ISAIAH 1:4 - LEKHARABU INTHENG (BSI)

⁴ Nangni jât kaset hei, nangni mikadik mak leh mikaṭhamak-hei, nansetna he’n akei mathlâk jo chei, inrimpek ka-om chei! Israelhei a’ntheng Pathen, Rōngpu kha nanhlonsōt jo, khana nakahnung nansungsi jo.

ISAIAH 1:4 ပူးပေါင်းရင်းမြစ်များ

A’NPHUTNA 13:13

Khava ram a mihei kha mikaṭhamak, Rōngpu kadōia ṭōnse katlohei kae.

RENGHEI INHNINA 21:22

Apu apahei Rōngpu Pathen kha amasō khana Rōngpu ṭongpek-hei kha leijui mak.

THUHMINGHEI INHNINA 12:1

Rehoboam in reng inkhat a aratha neina kha asyemsōt pha, ama leh amihei seng in Rōngpu Dân kha andahlon jo.

THUHMINGHEI INHNINA 27:2

Ama’n apa kapōa Rōngpu tlaina aleitlo: tâk-kha apa kapōa Bek-inn shunga bero chu leiro mak a kae. Kha’num mipuihei chu setna anleitlo ṭhak a kae.

NEHEMIAH 1:7

Nang kadōia ṭhatmak kantlo jo khana naṭongpek kha tlomak jo ung. Nasōkpa Moses a inphut napek ung dân kha keini’n juimak jo ung.

HLAHEI 58:3

Akaṭhamak katlohei chu anhringkhōa nanhngâk lai khan kase hei, anjōng intet ninga inphut maleisei anhri.

HLAHEI 71:22

Serângdâr leh inṭhōia kachoi ka-ân nger sik che; Ka-Pathen ke’n taksenthei nachangna kha kachoi manshâng sik. Israelhei A’nthengpa! Namanpâkna hla serângdâr vâng kamanjui sik.

HLAHEI 78:40

Hmun heija hrep mo nêrdiram a khan ama anta’nrepui; Vōi heija mo amalung anta leimanchâm jo!

HLAHEI 78:41

Ave-avea Pathen kha enmansinna anleinei khana Israelhei Pathen Inthengpa kha ahnuk anleimannat.

HLAHEI 78:57

anpu anpahei kapōa rahe kase leh ṭong kajuimak kae jo hei, thepui intlunmak kapōa taksenthei changmak hei.

HLAHEI 78:8

Anmani kha anpu anpahei rahe kase leh ṭong kajuimak, Pathen taksenna kahnet hêrmak khana ahnenga taksenthei kachangmak hei kapō kha anchang makna sik a kae.

HLAHEI 89:18

O Rōngpu, nang in kankahrung sik nakadeipek ung; Israelhei a’ntheng Pathen nang in kanreng kha napek ung.

SŌKSŌT 32:7

Rōngpu’n Moses hneng ati, “Tûntak inle ina ṭumsuk jo roh, ajârchu Egypt a nahong ṭhōisōt namipuihei kaset jo hei, kei anhlonsōt jo eng.

ISAIAH 1:23

Nahlam kakeihei kha indōipui leh mi’nru hei ṭhōnhei kae; anmani’n kutchoi pek leh sêrmarûk sâk rōk antloṭhak a kae. Anmani’n nu leh pa kasehei kha ṭong tanna inna hukphung mak hei, khana renghmei he’n anṭong anmalâr pha rangei pek mak hei.

ISAIAH 1:28

Tâk-kha tu achang inum ama kadōi leh setna katlo rakip, asuk mannōi sik hei; Ama kadahlon rakip athat sik hei kae.

ISAIAH 10:6

Kahnuk inhnat mihei, khōvel jât-hei re kasō sik a ke’n Assyria kha katir. Anmani mipuihei nei kachom sik, inru sik, leh hlamdunga ankachōn rachi sik a katirhei kae.”

ISAIAH 12:6

Ziona ka-om rakip in hla sak hei sona ông hei rasoh! Israel a’ntheng Pathen hi akalen kae, khana ama amihei kâra ka-om.”

ISAIAH 14:20

Ajârchu nang in naram nasukset a nami kalenhei nathat hei, nang reng ralak kapōa inhremak tin che. Na-innkō akaṭhamak-hei kha inkhatbek hringmak hei ning.

ISAIAH 29:19

Sara leh a’nsinsak he’n a’ntheng Israel Pathen, Rōngpu’n apek hei hōina kha anlahmu nôk sik a kae.

ISAIAH 3:8

Kadik, Jerusalem hi inhmang jo! Judah hi kapûr jo! Heirakip antatlo leh antahri hi Rōngpu dōina kachang jo; anmani’n inphôngtak a Pathen khet kha inzakna anpek jo.

ISAIAH 30:1

Rōngpu’n ahri jo: “Judah vaikarônhei inhmanghei ajârchu anmani’n an-inrepui eng. Anmani’n kei tamantluk mak ṭōnhlam anjui, khana ke’n kamadumak inhnōmna ansyem, setna chunga setna anbuk a kae.

ISAIAH 30:15

Chunghnung Rōngpu, Israel Pathen intheng in, mihei hneng ahri, “Hong inle ruh khana kadai hngera kei ataksen ruh. Khan chu nangni nanratha kangar sik khana inhuk sik chei.” Tâk nangni khanga tlo sik kha hnōm mak chei!

ISAIAH 30:9

Anmani ahei tik a Pathen andōi ṭhak, ahei tik a anmalei kasei, ahei tik a Rōngpu ṭong mansena rangei hnōm mak hei.

ISAIAH 31:2

Ama’n atlo sik kha amanhret! Ama’n insuk inhmangna ajōngtir. Ama’n mikaṭhamak-hei leh ankahrung hei karâkna sik a maṭhitna kha atlosōt a kae.

ISAIAH 37:23

Nang in tu mo nahnōise tia namandon? Nang in Israel Pathen intheng kei na-êse eng nakaja mak eng kae.

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

ISAIAH 41:16

Nangni’n thli chunga nankathok sik hei; thli’n anmani kha atlen sik jo hei. khana thlipui thlihrem in asêm kachek sik jo hei, Khava pha nangni inpâk sik jo chei ajârchu kei nan-Pathen eng kae; Israel Pathen intheng kei hi nanchoi ka-ân sik jo eng.

ISAIAH 41:20

Mihe’n khahei kha anhmu sik khana anmanhret sik Rōngpu kei tatlo kae tia. Anmani’n Israelhei a’ntheng Pathen in hihei hi amasō kae tia anhong manhret sik.”

ISAIAH 5:19

Nangni’n nanti, “Rōngpu’n atlo sik a ahri kha, nihmuna sik a, inranga tlo jo rasoh. Israelhei Pathen intheng khan aṭōn mantluk kha rôn sōt jo rasoh; ama lungria amandon kha eini’n en jo rih.”

ISAIAH 5:24

Khava jâra, tûn, kahar kachâr leh sapôt hmeia kakâng kapōa, narajung kachâr sik, napârbō invōi sik khana thli’n asêmsōt sik, ajârchu nangni’n Chunghnung Rōngpu Israelhei a’ntheng Pathen ṭong mantheina me kha lomak chei.

ISAIAH 57:17

Kei, anmani setna leh anphâmhrai set jâra anchunga kahnuk leikana, khava jâra ke’n karâkna kapek heia kaleidahlon jo hei. Kha’num anmani anracham kasea antamadudu antloṭhak a kae.

ISAIAH 58:2

Anmani’n ani katai ankamuk eng, kadânhei anjui hnōm khana kahlam anmanhret hnōmhêr anti. Dân intheng kapek sik heia kanmadu anti khana kei kamukna chunga anmani’n kahōi ansak anti.”

ISAIAH 65:11

“Tâk-kha kei kadahlon nangni, katlang intheng Zion heitea kasak mak, vângṭhat leh vângset pathen Gada leh Meni inmuk hei sik a chu ahlop kachang sik.

ISAIAH 65:3

Anmani’n inzak lojenna kahnuk natna sik antloṭhak a kae. Anmani rahōn inthenga khōvelhei inthoina khana maichâma marim kahōi antōk a kae,

ISAIAH 9:17

Khava jâra Rōngpu’n retherhei kha mantlânsōt mak hei ning, khana renghmei leh nu leh pa kase inkhatbek chunga lungsetna malârmak ning, ajârchu mi rakip Pathen neimak hei, ṭhamak hei, khana antahri rakip akaṭhamak rōk kae. Kha achang inum Rōngpu hnuk natna kha la’nchai mak ning, tâk karâkna pekna sik a abân alakalâng ṭhak sik.

JEREMIAH 15:6

Mipui nangni’n kei adonmak jo chei; nankahnung nansungsi jo eng. Khava jâra kabân karajit a karachi rachen chei ajârchu kahnuknat ka’nkhâmna kachâm jo eng.

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

JEREMIAH 2:17

Israel, nabinga hivahi namasō kae Ke’n hlamdunga kaṭhōi chelai, Rōngpu na-Pathen kei hi nang in nadahlon enga kae.

JEREMIAH 2:19

Nabinga naṭhat makna’n nang akarâk sik che, keia inphut nasesōtna khan nang themmô amanchen sik che. Na-Rōngpu Pathen kei namasō enga, kei hnenga taksenthei nachang makna hi heituk a akadik mak leh malung nat aka-om jo mo nahong manhret sik. Chunghnung Rōngpu, ke’n hivahi kahri jo kae.”

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 2:33

Lungdi kahnung hnongna sik chu nanmanhret. Nuhmei kaṭhamak pen inum nangnia inphut inchua kae.

JEREMIAH 2:5

Rōngpu’n ati: “Kei dōina nanpusōn he’n heimo anta leihri? Hei-inmo keia inphut amantlânsōt hei? Anmani’n akahnem mak limsyem ankamuk a, anbinga akahnem mak hongkachang hei.

JEREMIAH 32:32

Judah leh Jerusalema ka-om mihei, anrenghei leh hlamkakeihei, anthempuhei leh sânkathemhei seng in ṭhatmak antlo jâra khan.

JEREMIAH 50:29

The leh sai kachoihei kha Babylon anbuhluna sik a manthei hei ruh. The leh sai kathem mi rakip tirsōt hei ruh. Babylon khōpui kha ûmsi ruh, tûte masō mak hei ruh. Aleitlona kha ahnenga tlo male ruh, milak arazen hei kapōa ama razen ruh, ajârchu Israelhei A’ntheng Inkhat, kei dōina inlensaktak a omchen atloa kae.

JEREMIAH 51:5

Israelhei A’ntheng Inkhat, kei dōina Israel leh Judah he’n antlo jo’num Chunghnung Rōngpu Pathen ke’n dahlon mak hei ning!

JEREMIAH 7:19

Tâk-kha kei rōk malung natna akachang mo? Changmak, anmani anbinga malung natna leh anbinga inzakna kha anta heichoisōt kae.

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

EZEKIEL 14:5

Khava limsyem rakip in Israelhei kha kei hnenga inphut aṭhōitsōt jo hei,; tâk kei masônna vânga khan anmani ṭong juina kha kachen male sik tia inhōr eng.

EZEKIEL 16:33

Noti inkhat chu sêr a’npek kae, tâk nang chu na’nlungsetpui rakip hnenga kutchoi napek hei khana hmun rakip a anhong leh nang anjepuina sik che marûk a sêr napek hei.

EZEKIEL 16:45

Nang nanukhet sanu che kae. Amanu’n apuise leh asahei adahlon hei. Nang nasōpuinu hei, anpuise leh ansa kahōt hei kha napō hei. Nang leh nasōpui khōpuihei kha annu Hit mi khana anpa Amor mi annei hei.

DANIEL 9:11

Israel rakip in nadân anlei sukkhōi jo, khana naṭong hri juihnōm mak jo hei. Nang kadōia kaset jo ung, khana nasōk Moses dânrabu a a’nzet hâksêrna hei kha kanchunga katlung joa kae.

ZEPHANIAH 1:6

Keia inphut akasesōt khana kakahnung kajuimak hei, kahnenga akahongmak hei khana anhlam keipekna sik a ani kader mak hei kha kasuk manhmang sik hei.”

MIJAHEI 32:14

Khana tûn nanpahei hmun kha nanloa, set kasip mihei khangther inkhat in Rōngpu hnuknat inhnak kha Israel chunga heirônsōt sik a intluk nôk cheia kae.

MATTHEW 11:28

“Phur kahrik karôna akachâm hei, nankhenga kahnenga hong ruh, ke’n châm manhngat chei rong.

MATTHEW 23:33

Nangni hrisehei hrise sōnhei! Hmeikhur chen sik a inphut heikhong mo tlânsōt sik a a’nngam chei?

MATTHEW 3:7

Phariseehei leh Sadduceehei ama’n tui amanhlut sik a akahong hei kha ahmu pha anhnenga, “Eh marihei, Pathen hnuk natna ajōng katlung sik a inphut tlânsōtna sik tu’n mo amanthei chei?

ROMANHEI 8:7

Khava jâra anmihring ngai tamadu vairôn hei khachu Pathen kadōi hongkachang hei; ajârchu Pathen Dân kha juimak heia kae, khana inchêntak a ajui um juitor mak hei.

CORINTHIANHEI INKHATNA 10:22

Khana Rōngpu thangsetna sik eini’n nitlo sik mo? Ama kanek a eini kahrat me tia a’ndon me mo?

DÂNRABU INHNINA 29:25

Ṭong masônna kha hinga kachang sik, ‘Khava ajâr khachu Rōngpu mihe’n Egypt a inphut aheiṭhōisōt hei pha, anpu anpahei Pathen leh anlei intepna kha ansukkhōia kae.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

DÂNRABU INHNINA 32:19

“Hivahei hi Rōngpu’n ahmu pha ahnuk leikana khana asapa leh asanuhei kha ahlon sōt hei.

DÂNRABU INHNINA 32:5

Tâk nangni chu taksenthei changmak chei, ami sik a rahōi changmak chei, setna leh maleisei kasip jât chei kae.

COLOSSIANHEI 1:24

Tûn ke’n nangni sik jâra khōdeng kathei hi inpâk eng, ajârchu kataksa khōdeng theina vâng hin ataksa kachang bekrup kahlanga Christa khōdeng theina sik alaka-om kha pui mathlukna sik ka’nthōpui kae.

ṬONGPHÔNG 18:5

Ajârchu amanu setnahei kha marvân katlung inbuk inshâng jo, khava jâra amanu ṭhatmakna hlamhei kha Pathen in amandonsōt jo.

ṬONGKATANHEI 10:10

Khava sōa Israel he’n Rōngpu hneng ka-ông heia anti, “Keini’n nang kadōia kaset jo ung, kan-Pathen nang kandahlon chea Baal kanlei kamuk jo.”