HOSEA 9:4 - LEKHARABU INTHENG (BSI)

⁴ Khava ram hlop shung heia khan anmani’n Rōngpu hneng vomhrui ju tōkna nei tor mak hei ning, a-emak leh an-inthoina heichoitor mak hei ning. Anthlai kasâk rakip kha thi ninga thlai sâkna kapōa, amannim sik hei. Khavakha anmani von khopna sik rōk a kachang sik; inkhatbek um Rōngpu Bek-inna tōkna tia inlomak ning.

HOSEA 9:4 ပူးပေါင်းရင်းမြစ်များ

SŌKSŌT 29:40

Ahma inkei kemōngte intōk kha leh gehu jâmdi kilograme inkhat khana olive thai intheng litre inkhat leh manhei roh. Khana vomhrui theiju litre inkhat inthoina sik a sunsōt roh.

SŌKSŌT 40:23

khava chunga Rōngpu ṭongpek dungjuia Rōngpu hneng a’ntōk buhlom kha ada jo.

ISAIAH 57:6

Nangni’n khana inphut hlung inne hei nanhrut a pathena nankamuk hei. Anhnenga inthoina ju nansun khum khan sachi hmuchi inthoina nanheichoia kae. Hihei seng chunga hin kamalung katlai sik tia nantamandon mo?

ISAIAH 66:3

“Mihe’n antamadu kha antlo. Inthoina sehratche inkhat anthat a achangmak leh mihring inkhat antōk innum anmani sik a in-angtling; kemōng inkhat antōk a achangmak leh ui inkhat arîng anmahertan inum; hmuchi kara antōk a a-emak leh vōk thisen antōk inum; marim katui antōk a a-emak leh limsyem hneng ander inum thakhat hei kae. Mater ka-om tak kamukna omchenhei hi anmani’n tlaina anneia kae.

JEREMIAH 16:7

Mi inkhat in alungset mi athi pha, lungngam pekna sik a bu leh thlai akasâkpui sik inkhatbek om mak ning. Mi inkhat in anu leh apa athi jo kapha tûte inkhat in lungset malârmak ning.

JEREMIAH 6:20

Anmani’n Sheba a inphut marim katui khana ram kahlatak a maru-marâng kahnenga anta heichoi kha katei sik mo? Anmani neitōknahei rahlâng mak ning khana an-inthoina hei chunga tlaimak ning.

EZEKIEL 24:17

Ṭap a na-innuk sutsutna kha mi manthei mak hei roh. Ṭajai suina mêrchîkna nalu voa a-emak leh kekōk kasea lônmak roh. Nahmai makhu mak roh khana ṭajai kasui hei thlai kha sâk mak roh.”

EZEKIEL 24:22

Khava sōa kei tatlo kha nangni’n nantlo sik jo. Nanhmai makhu mak jo tin chei khana ṭajai kasui hei thlai kha sâk mak jo tin chei.

DANIEL 1:8

Daniel chu reng inna ju leh thlai ina beklanga ataksa mannim mak sik a leikangir jo, khava jâra ama’n Ashpenaz hneng inthōpuina aleider,

HOSEA 3:4

Hiva kapōhrep a Israel mihei kha reng leh hlamkakei kasea, inthoina tlo loa a-emak leh a’ntheng hlung kachohei neiloa, limsyemhei kasea a-emak leh tlâ sânna anhmang limhei kasea aka-om sik hei kae.

HOSEA 7:16

Keia inphut inhe heia ratha kaneimak pathen hneng kase ri hei. Anmani hi inngamna omlo, intlunjenlo sai kapō hei kae. Ajârchu anhlam kakeihei kha rahe kasetak a kaṭong hei, re leh sha shunga kathi sik hei, Egypt he’n anhnōise sik hei.”

HOSEA 8:13

Anmani’n kahnenga inthoina antōk khana khava hme kha ansâk. Tâk-kha Rōngpu kei chu anchunga tlaimak eng, tûnchu ansetna kha kamandonsōt sik khana karâkna kapek sik jo hei; Egypt a katir male sik jo hei!

JOEL 1:13

Maichâma ṭōnkatlo thempuhei, borapōn insi unna ṭap jo ruh! Bek-inna se unna jân kathang ṭajai sui ruh! Nan-Pathen hneng tōk sik a hmuchi leh ju om mak jo.

JOEL 1:9

Bek-inna tōk sik a, hmuchi leh ju om mak jo; thempu he’n Rōngpu hneng tōk sik annei mak jâra ṭajai ansui jo.

JOEL 2:14

Rōngpu nan-Pathen in amalung ahei thleng sik a kha hmuchi katamtak vânga mahâmṭhatna apekthei chei. Khana nangni’n ju leh hmuchi nantōk tor sik jo.

LEVI-DÂN 17:11

Akahring rakip hringkhō hi thisena ka-om, khava jâra mihei setna losōtna sik a thisen rakip hi maichâm chunga bun mathlâk sik kae tia Rōngpu’n ṭong apek kae. Hringna kachang thisen hin setna alosōt a kae.

LEVI-DÂN 21:17

“Taksa rabu kakip mak nasōn inkhatbek in kahnenga thlai inthoina hongtōk theimak ning. Hivahi ahei tik chenna sik jo kae.

LEVI-DÂN 21:21

Aaron thempu sōnhei, taksa kakip mak in thlai inthoina kahnenga heitōk theimak ning.

LEVI-DÂN 21:6

Ama a’ntheng sik kae khana karahming amanset mak sik kae. Ama’n thlai inthoina atōk eng kae, ama a’ntheng nger sik kae.

LEVI-DÂN 21:8

Mipui in thempu kha a’ntheng inkhat a antamandon sik kae; ajârchu ama’n thlai inthoina kha kei hneng atōk kae. Kei Rōngpu eng kae; kei intheng eng khana Ke’n kamihei kaman theng hei.

AMOS 5:22

Nangni’n ro-inthoina leh hmuchi tōkna nanheichoi pha ke’n rahlâng mak ning. Nangni’n kei hneng heikei sik a ran nantamanthai hei ke’n rahlâng mak ning.

MALACHI 2:13

Hivahi nangni tatlo inkhat nôk kha kae. Nangni’n Rōngpu maichâm kha hmit-rathli sōkpum a, ṭap leh in-ôipum a nankeisôt, ajârchu nangni tahei choi inthoina kha ama’n rahlâng mak a kae.

MIJAHEI 19:11

Tu achang inum kathi kalōng katôn kha ni 7 beklanga intheng mak.

MIJAHEI 28:2

ama malung tlaina pek-hlam kasōk thlai tōksōtna kha apha rakip a tōkna sik Israelhei ahri pekna sik a.

MIJAHEI 4:7

Rōngpu hneng buhlom tōkna dokhâng chunga rahmurei pōn inkhat anpha a achunga thlenghei, bero mankhutna thlengkam, nei tōkna thleng pher, vomhrui theitui tōkna kōkleihei anda sik hei. Dokhâng chunga khan pha rakip a buhlom daṭhak sik kae.

JOHN 6:51

Kei marvâna inphut akajōng hringna buhlom eng kha kae. Tu achang inum hiva buhlom kasâk mi kha ahei tik chen a kahring sik. Khana ke’n ama kapek sik buhlom kha kataksa ravōi hi kae, hivahi vânhnōi hringna sik a kapek kha kae.”

DÂNRABU INHNINA 26:14

Ke’n ṭajai kasuilai khavakha inkhatbek sâk mak eng; beklanga ka’ntheng mak lai inkhatbek inna inphut losōt mak eng; khana inphut akathihei sik a tōkna heikhat neimak eng. Ke’n naṭongpek kajui, O Rōngpu; sem sôm chungchânga naṭong pekna rakip kha katlosōt jo.