ISAIAH 12:4 - LEKHARABU INTHENG (BSI)

⁴ Mipuihei hla hi ansakna sik kani lakahong sik, “Rōngpu kha manpâk ruh! A’nthōpuina sik a ama bek ruh! Ama’n atlona hei kha jât rakip hneng manthei hei ruh! Ama heituk akalen mo manthei hei ruh!

ISAIAH 12:4 ပူးပေါင်းရင်းမြစ်များ

HLAHEI 105:1

Rōngpu hneng inpâkna pek ruh, alenna kha phôngsōt ruh. aṭōn tlohei kha jât-hei hneng manthei hei ruh.

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

ISAIAH 25:1

Rōngpu, nang ka-Pathen che kae; ke’n nang kaṭit kakaja sik che, khana narahming kachoi ka-ân sik. nang in ṭōn inlak-hei natlo jo; tenlaia nang in naleimantluksa jo hei kha taksen theitak a natlosōt jo hei.

JOHN 17:26

Nang in kei namalung setna eng kha anmani shunga a-omtheina sik, khan chu kei um anmania ka-om theina sik, nang anmanhretna sik che katlo jo khana kalatlo ṭhak sik.”

JEREMIAH 50:2

“Ṭong hi jât-hei hneng manthei hei roh! Phôngsōt roh! Ṭong hi amerchîkna pek roh khana phôngsōt roh! ip a damak roh! Babylon katlu jo! Apathen Marduk kha suk mathlâk a ka-om jo. Babylon limhei kha anhmai manjûm jo hei kae; amanu mater ka-om limhei kha suk rabun jo hei kae!

HLAHEI 57:5

Eh Pathen, nalenna kha marvâna, khana nalûrna kha raleichung rakip a malâr roh.

HLAHEI 18:46

Rōngpu chu kahring ṭhak! Ani kasenpa kha manpâk ruh. Pathen kakahukpa alenna kha hrimanthang ruh!

NEHEMIAH 9:5

Athōia Levihei hin Pathen kamukna sik a bekna anleinei hei: Jeshua, Kadmiel, Bani, Hashabneia, Sherebiah, Hodiah, Shebaniah khana Pethahiah hei seng. Anmani’n anti: “Ngir una Rōngpu nan-Pathen kha manpâk ruh; Ahei tik a, ahei tik chenna ama kha manpâk ruh! Mihring manpâkna hi pui atluk mak innum mi rakip in ama rahming kalûr kha manpâk hei rasoh.”

SŌKSŌT 33:19

Rōngpu’n amasôn, “Kalûrna hei seng nahmai kunga kamalâr sik khana nahmai kunga a’ntheng karahming kahrisōt sik. Kei Rōngpu eng kae, ke’n kakadei hei hneng kamaritna leh kamalungsetna hei kamalâr.

SŌKSŌT 15:2

Rōngpu kha kei kahrung ratha kahrat kha kae; kei ani kahuk kha ama kae. Ama ka-Pathen kae, ama kachoi ka-ân sik, kapa Pathen kae, alenna chungchânga hla kasak sik.

ISAIAH 66:19

khana anmani karâkna ankapek kha kei eng kae tia anmanhret sik jo. “Tâk-kha anmani ṭhahrep kaṭhen sik hei khana jât-hlop hei leh ram kahlatak a kei rahming inthang alakathei mak hei, kalûrna leh kalenna alakahmu mak hei hneng katir sik hei: Spain, Libya khana Lidya leh anthe kakâp kathemhei hneng khana Tubal leh Greek ramheia. Hiva jât-hei kâra kei lenna kha anphông sik a kae.

ISAIAH 33:5

Rōngpu kha heituk-hrep a akalen jo mo? Ama’n heirakip chunga vai arôn. Ama’n Jerusalem kha kadik a inrônna leh malung inrena khan amansip sik,

ISAIAH 24:15

nisōtinga ka-om hei khan ama anchoi ka-ân sik. Tui-ôngpui panga ka-om he’n Rōngpu, Israel Pathen kha anchoi ka-ân sik.

ISAIAH 12:1

Mipui in hla hi ansakna sik kani lakahong sik, “Ke’n kachoi ka-ân che, Rōngpu! Nang kei chunga nahnuk leikana, tâk-kha tûnchu lungmōng nathlâk eng, nahnuk namak jo.

ISAIAH 2:17

Mihring inlensakna kabâng sik, khana mihring êngsetna hei seng kha amanbōi sik. Limsyemhei hi akhenga inhmangsō sik, khava ning Rōngpu rōk kha choi manshâng sik kae.

ISAIAH 2:11

Mihring inlensakna manbângna leh racham kase manhmangna sik a kani inkhat kahong sik. Khava pha Rōngpu rōk kha choi manshâng sik kae.

HLAHEI 113:5

Ni-Rōngpu Pathen kapō tûte inkhatbek om mak, ama chu chung inshânga ka-om,

HLAHEI 107:22

Neitōk pum a antamanpâk nger sik kae, aṭōn leitlo rakip kha inpâkna hla sakpuma antahrisōt nger sik kae.

HLAHEI 97:9

Rōngpu, akahratpen, nang chu raleichung pumpui vaikarôn che kae; Pathen rakip hei kanek a kalen chet che.

HLAHEI 96:3

Alûrna kha phung leh jât-hei kâra hrimanthang ruh, aratha neina ṭōnhei kha mi rakip hneng phôngsōt ruh.

HLAHEI 73:28

Tâk-kha kei sik chu, Pathen hnenga oma Chunghnung Rōngpu sânsōtna jonga aṭōntlo rakip hrimanthang sik hi heituk a akahōi inlak jo mo!

HLAHEI 46:10

Ama’n ati, “Retlo bâng ruh. Kei Pathen eng kae ti hi manhret ruh, jât-hei kâra torna kaneipen leh vânhnōia torna kaneipen eng kha kae.”

HLAHEI 40:5

O Rōngpu, kan-Pathen, nang in keini sik a hingja natlopek jo ung; Nang kapō inkhatbek om mak! Nang in keini sik a’nlak mantlukna hingja nasyempek ung. Ke’n khahei seng kha hrisōt tor mak eng, ajârchu khahei kha anja katam hêra kae.

HLAHEI 34:3

Rōngpu lenna kha kei leh hrimanthang rih; arahming kha choi ka-ânsap rih!

HLAHEI 22:31

Rōngpu’n amihei aleihuk hei tia ala’nte mak mihei hneng anhri pek sik hei.

HLAHEI 21:13

Rōngpu, narathahrat alen jâra kanmanpâk che! Naratha hratna kha hla vânga kansak a kanchoi ka-ân sik che.

HLAHEI 9:11

Ziona vaikarôn, Rōngpu choi ka-ânna hla sak ruh! Aṭōn leitlo kha jât rakip manthei hei ruh!

THUHMINGHEI INKHATNA 16:8

Rōngpu hneng manpâkna pek ruh, alenna kha hrimanthang ruh; Ama ṭōntlo kha jât-hei hripek hei ruh.

HLAHEI 148:13

Ankhenga Rōngpu rahming kha choi ka-ân hei rasoh! Arahming kha heirakip nek a kalen jôk; alûrna kha marvân leh ralei kanek a inshâng jôk.

ISAIAH 26:8

Keini’n nalungdo kanjui, khana nanga inhōrna kannei; kantamadu heirakip kha nang che kae.

ISAIAH 42:12

Ram kahlatak a ka-om hei khan Rōngpu hneng manpâkna leh lûrna kha pek hei rasoh!

ISAIAH 48:20

Babylona inphut sōksōt ruh, ning leh hnōma om ruh! Inpâktak a ṭong kha ông manthang ruh; hmun rakip a manthei hei ruh: “Rōngpu’n asōk Israel kha ahuk jo!” ti ruh.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

HLAHEI 68:5

Abek-inn intheng shunga aka-om Pathen khan nu leh pa kase leh renghmeihei kha a-ensui hei.