HOSEA 9:8 - LEKHARABU INTHENG (BSI)

⁸ Pathen in ami Israelhei gîkna sik a kei ajōngtir eng kae. Kha’num kasena chen a, kei hi va kapōa man-ôk sik a châng nankam. Pathen Bek-inn shunga kapha mihei kha sânkathem indōipui kachang hei.

HOSEA 9:8 ပူးပေါင်းရင်းမြစ်များ

RENGHEI INKHATNA 17:1

Gilead a Tishbea inphut sânkathem arahming Elijah inti khan Reng Ahab hneng ati, “Ke’n karazen, Israelhei akahring Pathen Rōngpu rahminga, ke’n kamanthei che kae, abâna kum 2 leh 3 hi radaitui leh khō sûrmak ning, ke’n sûr roh katimak hma seng.”

RENGHEI INKHATNA 18:1

Pha bongkhat sōa, khōkang kum 3 changna, Rōngpu’n Elijah hneng ati, “Se roh natak khet Reng Ahab hneng va’nlâr roh, khana ke’n khō kahei tir sik jo.”

RENGHEI INKHATNA 18:19

Tûnchu Carmel tlânga kei inhmupui sik Israel mipui ṭong pek hei roh. Rengnu Jezebel in avei hei Baal sânkathem 450 leh Asherah pathennu sânkathem 400 hei heiṭhōisa hei ruh.”

RENGHEI INKHATNA 22:11

Ankâra Chenaana sapa Zedekiah’n thir raki inkhat asyema Ahab hneng ahri, “Rōngpu’n ahri kha hi kae: ‘Hiva vâng hin Syriahei re natlo sik hei kae, khana pui katluk a nator sik hei kae.’”

RENGHEI INKHATNA 22:22

Rōngpu’n ader, ‘Heikhonga mo?’ Rathla khan amasôn, ‘Kei kase sik eng, Ahab sânkathem rakip akadik mak kamanhrisōt sik hei.’ Rōngpu’n ahri, ‘Se roh. vahōn jo roh. Nang in nator sik,’ ati.”

RENGHEI INKHATNA 22:28

Micaiah’n ka-ônga aphông, “Nang kadam senga nahong inle’nchu Rōngpu’n kei hneng ṭong ahri mak jo e-nâng!” ati. Ama’n abân ahri, “Mi rakip in kaṭong hri hi rangei ruh,”

RENGHEI INKHATNA 22:6

Hiva Jâra sânkathem 400 kapō hei abek hei, khana ader hei, “Kei akase enga Ramoth kabuhlu sik mo, kabuhlu mak sik mo?” Anmani’n anmasôn, “Buhlu roh. Rōngpu’n torna apek sik che.”

RENGHEI INHNINA 13:21

Vōi khat chu, kathi hrena pha inkhat a, khava rup inkhat anhmu heia, mihe’n akathi kalōng kha Elisha thlânkhura anhlonna katlânsōt jo hei. Akathi kalōng khan Elisha saru hei atônlim leh hong kahringsōt a khana kangir joa kae.

RENGHEI INHNINA 2:14

Elijah zakkō inse vânga khan tuia avōk a ahri, “Elijah Pathen, Rōngpu kha khon mo ka-om jo?” Khava sōa vōi khat nôk tuia zakkō vâng khan avōk pha tui kha alang inhnia inṭhensōt jo, khana ama kha rekhat ting kase joa kae.

RENGHEI INHNINA 2:21

khana ama’n tuiripût hmun a khan vakasea chi kha amathlâk a ahri, “Rōngpu ṭonghri kha hi kae: ‘Ke’n tui hi kaman theng jo, thi leh nat khana naidông insetna masōk mak jo ning.’”

RENGHEI INHNINA 4:41

Elisha’n thlai kha ajing ader hei, ama’n be shunga khan asun mathlâk jo khana ati, “Anmani sik a akatamdet thurpek hei ruh.” Khava sōa chu ansâk inum heite timak jo.

RENGHEI INHNINA 4:43

tâk-kha ama’n amasôn, “Hivahi mi 100 sik a katluk sik tia namandon mo?” Elisha’n ahei masôn, “Antasâk sik a pek hei roh, ajârchu Rōngpu’n ati kae anmani’n ansâk sik khana a’nhlei um laka-om sik.”

RENGHEI INHNINA 5:14

Khan chu Elisha mansena kapōa, Naaman in Jordana vakaṭuma vōi 7 vakahlut a kae, khana ama kha kadampet jo. Atak vun kha naite vun kapōa angaia hong kaṭha jo.

RENGHEI INHNINA 5:27

Khana tûnchu Naaman nat kha nang chunga hong kakop sik jo, nang leh nasōnhei chunga ahei tik a nanrôn sik jo!” Gehazi khan vâng asōk pha nat kha arôn jo, ataksa vun kha kavur kapōa kabang pet jo.

RENGHEI INHNINA 7:19

khava ṭong kha ṭōnkarônpa khan amasôn, “Khavakha sōk theimak ning, Rōngpu khet in inrangtak a sâng leh be ahei tir sik inum changthei mak jo ning!” aleitia kae. Khana Elisha’n amasôn, “Nang in khava omchen akasōk khachu nahmu sik, tâk-kha thlai inkhatbek sâk hêrmak tin che.”

RENGHEI INHNINA 7:2

Rengpa taheiṭhōi akahrungpa inkhat khan Elisha hneng, “Khavakha sōk theimak ning, Rōngpu khet in inrangtak a sâng leh be ahei tir inum ethei mak ning!” ati. Elisha’n amasôn, “Khava akasōk khachu nahmu sik, tâk-kha nang chu thlai inkhatbek kha sâk hêrmak tin che.”

HLAHEI 124:7

Va kasurpa chânga inphut va akajōngsōt kapōa katlânsōt me, châng kha inset jo, khana eini masō kachang jo me.

MI INTHEIPA 9:12

Nang pha kha heitik ajōng katlung sik manhret hêrmak che. Manhret manloa châng in vate asur kapō, lenchâng in nga asur kapōa eini’n nimandon mak phatak a ṭhatmak pha khan asur ri mea kae.

HLAHEI HLA 3:3

Khōpui kahrung he’n kei anhmu enga kae. Ke’n anhnenga kader hei, “Kalungdipa nanhmu mo?”

ISAIAH 62:6

Jerusalem, nakur bang heia, ke’n repa kahngâk kaman ngir hei; Anmani kha sûn leh jân a sip timak hei ning. Anmani’n Rōngpu hneng aṭongtep kha amandonsōtna sik antlo sik Khana ahei tik a ama’n anmani kha amahngi makna sik hei antlo sik.

JEREMIAH 11:19

Kei kha taksenthei kemōngte inkhat that sik a antakeisōt kapōa, anmani’n kei dōina ṭōn kaṭhamak antamantluk kha ke’n leimanhret mak eng. Anmani’n anhri, “Eini’n thingkung inkhat hi ahme aṭhat laitak hin lâkkhōi jo rih, tûte’n ama anmandonsōt makna sik that jo rih.”

JEREMIAH 14:13

Khava pha ke’n kahri, “Chunghnung Rōngpu, sânkathem he’n mihei hneng re leh vonṭâm om mak ning, ajârchu nang in ṭongtepna nanei jo kae anti, khana kanram shunga mōngna rōk ka-om sik anti.”

JEREMIAH 23:13

Ke’n Samaria sânkathemhei setna kahmu jo: anmani’n Baal rahminga ṭong anhri, khana kamihei hlamlea anṭhōi jo hei.

JEREMIAH 31:6

Ôk, mi ka-en inthlip he’n Ephraim tlânga hinga anhei ôngna sik pha kha heikatlung jo, ‘Zion Tlânga, Rōngpu ni-Pathen hneng se rih.’”

JEREMIAH 6:14

Anmani’n kamihei sungbi rôn kha vun karit mankhok hrep a anlopek hei. Anmani’n heite inkhatbek aṭhatmak jo pha kha’num, “Kaṭha jo,” anti ri.

JEREMIAH 6:17

Khava pha pengkun gîkna rasa inngei sik a Rōngpu’n khō kahngâk akadei hei. Tâk-kha anmani’n, “Rangei mak ning,” anti.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

ṬAJAISUINA 4:13

Tâk-kha hivahi kasōk jo, ajârchu anthempuhei kaset hei khana ansân kathemhei ṭhena annei, ṭhenakase hei thina sik antlo jâra kae.

EZEKIEL 3:17

“Akathithei mihring, Israel mihei sik a kot kahngâk kamanchang jo che. Ke’n kapek che gîkna kha anmani hneng ṭong namathlung sik kae.

EZEKIEL 33:7

“Tûnchu, Akathithei mihring, Israel jât-hei sik a repa kahngâk kamanṭang jo che kae. Ke’n kapek che gîkna kha anhnenga namathlung sik kae.

HOSEA 5:1

“Thempuhei, hiva ṭong hi rangei ruh! Israelhei, malung kahlut a rangei ruh! Reng innshunghei, nangni rangei ruh! Nangni kadik a ṭong nantatan sik rahōi kachang, khava jâra nanchunga ṭong tanna kha ka-om sik jo! Nangni Mizpah a châng, Tabor tlânga lenchâng inzâr,

HOSEA 9:7

Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

HOSEA 9:9

Gibeah a anta leitlo kapōa anmani antlona rakip a inhōrna kasea ṭhamak hei. Pathen in ansetna amandonsōt a khava sik a karâkna apek sik hei.

MICAH 7:4

Ankâra akaṭhapen leh malung inthengpen he’m heite akahnem mak hardông kapōhrep hei kha kae. Anmani kahrunghei, sânkathem heia inphut gîkna aleipek hei kapōa, Pathen in mihei karâkna apekna sik kani kha kajōng jo. Tûn anmani inhmak jo heia kae.

JOHN 15:24

Ke’n anmani kâra tûte taleitlo phungmak ṭōnhei kha kaleitlo mak achang inchu, ansetnahei jâra masetna antachen mak sik kae; tâk tûnchu anmani’n kaṭōntlo kha anhmu jo khana kei leh kapa kan-inhnia anhōt jo ung.

ROMANHEI 3:7

Tâk-kha kei dikmakna hin, ama dikna kha inchênchet a amalâra Pathen lûrna kha arazen mo? Khan chu heisa mo tûn katlung mikase inkhat a maset kalachen ṭhak sik?

HEBREWHEI 13:17

Nanhlam kakeihei ṭong rangei ruh khana jui hei ruh. Anṭōntlo tintana kha Pathen hneng antalapek nger sik achang jâra, inhngaloa nanrathla kha anta-en ṭhak kae. Anṭong nanjui inchu, anṭōn kha inpâktak a antlo sik. Khava loa malung inrim pum a ṭōn antlo sik inchu nangni sik a hnemmak ning.