ISAIAH 18:2 - LEKHARABU INTHENG (BSI)

² Khava ram a inphut Nile tuidunga peng vânga insyem rakōng antôra palai jōng kaṭumsuk hei. Innting inle ruh, ṭongkarônhei inrang ruh. Tuidung in asemṭhen jo nanrama, akahrat leh ratha kaneipen jât, vânhnōi taṭit a’nshângpen leh taksa-inne hei hnenga ṭong thangkōi inkhat rôn male ruh.

ISAIAH 18:2 ပူးပေါင်းရင်းမြစ်များ

THUHMINGHEI INHNINA 14:9

Ethiopia mi inkhat arahming Zerah inti khan Judah ram a 1,000,000 remi leh shakor gâri 300 leh Mareshah katlunga hmating anheinam jo.

THUHMINGHEI INHNINA 16:8

Ethiopia leh Libya remihei kha shakor gâri leh shakor katôr remi katamtak antanei hei changmak mo? Tâk-kha nang in Rōngpu hneng na’nngai jâra anmani torna kha aleipek che kae.

JOB LEKHARABU 9:26

Kahringkhō hi rakōng kavirpen kapōa inranga kathleng Marhmu in thepa chunga ajōng inkho kapōa inrang.

SŌKSŌT 2:3

tâk amanu’n pha kasôttak aleithup tor mak jo pha, peng vânga a’nsak rathi inkhat aloa tui hlut makna sik khe akanoa kae. Ashunga naite kha akhuma, tuipanga kahar inshâng kâra avada jo.

ISAIAH 18:7

Akahrat Rōngpu’n, hiva a’nshâng leh anvun inne hei, akahrat leh ratha kaneihei, vânhnōi pumpui taṭit hei, hiva tuidung taṭhensōt ram a inphut tōknahei arahlângna sik pha kha lakajōng sik. Anmani, Chunghnung Rōngpu kamukna hmun Zion Tlânga alakahong sik hei kae.

JEREMIAH 49:14

Ke’n kahri, “Edom, ke’n Rōngpua inphut ṭong kathei. Ama’n jât-hei hneng anremihei anmantûpna sik khana nangni kasō sik a an-intlukna sik, ṭongkarôn inkhat atir jo.

EZEKIEL 30:9

“Khava kani kha ahong pha khana Egypt kha a’nsuk inhmang pha, khanga akasōk sik a taksenna kaneimak Ethiopia mihei mathōna sik rakōng shunga ṭongkarôn mi katir sik hei. Khava ṭit ka-om tak kani kha kajōng jo!”

OBADIAH 1:1

Edom jât chungchânga Akahrat Chunghnung Rōngpu ṭonghri, Obadiah ṭong sânsōt kha hi kae. Rōngpu’n jât-hei hneng aṭong karôn atir jo hei, khana keini’n aṭong hi kanthei jo: “Inrin ruh! Edom re kasō sik a se jo rih!”

HABAKKUK 1:7

Anmani’n ṭitna leh inpirna anmasō lele khana an-inlensakna khan anmani anbing sik a dân kachang hei.

LUKE 10:19

Rangei ruh, ke’n nangni mari leh aipui hei chunga ke choitorna sik, Indōipuipa ratha neina rakip chunga torna sik khana heite’n asukset makna sik chei ratha neina kapek jo chei.