HOSEA 9:12 - LEKHARABU INTHENG (BSI)

¹² Tâk-kha, anmani’n naipang anvei manhring inum, ke’n kalosōt sik heia kha inkhatbek kahringa dahlon mak hei ning. Ke’n anmani kadahlon hei pha, ṭit ka-omtatak anchunga kasōk sik.”

HOSEA 9:12 ပူးပေါင်းရင်းမြစ်များ

HOSEA 7:13

“Anmani inhmang jo hei! Anmani’n andahlon jo eng khana kei dōina inphin hei. Anmani suk manhmang sik hei kae. Ke’n anmani kahuk hnōm hei, tâk ankamukna eng kha dikmak

HOSEA 9:16

Israelhei kha arajung kachâra kara inramak theikung kapō hei kae. Sa neimak hei ning, annei inum antamarittak sahei kha kathatpek sik hei.”

DÂNRABU INHNINA 32:25

Re’n hlamlena thina amansōk sik; ṭit-inpirna’n innshung akatlir sik. Khangdông nuhmei-pase kathi sik hei; naite leh kater he’m ṭhenmak ning.

DÂNRABU INHNINA 31:17

Khavakha asōk pha, anchunga kahnuk kana sik; kadahlon sik hei, anmani suk manram kachang sik hei. Ṭit ka-om inrimna katamtak anchunga jōng katlung sik, khava sōa chu an-Pathen ke’n ka-ompui mak jâr heia hiva omchen hi akasōk jo kae tia anhong manhret sik jo.

HOSEA 9:13

Rōngpu, ke’n naipanghei antahnong hei kha kahmu hei.

ṬAJAISUINA 2:20

O Rōngpu enroh! Heisa mo hinghrep a nakarâk ung? Nuhmei he’n antalungset ansahei taksa kha ansâk jo! Thempuhei leh sânkathemhei kha Bek-inn shung khet a anthat jo hei!

JEREMIAH 15:7

Ram shunga khōpui rakip a ke’n sapôt kapōa thlihrâng kâra kakathek chei. Kami nangni kasuk manset chei, nansahei kathat hei ajârchu nanṭhat makna hlam hro kha bângmak chei. Ke’n nansahei kathatpek chei.

JOB LEKHARABU 27:14

Anmani’n sapa katamtak anneithei, tâk-kha ankhenga rea kathi sik hei; ansa he’n anvon kakhop a sâk leh in hmumak hei ning.

RENGHEI INHNINA 17:23

Achaina chu Rōngpu’n atlo sik seng kha, asōk sânkathemhei vânga aleigîk dek hei kapōa, ahmai kunga inphut ahnong sōt jo hei. Khava jâra Israel mipuihei kha Assyria ting rekahringa ankei jo hei, khana khan tuning katlung laka-om hei.

RENGHEI INHNINA 17:18

Rōngpu kha Israel chunga ahnuk kana, ahmai kunga inphut hmunhlop a ahnong sōt jo hei, Judah rengram rōk aṭhen a kae.

SAMUEL INKHATNA 16:14

Rōngpu rathla khan Saul kha adahlon jo, khana Rōngpu tajōngtir rathla kaṭhamak khan amanrim jo.

ṬONGKATANHEI 4:16

Barak in shakor gârihei leh remihei kha Jât-hlop hei Harosheth inti katlung ahnong hei, Sisera remi rakip athatsō hei. Mi inkhatbek kahringa damak.

DÂNRABU INHNINA 28:32

Nanhmai kunga nansapa hei leh nansanuhei kha sōk sik a khōhmehei hneng inpek sik hei. Ani katai nansahei ho’nlena sik hlam nan-enna môksek a nanhmit kasanga nanthlir sik, anmani ho’nle mak hei ning.

MIJAHEI 26:65

Rōngpu’n Jephunneh sapa Caleb leh Nun sapa Joshua teilo alakseng ram thōia kathipet sik hei tia aleihri, khanga ankhenga leikathi jo hei.

JEREMIAH 6:8

Jerusalem mihei, hiva inrengna seng hi nanhnenga gîkna chang rasoh, kha achang ma’nchu ke’n nangni kadahlon sik chei kae; nankhōpui hi tûte om makna nêrdiram kamanchang sik jo kae.”

MALACHI 2:12

Hiva katlohei kha Israel phung shunga inphut Rōngpu’n losōt hei rasoh khana Chunghnung Rōngpu hneng nijât he’n inthoina antōkna shunga ahei tik a’m invei mak hei rasoh.

MIJAHEI 14:34

Nanram vathlirna ni 40 kha ni khat leh kum khat mantōk a kum 40 hi nansetna tloman a a’nreng sik chei kae. Nankadōia kaka-om hi heimo kachang ti hi nanmanhret sik jo!

DÂNRABU INHNINA 28:18

“Rōngpu’n ahâksêr cheia sha, hmuchi, se leh kemōng ajingte rōk apek sik chei.

ṬAJAISUINA 2:22

Kan-inrepuihei kha kei kimvea ṭitna anikapek sik a nang in revei sâktlânga nabek hei. Nang hnuk natna kani ning khan chu tûte inphesōt tor mak ning. Lungset leh marit a kavei manhring kasahei kha anmani’n anthatpek jo eng.