ISAIAH 11:9 - LEKHARABU INTHENG (BSI)

⁹ Pathen tlâng intheng, Zion chunga, akaṭhamak khana insuksetna heite om mak ning. Tui-ôngpui tui asipphet kapōa ram kha Rōngpu manhretna kasip phet sik jo.

ISAIAH 11:9 ပူးပေါင်းရင်းမြစ်များ

JOB LEKHARABU 5:23

Nahlei khōina khan hlung om mak ning, ramsha he’n abuhlu hêrmak hei tin.

HLAHEI 72:19

Arahming kalûr kha ahei tik a choi ka-ân ruh! Alûrna khan raleichung sipsō rasoh. Amen! Amen!

HLAHEI 78:54

Ama khet in aleitorna Zion Tlâng ram inthenga khan ajōngṭhōi hei.

ISAIAH 11:13

Israel rengram in Judah chunga thangsetna neimak jo ning, khana Judah kha Israel indōipui chang nôk mak jo ning.

ISAIAH 11:8

Naidông inkhat mari tûr kanei hneng a’ndei inum heite manlomak ning.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

ISAIAH 32:16

Ram shung hmun rakip a ṭongdik leh ṭōn kaṭha anhongtlo hi sik.

ISAIAH 33:6

khana jât hnenga ngir inhnetna apek sik. Ama’n ahei tik a amipuihei ahrung hei khana singna leh manhret theina apek hei. Anmani karōi manbukna khachu Rōngpu kajana antanei kha kae.

ISAIAH 35:9

Shakahrâng inti’n khava hlam kha rakan theimak ning, shabakkai khava hlam a om mak ning. Rōngpu’n ahuk manhring jo hei rōk khan An-inn jōnna khava hlam kha antahro sik kae.

ISAIAH 45:6

Ke’n hivahi katlo kae ajârchu raleichung a’nphutna inphut a’nchaina katlunga aka-om seng in kei Rōngpu eng kae khana pathen ralak om mak tia anmanhretna sik a kae.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 52:10

Rōngpu’n arathahrat intheng kha ahmang sik; amihei ahuksōt sik hei, khana vânhnōi pumpui in antahmu sik kae.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

ISAIAH 56:7

“Ke’n nangni katlâng intheng Ziona kaṭhōi sik chei, kei derna innshunga inpâkna kapek sik chei, khana kamaichâm chunga nan-inthoina tōknahei kha karahlâng sik jo. Kabek-inn hi vânhnōi jât rakip sik a derna inn a’nti sik kae.”

ISAIAH 59:19

Nisōa inphut tlaitlâk katlunga mi rakip in ama leh aratha hratna kha anṭit sik jo. Ama kha tuidung alōng inhnak leh thlipui inhnaktak kapōa kajōng sik.

ISAIAH 65:25

Kahne leh kemōng he’n thlai ansâksap sik; shabakkai in sehrat kapōa sapôt asâk sik, khana mari he’n mi kasukset changmak jo hei ning. Katlâng intheng Zion chunga khan inhmangna leh akaṭhamak om mak jo ning.”

ISAIAH 66:18

Ke’n anmani tamandon leh anṭōntlo kha kamanhret. Jât rakip mi manchunna sik a kajōng sik eng. Anmani anhong inchun pha, kei rathahrat tlotorna kha anhmu sik

ISAIAH 66:20

Anmani’n nansap Israelhei kha jât-hei kâra inphut kei hnenga kutchoi kapōa anta heiṭhōi male sik hei kae. Anmani kha Israel he’n Bek-inna tōk sik hmuchi beklanga a’ntheng atena heia anta heirôn kapōa katlang intheng Jerusalema hin, shakor, shakōrtung, sharîngsei chunga khan chu shakor gâri chunga anta heiṭhōi male sik hei kae.

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

JEREMIAH 31:34

Anmani tûte’num akhō-aven inkhat hnenga Rōngpu kha amanhretna sik a manthei mak jo ning, ajârchu akasina inphut akalen katlunga kei anmanhret pet sik jo eng. Ke’n ansetna karangei mandam sik hei, khana anṭhena hei mandon mak jo hei ning. Rōngpu ke’n kahri jo kae.”

EZEKIEL 34:25

Anmani inhrung theina sik a ke’n anmani leh intepna kanei sik. Kakemōng he’n kahōia hleipuk a leh ratu shunga anje theina sik a ram shunga thinathei ramsha rakip kalosōt sik hei.

EZEKIEL 47:5

Ama’n metre 500 atesa nôk, khava pha khan chu tui kha inthûk hêr jo, ashunga petan tor mak jo eng. Khavakha tui jâp inbe tei loa rakantor changmak jo.

DANIEL 11:45

Ama’n tuipui leh Bek-inn omna tlâng ankâra reng pōn-inn kalen tatak heia’m amatung sik hei. Tâk-kha ama kabôm sik tûte omloa ama kathi sik jo.”

DANIEL 12:4

Ama’n kahnenga ati, “Khana tûnchu, Daniel, lekha kha makhu jo roh, ralei a’nhmangmak kârseng mêrchîkna nam jo roh. Khava shung senga hei omchen mo akasōk sik antia, manhretna sik antloa, mi katamtak in môksek a pha anmanhmang sik.”

HOSEA 2:18

Khava pha kamihei suksetna annei makna sik a, ke’n ramsha leh va rakip kha ṭong intepna inkhat kaneipui sik hei. Khan nôk chu re hmangchâk rakip, chemjâm, the leh sai ram a inphut kalosōt sik, khana kamihei kha malung kamōnga kahōia ka-om sik jo hei.

JOEL 3:17

“Khana, Israel, nang in kei hi Rōngpu na-Pathen eng kae tia namanhret sik eng. Jerusalem hi khōpui intheng kachang sik; miram he’n ahei tik a’m hlō tor nôk mak hei ning.

HABAKKUK 2:14

Tâk-kha tui-ôngpui shunga tui akasip tlit kapōa raleichung hinum Rōngpu lûrna manhretna khan kasip sik jo.

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

ZECHARIAH 8:3

Kakhōpui intheng, Jerusalema kei inle sik eng, khana khan ka-om sik eng. Hivahi taksenthei khōpui, Akahratpen Rōngpu hmebung, khana hmebung intheng tia inhret sik.

THESSALONIANHEI INKHATNA 5:15

Enruh, tûte’num akaṭhamak kha akaṭhamak vâng male mak rasoh, tâk pha rakip a mi rakip hneng leh nangni inkhat leh inkhat hneng ṭōn kaṭha tlona sik bitin kha nei ruh.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.