ISAIAH 12:3 - LEKHARABU INTHENG (BSI)

³ Tui kahre hei hneng tuidai intheng in antuihre chimna apek hei kapōa Pathen mihei kha ama’n ahuk hei pha inpâk hei.”

ISAIAH 12:3 ပူးပေါင်းရင်းမြစ်များ

HLAHEI 36:9

Nang chu hringna rakip kōnna che kha kae, nang navâr jâra keini’n vâr kha kanhmu.

HLAHEI 87:7

Anmani kalâm heia hla ansak, “Zion hi nivâng chenna rakip hong inphutna kae,” anti.

HLAHEI HLA 2:3

Ratu thingkâra theikhup thingkung kapōa, pase ralak-hei leh nitekâk inchu kalungdipa kha kachanga kae. Ama daihlim thōia in-ong sik kha kamadu, khana ama kara kha kamantama kathlum hêr.

ISAIAH 41:18

Ke’n bung kachâr heia tuidung kaman lōng sik. khana phaicham heia tuiri kamanpût sik Nêrdiram kha tuikhura kasyem sik hei khana ram kachâr hei kha tuiri pûtna kamanchang sik hei.

ISAIAH 49:10

anmani ahei tik a’m anvon ṭâmmak ning khana antui hremak jo ning. Kani leh nêrdi kalum in anchunga tônmak jo hei ning, ajârchu ani’nlungset inkhatpa khan aching sik jo hei. Ama’n tuiri pûtna hmun a aṭhōi sik hei.

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

EZEKIEL 47:9

Khava hmun a tuisam alōngna khan sha leh nga jât rakip ka-om hei. Tuisam lōngna khan Tuipui Kathia tui kha amansim sik, khana alōngna rakip a hringna apek sik.

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

JOHN 1:16

Ama, maritna kasip phet achangna inphut mahâmṭhatna inkhat bânna inkhat eini nikhenga apek me.

ṬONGPHÔNG 22:1

Khan chu ngeva khan kemōngte leh Pathen len in-ongna inphut hringna tuidung hlungvâr kapōa

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”

SAMUEL INKHATNA 2:1

Hannah’n ader: “Rōngpu’n kamalung hi inpâkna amansip; Ama ṭōntlo pekna eng jâra heituk a a’npâk jo eng mo! Kaka-en kadahei kamanuisō hei; Pathen in a’nthōpui eng jâra heituk a akahōi jo eng mo!