ISAIAH 17:3 - LEKHARABU INTHENG (BSI)

³ Israel kha inhrungna om mak ning, khana Damascus kha aning ahnōma a-omna inhmang sik. Akahring Syriahei kha Israelhei kapōa hmaimôkna inpek sik hei. Akahrat Rōngpu ke’n kahri kae,” ati.

ISAIAH 17:3 ပူးပေါင်းရင်းမြစ်များ

RENGHEI INHNINA 16:9

Tiglath Pileser in Ahaz ngekna kha ahnōm pek a, aremihei leh Damascus a re kakōn heia, anhlō jo, Reng Rezin athat a khana mihei kha rehring sura Kir a ankei heia akhum jo hei.

RENGHEI INHNINA 17:6

Hoshea vairôn kum 9 tlukna, Assyria rengkalen khan Samaria kha ahlō jo, Israelhei kha Assyria ting rehringa ankei hei, khana ṭhahrep chu Hala khōpuia, ṭhahrep Gozan ramkeia Habor tuidung hneng, khana ṭhahrep in Media khōpui shunga khō amantlâk jo hei.

ISAIAH 10:9

Ke’n Hamath leh Arpad hei khōpuihei, Kalno leh Carchemish kha rea kator hei. Samaria leh Damascus rea kator hei.

ISAIAH 16:14

Khana tûn Rōngpu’n ahri, “Kum thum shungtak a Moab-hei nei leh hao katamtak inhmang sik jo. Amipui katamtak hei hi ajingte rōk kahring sik hei, khana anmani katlasam sik hei.”

ISAIAH 17:4

Rōngpu’n ahri, “Israelhei lenna kha atlangna sik kani kahong sik jo, khana annei anhao kha sara changna’n alathleng sik.

ISAIAH 25:2

Nang in khōpuihei kha a’nhmanga nada hei anrekurhei nasuk manhmang pek hei. Kan-indōipuihei tasaksōt innpuihei ahei tik a sik a om mak jo hei.

ISAIAH 7:16

Khava pha kha ahong tlung mak hma nangni inrimna kapek reng 2 hei rengramhei kha hleichi kachang sik jo hei.

ISAIAH 7:8

Heisa mo? Ajârchu Syria kha Damascus khōpui kanek a akahrat chet changmak, khana Damascus kha Reng Rezin kanek a akahrat chet changmak. Israelhei sik a chu, kum 65 shunga insukṭhen dâk jât inkhat a kahring sik hei.

ISAIAH 8:4

Naite khan, ‘Apa,’ leh ‘Anu’, atithei mak hma Damascus nei rakip leh Samaria neichom rakip akhenga Assyria rengpa’n anrônsō sik jo.”

HOSEA 1:4

Rōngpu’n Hosea hneng ahri, “‘Jezreel’ tia arahming phō roh, ajârchu anpu ṭhut Jehu’n Jezreel hmun a mi aleitha jâra Israel reng karâkna kapek sik pha hi sôtmak jo ning. Ke’n Jehu phung hrui kamanbâng sik jo.

HOSEA 1:6

Gomer in 2 tlukna nai anei, hichu nuhmeinai kae. Rōngpu’n Hosea hneng ahri, “‘Lungset mak nu’ tia phō roh, ajârchu Israel mihei chunga lungsetna ke’n malârsōt mak ning khana rangei mandam mak jo hei ning.

HOSEA 10:14

namihei chunga re kajōng sik, khana nanrekur rakip suk manhmang sik kae. Shalman rengpa’n rea Beltharbel khōpui asuk khōia, annuhei leh ansahei asukmanram hei kapō kha kachang sik.

HOSEA 3:4

Hiva kapōhrep a Israel mihei kha reng leh hlamkakei kasea, inthoina tlo loa a-emak leh a’ntheng hlung kachohei neiloa, limsyemhei kasea a-emak leh tlâ sânna anhmang limhei kasea aka-om sik hei kae.

HOSEA 8:8

Israel hi jât-hlop kapōa kachang jo akahnem mak be kakōi kapō kae.

HOSEA 9:11

Israelhei lenna kha va kapōa kajongsōt sik jo, sa neimak jo hei ning, nuhmeihei nai vonmak jo hei ning, nai rônmak jo hei ning.

AMOS 8:14

Samaria limsyem rahminga ṭong intepna kanei khana hinga kahrihei, ‘Dan pathen rahminga achangmak leh Beersheba pathen rahminga,’ mipuihei kha kapûr sik hei khana avea indingtor mak hei ning.”