Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ISAIAH 10:6 - LEKHARABU INTHENG (BSI)

6 Kahnuk inhnat mihei, khōvel jât-hei re kasō sik a ke’n Assyria kha katir. Anmani mipuihei nei kachom sik, inru sik, leh hlamdunga ankachōn rachi sik a katirhei kae.”

အခန်းကိုကြည့်ပါ။ ကော်ပီ




ISAIAH 10:6
38 ပူးပေါင်းရင်းမြစ်များ  

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.


Remi he’n an-indōipui hei hlamlena dôp shunga antachōn manbek hei kapōa Judah mipuihei khan re antor sik. Rōngpu’n anmani a’nṭhōipui hei jâra anmani’n re antlo sik, khana an-indōipui hei shakor remihei kapha’m antor sik hei.


Anmani ṭong kapek sik hei, anmani hiva khōpuia he’nle sik hei. Anmani’n anbuhlu sik, anhlō sik khana hmei vâng anro mathlâk sik. Ke’n Judah khōpuihei hi, tûte om makna nêrdiram inkhat kapōa kasyem sik hei. Rōngpu ke’n kahri jo kae.”


‘Ke’n sak tinga mi rakip hei hnenga leh kasōkpa, Babylon Reng Nebuchadnezzar hnenga ṭong kapek sik hei. Ke’n anmani kha Judah leh ashunga ka-om hei khana ahneng vena ka-om jât rakip hei dōina re katuk sik a kaheiṭhōi sik hei. Hiva jât leh ahnenga ka-om hei hi kasuk manhmang sik hei khana ahei tik a kamanram cher sik hei, ṭit ka-om leh hmit-enna malung tônna kachang sik hei. Rōngpu, ke’n kahri jo kae.


Egypt mihei kha, Chunghnung Rōngpu’n Judah hei sik a ṭōn amantluk pek hei kha anmandonsōt akaia ṭit a inpir sik hei.


Nangni a’nṭhat hlemsak-hei! Isaiah khan nangni chungchânga aleisânsōt kha heituk a akadik jo mo!


Khavakha kankadōi, “Rōngpu nan-Pathen khon mo ka-om jo?” tia ani kader kankadōi mama hei kha’n anhmu sik khana inzak sik jo hei. Hlam a bōnthlōk kapōa chōnnek a, tor a anka-om kha kanhmu sik hei.


Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?


Khana hiseng so leh taksenthei kachangmak Israel nainu Judah khan kahnenga ahong inle inhlemsak a kae; ama amalung intheng mak a kae. Rōngpu ke’n kahri jo kae.”


Kahnuknat a jât pumpui kachōn rachi heia kakathek jo hei. Ke’n anhringna thisen kha raleichunga kasun mathlâk jo.”


Rōngpu’n amasôn, “Ke’n vomhrui thei chōn rachi kapōa jât-hei kachōn rachi hei, tûte inkhatbek kei inṭangpui sik a hongmak. Ke’n hnuk kana tak a kachōn rachi hei, khana anthisen khan kapōnsi hi achu mansen joa kae.


“Ke’n nisōtinga ka-om mi inkhat kakadeisōt jo; Sak tinga inphut re kabuhlu sik a kaheiṭhōi sik. Ama’n vaikarônhei kha bōn rachia arachi sik hei, be kakheng in matlak arachi kapōa arachi sik hei.


Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”


Rōngpu’n ahri, “Hiva mihe’n kei kamuk sik a anti, tâk anṭonghri hei kha ajâr kase kae, khana anmalung kha ahlop khat a ka-om. Anbek-oina kha heite changmak; tâk anmalunga antachîk hnâm mihring dân leh chona ngai hei kha kae.


Hivahi Hmangtalâr Phaichama khan ṭit-inpirna, hmaimôkna, leh inhmakna pha inkhat kae, khana Chunghnung Rōngpu’n eini chunga ajōngtir jo kae. Khōpui kurbang kachim inthla jo, inthōpuina sik ông rasa tlâng inthônga kae.


Ajârchu Chunghnung Rōngpu kha ahnuk kana jo, ama mi karâkna kha hmei kapōa ram pumpuia kakâng jo khana mihei asuk manhmang jo hei, hivahi anbibinga anchen kae.


Anremihei ông rasa kha shabakkai he’n ramsha anthat pha tûte inkhatbek inum akasut tor makna hmun a antatlensōt a a’nhrung kha ka-ang.


Ke’n anmani karachi neng heia vaiphin kapō kachang hei; khōlai hlam a bōnthlōk kapōa kachōn dek-dôk hei.


Ke’n kavomhrui rahōn chunga katlo sik kha hi kae; akimvea rape kalosōt sik, akhârna hlung bang hi kavōk manchim sik, ramsha he’n sâk jo hei sona chōn rachi jo hei rasoh.


Rōngpu kha amihei chunga ahnuk kana, khana karâkna sik a abân arazit a kae. Tlângbung innok sik hei, khana akathi kalōnghei kha hlampuia inchap dâk a indahlon sik hei. Kha achang inum Rōngpu hnuknat kha labâng mak ning, karâkna pekna sik a abân alakalek hi sik a kae.


Rōngpu’n nang chunga, namihei chunga, khana reng innshung rakip chunga, Judah a inphut Israel rengram a’nṭhensōt khava shung senga aleikasōk rakip inrengna kanek a akakhôk chet ajōng masō sik, ama’n Assyria reng aheiṭhōi sik jo kae.


Anmani tuikalen in nidâr katlunga achûma heirakip amakhusō kapōa, Judah ram shunga heikahlut sik hei.” Pathen in a-ompui me! Ama mathla zâr thōia ram hi aka-unsia kae.


Mihring he’n Pathen dânhei ansukkhōia khana ahei tik a aka-om sik intepna anjuimak jâra raleichung anmannim jo.


Mikamo khan invet ṭong ahrisōt khana ṭōnse tlo sik amandon. Atlosōt leh ahrisōt hei khan Rōngpu inzakna apek, khana ama’n von kaṭâm hei veiphung mak, tui kahre hei heikhat in sik pekphung hêrmak.


Eini kadōihei kha inhmang jo hei! Anmani kha tûte’n anchom mak heia anhōn mak hei inum, anmani’n mi anchom heia anhōn heia kae. Tâk-kha anmani’n mi antahōnna leh anchomna sik pha kha ho’nchai sik jo, anmani khet kha chom sik leh hōn sik jôk kha hongkachang sik jo hei.


“Nang kasyemther sik hei kha inranga kahong jo hei khana nang kasuk inhmanghei kha kasesōt sik jo hei.


Rōngpu’n amasôn, “Khavakha ahong kasōk khet sik kha kae. Sepeihei khum mihei kha losōt sik hei kae, khana êngkase nei kachom hei kha sur sik hei kae. Nang kadōi rakip hei kha ke’n kadōi sik hei, khana nasahei kha kahuksōt sik hei.’


Ke’n ahnenga Egypt hi aṭōn leitlona jâra kapek sik, ajârchu aremi he’n kei sik a ṭōn anleitlo. Chunghnung Rōngpu ke’n kahri jo kae.


Pha khat a akarōksai khōpuihei shunga aka-om hei hneng, nasuk manbōi heia nachom sik hei. Khahei kha khôm mantûp jât-hei kae, tûnchu ran leh karōi antanei joa raleichung hlamsōtak a aka-om jo hei kae.


Sheba leh Dedan khana Spaina revei katlohei khan ander sik che, ‘Naremi namantûp jo hei mo, mihei karōi suk mansetna leh chomsōtna sik a re natuk jo mo? Nang dangka leh sana, ranhring khana karōi chenna sik, khana khahei rakip rôn sōt a naram jōn sik a a’ntluk jo che mo?’”


Rōngpu, anphutbia inphut nang chu Pathen che kae. Nang a’ntheng leh kumsôt a ka-Pathen che kae. Rōngpu ka-Pathen kakahrungpa, nang in Babylonhei kha nakadei hei khana keini karâktorna sik a ratha napek hei.


Rōngpu inthōpuina inveiloa nanrama hin re kahongsōa kasuk manhmang kae tia nantamandon mo? Rōngpu khet in re tlona sik leh suk manhmangna sik a amanthei eng kae.”


Naite khan, ‘Apa,’ leh ‘Anu’, atithei mak hma Damascus nei rakip leh Samaria neichom rakip akhenga Assyria rengpa’n anrônsō sik jo.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ