ISAIAH 1:6 - LEKHARABU INTHENG (BSI)

⁶ Nalua inphut nakepâr katlunga nataksa pumpui akadam hmun om mak. Natak kha intônna, a’nthling, akakôk bi’n akatōm sō. Nang intônna kha la’nthengmak khana khit a la’ntōmjen mak. Khahei chunga hlei leh ai inno mak a kae.

ISAIAH 1:6 ပူးပေါင်းရင်းမြစ်များ

SAMUEL INHNINA 14:25

Israelhei shunga Absolom kapōa hme kaṭha ale’nthang inkhatbek leiom mak; alua inphut ankepha katlung heite avât om mak.

JOB LEKHARABU 5:18

Pathen in amantônna bihei kha akatōm hei; ama kut in amantôn, khana ama kut in amandam.

HLAHEI 77:2

Khōdeng kathei pha, Rōngpu hneng kader; jân kathang kakut kamadoa kader, tâk lungngamna hmutor mak eng.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

JEREMIAH 17:9

“Tu’n mo mihring malung amanhret tor sik? hiva kapō mikahōn alak heite om mak, hiva nat mandam sik hi inri hêr jo.

JEREMIAH 30:12

Rōngpu’n amihei hneng ahri, “Nankôkna bi kha damthei mak ning, nan-intônna bi kha dam tor mak ning.

JEREMIAH 30:15

Nan-intônna jâra inphin mak ruh; nangni sik damna om mak jo. Ke’n hing’hin karâkna kapek chei kae, ajârchu nansetna katam hranghra khana nanṭhat makna kalen hêr.

JEREMIAH 33:6

Achang inum hiva khōpui leh amihei hi kaman dam sik hei khana antaksa kalamanṭhat nôk sik hei. Anhnenga lung mōngna leh inhukna katluk a kalamanhmu sik hei.

JEREMIAH 6:14

Anmani’n kamihei sungbi rôn kha vun karit mankhok hrep a anlopek hei. Anmani’n heite inkhatbek aṭhatmak jo pha kha’num, “Kaṭha jo,” anti ri.

JEREMIAH 6:7

Tuikhur in atui kha insimrenga ada kapōa, Jerusalem in aṭhatmak kha adaṭhak. Khōpui shunga innâk-inse, suksetna hei kha katheihei; natna leh intônna bi kahmu hei.

NAHUM 3:19

Nanat intônbi mandamna sik om mak, nakôkna bi kha dam tor mak jo. Nang sukkhōina ṭong akathei rakip in inpâk a ankut ankaben. Abângna kase narahe-setna inphut tu mo inkhat a’nphesōt jo aka-om mo?

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MATTHEW 9:12

Jesu’n aleithei jo heia amasôn hei, “Akadam mihei sik a doctor rangei mak, tâk akanahei sik rōk a arangei.

LUKE 10:34

Ahnenga kasea, a’ntônna sungbi hei kha thai leh ju asunthlōnpek a akatōmpek jo; khava sōa ashakor chunga amanchōnga hme tlungna inna aṭhōia kaṭha nenga arazen jo.