ISAIAH 13:3 - LEKHARABU INTHENG (BSI)

³ Rōngpu’n ahnuk inhnat mihei karâkna sik a a’ntheng re katuk sik a taksenthei remi leh rekahrâng hei kha abek jo hei.

ISAIAH 13:3 ပူးပေါင်းရင်းမြစ်များ

HLAHEI 149:2

Nankasyempa jâra Israel inpâk ruh; Nanrengpa jâra Zion mihei hōi ruh!

ISAIAH 23:11

Rōngpu akut kha tui-ôngpui chunga arazit a rengramhei anam mathlâk hei. Ama’n inveina laiṭim Phoenicia khōpui asuk mathlâkna sik ṭongpek amasō jo.

ISAIAH 5:26

Ram kahlatak a jât inkhat bekna sik a Rōngpu’n mêrchîkna inkhat apek sik. Raleichung a’nchaina inphut ahongna sik a tumphir atum. Khana khan anmani inranga leh kayâng tak a kahong hei!

JEREMIAH 25:9

‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.

JEREMIAH 51:46

Ṭong inhri nanthei jâra inngam makna neimak ruh khana nanṭit manse mak ruh. Akumtina ṭong hlop-hlop inhri ri, ram shunga rethat mithat ṭong, reng inkhat leh reng inkhat re intukna inthei.

JEREMIAH 51:53

Babylon in bōirōk chunga ake tor a rekur kahnettak asyem inum, ke’n akasukset sik mi katir sik hei. Rōngpu ke’n kahri jo kae.”

JOEL 3:11

Inrang ruh, khana hong ruh akimvea ka-om jâtseng phaichama hong intûp ruh.’” O Rōngpu, tir jo hei roh, re kasō sik a naremihei kha.

ZEPHANIAH 1:7

Rōngpu kha ṭongtan hmun a a’n-ong sik kani kha kahnai jo; khava jâra ama hmaikunga sip ti una om ruh. Rōngpu’n amihei kha inthoina tōk sik a intluk jo khana Judah kavōk-khōi sik a inrepuihei kha abek jo hei.

ṬONGPHÔNG 18:20

Amanu inhmang jâra marvân inpâk ruh! Pathen mihei, sânkathemhei leh sonlehei, inpâk jo ruh! Ajârchu amanu’n nanchunga aleitlona dungjuia Pathen in achunga masetna apek jo kae!