ISAIAH 10:3 - LEKHARABU INTHENG (BSI)

³ Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

ISAIAH 10:3 ပူးပေါင်းရင်းမြစ်များ

A’NPHUTNA 31:1

Jacob in Laban sahei ṭonghri kha athei jo: “Nipa ran kaṭha rakip Jacob in alosō jo. Anei leh ahao rakip so nipa ta rōk hei kae,” anti.

RENGHEI INHNINA 7:15

Mihei khan Jordan tuidung katlunga kase hei, hlamlen dunga khan Syria remihei hmangchâk khana pōn leh der hei antlânsōt laia antadahlon hei anhmusōt hei. Khava sōa anmani hong inle heia rengpa hnenga thang ankōi jo.

JOB LEKHARABU 31:14

Kha katlomak inchu, heikhonga mo ke’n Pathen kha ka’nhmupui tor sik? Pathen in ṭong tan sik a ahong pha ke’n heimo kahritor sik?

ṬONGCHÎK-HEI 11:4

Thina kani ahong tlung ning khan nei leh hao khan nang sik heite tlotor pek mak che ning, tâk malung intheng inchu nahringkhō ahuk tor.

ISAIAH 13:6

Malung kana tak a ông ruh. Akahratpen suk mansetna amasōna sik kani, Rōngpu kani kha kahnai jo.

ISAIAH 17:4

Rōngpu’n ahri, “Israelhei lenna kha atlangna sik kani kahong sik jo, khana annei anhao kha sara changna’n alathleng sik.

ISAIAH 20:6

Khavakha ahong tlung pha, Philisti ramri katlunga ka-om mihe’n anti sik, “Enruh, Assyria reng kalenpa a inphut ani kahuk sik a ni’nngaina mihei so heimo kati jo hei! Heikhonga mo eini akahringtor sik me?” Kût a.

ISAIAH 26:14

Tûnchu anmani kathi sik hei, hring nôk mak hei ning. anrathla kha hong thōimak jo ning, ajârchu nang in nakarâk hei khana nasuk manhmang jo hei. tûte inkhat in anmani mandonsōt nôk mak jo hei ning.

ISAIAH 26:21

Raleichunga mihringhei ansetna jâra karâkna sik Rōngpu kha marvâna a-omna inphut kajōng sik. Raleichunga marûk a mikathat-hei inphông sik hei, khana ralei in mi antathat hei kha thupsôt mak jo ning.

ISAIAH 28:20

Nang kha, ṭongchîk a mipa kapōa, je sik a a’ntlukna jekhum kabongkek chunga inthlong theimak, ajânsi kasin reia insi theimak ti kha napō sik.

ISAIAH 29:6

Chunghnung Rōngpu’n thlikhō inphe leh lingnu innok leh inṭhōia ahuksōt sik che. Khan chu thlipui leh hmei kasûk ajōngtir sik hei;

ISAIAH 30:16

Khava kanek a, nan-inrepui heia inphut shakor kayâng chōnga tlânsōtna sik intluk chei. Khana nangni kadik chei, tlânsōt sik kha nantatlo mông sik kae! Nangni’n nanshakor hei kha tlân kayâng hei tia nanmandon, tâk nankahnung kathlur hei kha akayâng chet sik hei kae.

ISAIAH 30:5

Judah mihei kha insir sik hei, ti chu inthōpuina sik anmadu pha, ankadon mak sik jât, taksenthei kachangmak jât anmani’n anvataksen hei jâra kae.

ISAIAH 30:7

Egypt hei tahei pek inṭangpuina kha hnemna kase kae. Khava jâra ke’n Egypt kha arahming hlop kaphō, ‘Tûr kaneimak Rihren’ Rōngpu’n kati jo.”

ISAIAH 33:14

Ziona ka-om mikaset-hei anṭit lôt a innok jo hei. Anmani’n anti, “Pathen ṭongtan hi ahei tik a hmei kakâng kapō kae. Eini khava hmeia inphut akahringtor nâk sik me mo?”

ISAIAH 39:3

Khava sōa sânkathem Isaiah kha reng Hezekiah hneng kasea ṭong ahongder, “Khona inphut anmani akahong hei mo khana nahnenga heiṭong mo antahri?” Hezekiah’n amasôn, “Anmani ram kahlatak a inphut akahong hei kae, Babylona inphut kae.”

ISAIAH 5:14

Kathi ralei khan anmani arangei jo hei, khana abei kha aman-ânga kae. Jerusalema akalen akahrâng hei leh rasa katam mipuihei amadehlon hei.

ISAIAH 5:26

Ram kahlatak a jât inkhat bekna sik a Rōngpu’n mêrchîkna inkhat apek sik. Raleichung a’nchaina inphut ahongna sik a tumphir atum. Khana khan anmani inranga leh kayâng tak a kahong hei!

JEREMIAH 22:7

Hiva hmun kasuk inram sik a mi katir sik hei. Anmani’n anhreicha anheichoia cedar thing kacho kaṭhahei kha antuktan sik, khana hmeishunga anhlon sik hei.

JEREMIAH 4:30

Jerusalem, nang inhmang jo che! Heisa mo pōnsen vâng ala’nret che? Heisa mo rangkachek vâng a’nret chea khana nahmit-hei nalamandum? Heite kahnemmak sik a nahme ṭhatna sik a inret che! Nalungset mihe’n enhnōm mak jo hei che khana anthat hnōm jo che.

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

JEREMIAH 9:9

Hiva sik a karâkna pek mak hei ninga mo? Hiva kapō jât-hei chunga ke’n phu hlōmak hei ninga mo? Rōngpu ke’n kahri jo.”

HOSEA 5:13

“Israel in khangtuk hrep a atak damlo kha ahmu pha khana Judah’n a’ntônna bi ahmu pha, Israel in Assyria rengkalen hneng inthōpuina kader sik a vakasea kae, tâk ama’n annat leh an-intônna bi kha mandam tor mak a kae.

HOSEA 9:5

Khana Rōngpu kajana revei sâktlâng tlona pha kha ahong pha, anmani’n heimo antatlo sik jo?

HOSEA 9:7

Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

AMOS 5:19

Khavakha mi inkhat in shabakkai a inphut atlânsōt leh kavom a’ntōpui kapō kachang sik! Achangmak leh mi inkhat inna ahong inle pha akut kha mari tamachuk hrep sik a banga avasit kapō kha kae!

MICAH 7:4

Ankâra akaṭhapen leh malung inthengpen he’m heite akahnem mak hardông kapōhrep hei kha kae. Anmani kahrunghei, sânkathem heia inphut gîkna aleipek hei kapōa, Pathen in mihei karâkna apekna sik kani kha kajōng jo. Tûn anmani inhmak jo heia kae.

ZEPHANIAH 1:18

Rōngpu’n ahnuknat amalâr ning khan, ansana dangkahei kha’num anmani huk tor mak hei ning. Ahnuk natna hmei khan raleichung pumpui asuk manhmang sik. Raleichunga aka-om rakip hei sik a achaina, manhret manloa abângna amanchang sik.

LUKE 19:44

Anmani’n nang leh nakur bang shunga ka-om mi seng ansuksetpet sik; hlung inkhatbek um a-omna hmun a khan indahlon mak ning, ajârchu nakahuk inhring Pathen ajōngna sik pha leimanhret mak jo che.”

DÂNRABU INHNINA 28:49

Ralei bângna inphut aṭong leh ahla nantamanhret mak, jât inkhat nangni kadōi sik a Rōngpu’n aheiṭhōi sik. Anmani kha mârhmu kapōa nanchunga jōng kachu sik hei.

PETER INKHATNA 2:12

Limsyem inmuk he’n nangni ṭōnse nantlo tia anmaset chei pha, nanṭōn kaṭha tlo kha anmanhretsōt a, ama jōngna Kani ning Pathen anmanpâk theina sik, anmani kâra nan-omchen akaṭha sik kae.