HOSEA 9:7 - LEKHARABU INTHENG (BSI)

⁷ Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

HOSEA 9:7 ပူးပေါင်းရင်းမြစ်များ

RENGHEI INHNINA 9:11

Jehu’n hlamkakei achangpui hei hneng hong inle nôk a, anmani’n ahnenga anleider, “Heirakip akaṭha mo? Khava mi invet khan heimo amadu?” Jehu’n amasôn hei, “Ama tamadu kha nangni’n nanmanhret a kae.”

ISAIAH 10:3

Pathen in karâkna apek chei pha, nangni’n heimo nantatlo sik? Ama’n ram kahlatak a inphut a, nanchunga khōdeng theina apek chei pha, heimo nantatlo sik? Inthōpuina hmun a sik khonting mo akatlân sik chei? Khon mo nanneihei nantathup sik?

ISAIAH 26:11

Nang inrepui he’n karâkna napek sik hei kha manhret mak hei. Rōngpu, inzakna pek hei roh, inrenghei rasoh; nang in namantluk karâkna kha khōdeng theipui hei rasoh. Namihei heituk a nalungset hei mo ti kha manhmu hei roh.

ISAIAH 34:8

Hiva pha hin Rōngpu’n Zion kha ahuk a a’ndōipui hei chunga aphu ahlo pek sik kae.

ISAIAH 44:25

Ke’n tla kasânhei kaman mo hei, khana ârsi lekha kathemhei ṭongsânsōt hei kha kamanhmak hei. Mikasinghei ṭonghri kha ke’n kamakhe, khana ansingna hei kha akamo kamanchang pek hei.

JEREMIAH 10:15

Khahei kha hnemna kase hei kae donmak sik hei kae; anmani enmansinna sik a Rōngpu kha ajōng pha, suk manhmang sik jo hei kae.

JEREMIAH 11:23

Ke’n Anathoth mihei chunga inrengna mathlungna sik pha katep jo, khavakha ajongtlung pha, anmani tûte hringmak jo hei ning.”

JEREMIAH 16:18

Ke’n ansetna leh anṭhatmakna jâra chen inhnia karâkna kapek sik hei, ajârchu karamshung hi akahringmak jo taksa kalōng kapō, anlimsyem hei khan anmanbōk jo khana akadik mak an-pathenhei kha anmansipsō jo.”

JEREMIAH 23:13

Ke’n Samaria sânkathemhei setna kahmu jo: anmani’n Baal rahminga ṭong anhri, khana kamihei hlamlea anṭhōi jo hei.

JEREMIAH 25:14

Ke’n Babylonhei kha antlona kara kha kapek male sik hei kae, khana jât-hei leh rengkalen he’n ansōk anmanchang sik jo hei.’”

JEREMIAH 29:26

“Rōngpu’n Jehoiada kahlânga thempu amanchang che, khana tûnchu Bek-inna akalenpen ṭōnkarôn kachang jo che. Tu-tu anchanga sânkathem ung tia a’nhlem hei kha nasur heia anhrak a thirhrui naman-or sik hei kha naṭōn kae.

JEREMIAH 46:21

Amanu’n atanek remihei kha’m sehratte kapōa ratha heite neimak hei. Anmani ngir tor mak hei inrepui tor mak hei; ankhenga anhmai anmahea katlân hei. An-inhmangna sik kani, an-insuk inramna sik pha kha hong katlung jo.

JEREMIAH 6:14

Anmani’n kamihei sungbi rôn kha vun karit mankhok hrep a anlopek hei. Anmani’n heite inkhatbek aṭhatmak jo pha kha’num, “Kaṭha jo,” anti ri.

JEREMIAH 8:11

Anmani’n kamihei intônna takbi kha vun karittan kapōhrep a anlopek hei. Heirakip aṭhatmak jo pha, anmani’n ‘Heirakip kaṭha jo,” anti ri.

ṬAJAISUINA 2:14

Nasânkathem he’n, mihōnna tei loa hri sik neimak hei: Anṭong hrilena nasetna malârhêr loa anhōn jo che. Malung thleng sik rangei mak tia mandonna anpek che.

EZEKIEL 13:10

“Heirakip kaṭhapet antia kamihei sânkathem he’n hlamlea anṭhōi hei. Heirakip akaṭhapet chu chang hêrmak! Kami he’n hlung kaṭha inmat loa bang kha ansyem khana sânkathemhei khan sunu vânga ankano makhu.

EZEKIEL 13:3

Chunghnung Rōngpu’n hing’hin ahri: “Hiva akamo sânkathemhei hi inhmang jo hei! Anmani tamadu dungjuia anhrisōt khana anbinga hmangtalâr ansyemsōt.

EZEKIEL 25:17

Ke’n inhnaktak a karâkna kapek sik hei khana pui katluk a phuhlōna kanei sik hei. Kahnuknat kha anmanhret sik. Khava sōa anmani’n kei Rōngpu eng kae tia anmanhret sik eng.”

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

EZEKIEL 9:10

Tâk-kha ke’n anchunga lungset rônmak hei ning; anmani’n mi hnenga antatlo hrep kha ke’n anchunga katlo sik.”

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

HOSEA 5:9

Karâkna sik kani kahong jo, Israel kha a’nsuk a’nhmang sik jo kae. Israel sahei, hivahi akasōk nger sik kae!

HOSEA 8:13

Anmani’n kahnenga inthoina antōk khana khava hme kha ansâk. Tâk-kha Rōngpu kei chu anchunga tlaimak eng, tûnchu ansetna kha kamandonsōt sik khana karâkna kapek sik jo hei; Egypt a katir male sik jo hei!

HOSEA 9:8

Pathen in ami Israelhei gîkna sik a kei ajōngtir eng kae. Kha’num kasena chen a, kei hi va kapōa man-ôk sik a châng nankam. Pathen Bek-inn shunga kapha mihei kha sânkathem indōipui kachang hei.

AMOS 8:2

Rōngpu’n ader enga, “Amos, heimo nahmu?” ati eng. “Hraithuk a theikara” tia kamasôn. Rōngpu’n kahnenga ati, “Kami Israelhei sik a achaina kha kahong jo. Anmani karâkna pek sik a inphut kamalung thlengmak jo ning.

MICAH 2:11

“Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

MICAH 7:4

Ankâra akaṭhapen leh malung inthengpen he’m heite akahnem mak hardông kapōhrep hei kha kae. Anmani kahrunghei, sânkathem heia inphut gîkna aleipek hei kapōa, Pathen in mihei karâkna apekna sik kani kha kajōng jo. Tûn anmani inhmak jo heia kae.

ZEPHANIAH 3:4

Asânkathemhei kha inṭangpuina neilo hei, mikahōnhei kae; thempu he’n a’ntheng kha anmanbōk, anbinga hnemna langa Pathen Dân kha anmahe.

MARK 3:21

A-innkō he’n aṭong hi anthei pha, ama inkôk sik a leikasōksōt hei, ajârchu mipui he’n “Ama invet jo,” anleitia kae.

LUKE 21:22

Ajârchu khava kani kha ṭong inthenga ale’nzet inhlut rakip hui atlungna sik ‘Karâk Ning’ kani akachang sik kae.

CORINTHIANHEI INHNINA 5:13

Keini akamokhet jo ung mo? Khavakha Pathen sik jâra kae. Achangmak leh akasing ung mo? Nangni sik a kae.

ṬONGPHÔNG 16:19

Khana khōpui kalenpen kha sem thuma kakōi jo, khan chu ram rakip a khōpuihei kha insuset sō jo hei. Babylon akalen kha Pathen in amandonsōt khana ama hnuk natna kōkleia inphut ju kha aleiman-in.