinga inkheihlon jo. A-innshung thlâna anvûm jo.

RENGHEI INHNINA 1:2

Rn Ahaziah kha Samaria areng-innpui chungden a inphut heikatla a rahnaktak a intôn a kae. Khava jâra ama’n Philisti khōpui Ekron hei Pathen Baalzebub hneng ama akadam sik mo, akadam mak sik mo, tia akader sik a mi atir hei.

THUHMINGHEI INKHATNA 10:13

Saul kha kathi jo, ajârchu ama kha Pathen hneng taksenthei changmak a kae. Ama’n Pathen ṭongpek juimak; ama’n Pathen mansena kanek a,

HLAHEI 107:27

Anmani ju inrui kapōa invet invai heia inpai inthlûk hei; anthemna rakip kha hnemna kase leikachang jo.

HLAHEI 33:10

Rōngpu’n Jât-hlop hei malung mandon kha amanbōk pek hei; anmani’n antamantluk ṭōn kha antlosōt makna sik ating hei.

HLAHEI 76:12

a’nlensak rengsahei kha amansinsak hei, akalen renghei kha amaṭhit manpir hei.

ṬONGCHÎK-HEI 21:30

Mihring singna, themna kanei, ari inthûk a hmuna hei kha Rōngpu’n adōi che’nchu heite anhnemna om mak.

ISAIAH 14:27

Akahrat Rōngpu’n hivahi tlo sik a amandon jo; ama’n karâkna pekna sik a abân arazit jo, tûte’n tingtor mak ning.

ISAIAH 15:2

Dibon mihei kamukna hmun a akaṭap sik a tlânga kake hei. Moab mihei Nebo leh Medeba khōpui sik a malung inrenga kaṭap hei; malung inreng malârna ansam, anhnerhme anvo.

ISAIAH 19:1

Hivahi Egypt chungchânga ṭongpek kae. Rōngpu kha sumtuk achōnga inrangtak a Egypt a kajōng. Egypt hei limhei kha ahmai kunga anratha innok, khana Egypt hei kha ahmai kunga anngarsōna kha inhmang jo.

ISAIAH 44:25

Ke’n tla kasânhei kaman mo hei, khana ârsi lekha kathemhei ṭongsânsōt hei kha kamanhmak hei. Mikasinghei ṭonghri kha ke’n kamakhe, khana ansingna hei kha akamo kamanchang pek hei.

ISAIAH 47:12

Nang hmitphedôi leh mithlimna hei kha dasōt roh; nasinlaia inphut nahong hmang jo hei kae. Khahei khan ajingbek chu anta’nthōpui sik che kachang sik; khan vâng khan na’ndōipui hei namaṭhit torkhat hei kachang sik.

ISAIAH 57:16

Kamihei hringna kapek hei, khana anmani maset pek manjôn mak ning, anchunga kahnuk mannat ṭhak mak jo ning.

ISAIAH 8:19

Tâk-kha mi he’nchu kutze ka-en hei leh rathla inbekpui hei, tla kasânhei der hei ruh, anti sik chei. Anmani’n anti sik, “Hei-achang inum, mihe’n akahring hei kahlanga, ṭong thangkōi kha rathla leh akathihei hneng antader sik kae.”

JEREMIAH 46:15

Heijâra mo nan-Pathen Apis kha akatlu? Rōngpu’n avōk mathlûk a kae!’

EZEKIEL 21:7

Heisa mo a’nkōi che tia ander che pha, hiva ṭong hi kathei jâra kae ti roh. Khavakha asōk pha, anmalung kha ṭitna’n kasip sik jo, ankut he’m kahngōisō sik jo hei, anmalung ngarna kha katlasam sik jo, anmarkhup innok sik jo. Khava pha kha hong katlung jo, hinahin ka-om jo.” Chunghnung Rōngpu’n ahri jo.

EZEKIEL 22:14

Ke’n nangni manchaina katlo pha nangni’n inngamna a-emak leh nankut kalâng torna sik a ratha katluk a nannei sik tia a’ndon chei mo? Rōngpu ke’n kahri jo kae, khana kaṭong kha katlo nger sik.

DANIEL 1:20

Rengpa’n ṭong ader rakip, a-emak leh ṭong kakhôk aheikeisō rakip, ama rengram pumpuia ṭong kasânhei leh dôi leh ai kathemhei kanek a hiva mi 4 hei hin aṭhen sôm kakhea anmanhret det a kae.

DANIEL 2:2

khava jâra ama’n rahmang kha akahri inchên sik a kutje ka-en hei, dôi kathemhei, inralak katlohei kha aleibek hei. Anmani anhong leh rengpa hmaikunga anngir pha,

DANIEL 5:7

Hmitphedôi kachoi, inralak katlo, ârsi lekha kathemhei vaṭhōina sik a ka-ônga mi abek jo hei. Anmani anhong pha, rengpa’n anhnenga ati, “Hiva kutsun hi akateisōt tor khana heitina mo akahrisōt tor mi kha ahrak a sana maṭhi man-or sik khana rengram shunga ratha kanei 3 tlukna kachang sik.”

SAMUEL INKHATNA 25:37

Khava sōa ama ahong hlimseng jo pha, heirakip ahri pek jo. Ama kha ahip-manpûra katlu joa, atak kathipet joa kae.