HOSEA 8:5 - LEKHARABU INTHENG (BSI)

⁵ Samaria khōpui mihe’n sana sehrat limsyem antakamuk kha enhnōm mak eng. Anchunga kahnuk kana hêr. Heituk pha sō leh mo limsyem kamukna kha antadahlon sik?

HOSEA 8:5 ပူးပေါင်းရင်းမြစ်များ

THUHMINGHEI INHNINA 13:8

Tûnhin Rōngpu sōnhei hnenga apek jo ratha neina kha dōina sik a intluk chei. Nangni’n remi katamtak leh Jeroboam taleisyem nan-pathen sik a sana sehratche limsyem kha nannei hei.

HLAHEI 19:13

Tlo rong tia a’ntlo setna inphut um ahuk roh; khahei kha kachunga vai manrôn mak hei roh. Khan chu pui katluk kachang sik jo eng, khana setna kaṭhamak a inphut masō kachang sik jo eng.

ṬONGCHÎK-HEI 1:22

“Mikamohei! Heituk kasôt mo akamo alakachang hnōm chei? Heituk kasôt mo themna kha nanta lahōt sik? Ahei tik a’m inthemchûk hnōm mak chei mo?

ISAIAH 45:20

Rōngpu’n ahri, “Nankhenga hong ruh, jât rakip a mipuihei, rengram apur jo pha alakahring seng; nanṭong tanna sik nantak khet hong inlâr ruh! Thinga ansyem lim leh inṭhōia a’njôk mipuihei, ankahuktor mak sik pathenhei hnenga akader hei, khava mihei kha heite manhret mak hei!

JEREMIAH 13:27

Ama’n amater ṭōn nantlona kha ahmu jo chei. Khōvelhei pathen chingbunga leh phaichama, pase inkhat in a-inn sirpa nuhmei amadu achangmak leh shakor chere kahur in arala atajui kapōa nansena hei kha ama’n ahmu sō cheia kae. Jerusalem mihei, nangni inhmang jo chei! Heitiktâk leh mo nangni a’ntheng sik chei?

JEREMIAH 4:14

Jerusalem, nang inhuk theina sik a, namalung kabōk kha sôp jo roh. Heituk kasôt mo setna lungthim rōk namandon hi sik?

JEREMIAH 48:13

Khava pha Israel he’n antataksen pathen, Bethel a inphut hmit vârna antamannei hei kapōa, Moab he’n an-pathen Chemosh a inphut hmit vârna mannei sik hei kae.

HOSEA 10:5

Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

HOSEA 10:8

Israelhei limsyem kamukna Aven hmebung, sukset sik hei kae. Anmaichâm chunga khan rahling leh kaharbuk in amakhusi sik hei. Mihei kha’n tlânghei hneng, “Athup roh!” khana hmebunghei hneng, “Amakhusi roh!” anti sik.

HOSEA 13:2

Anmani’n kamuk sik a thir vânga lim ansyema kae, dangka limhei, mihring mandonna hei leh mihring kut vânga ansyem heia kae. Khan chu anmani’n anti, “Khahei hnenga inthoina tōk ruh!” Heikhonga mo mi inkhat in amajôptor sik hei, khava sehratche limsyem mama kha!

HOSEA 8:6

Israel kut kathem in lim kha ansyem, khavakha pathen chang hêrmak! Samaria sana sehratche limsyem antakamuk kha ahar-ahak a sukkhōi sik kae!

AMOS 8:14

Samaria limsyem rahminga ṭong intepna kanei khana hinga kahrihei, ‘Dan pathen rahminga achangmak leh Beersheba pathen rahminga,’ mipuihei kha kapûr sik hei khana avea indingtor mak hei ning.”

MICAH 1:7

Mankatam limsyem rakip ahar-ahak a vōkkhōi sik hei, khava bek-inn noti hei hnenga inpek rakip hmeia romanvâm inthoina sik hei, alim rakip vōkkhōi dek-dôk a manbuk sik kae. Samaria he’n khahei kha vonchoi theina sik a inthoina kamukna heia antachen hei kae, tûnchu anka-en kada he’n bek-inn noti sik a anchoisōt sik jo hei.”

ṬŌNTLOHEI 7:41

Khava sōa Sehratche lim inkhat ansyema, khava kamukna sik inthoina anleitōk, khana khava anbinga anta’nsyem lim kajana revei anleitloa kae.

DÂNRABU INHNINA 32:22

Kahnuk kana hi hmei kapōa heikasûk sik, raleichunga ka-om rakip kakâng sik. Hivahin thōi raleia katlung sik, khana tlânghei rajung akâng manram sik hei.