HOSEA 8:1 - LEKHARABU INTHENG (BSI)

¹ Rōngpu’n ati, “Pengkun manhring ruh! Inrepuihei kha hmurai kapōa karam shunga jōng kaṭumsuk hei! Kami he’n anmani leh kan-intepna kha ansukkhōia kei mantheina kadōia inphin jo hei.

HOSEA 8:1 ပူးပေါင်းရင်းမြစ်များ

RENGHEI INHNINA 18:27

Ama’n amasôn hei. “Reng leh nangni kâra rōk a ṭong akahri sik a rengkalen in kei hi ahei tir eng tia nantamandon mo? Changmak, ke’n rape chunga a’n-ong, nangni leh inṭhōia an-êk kasâk sik leh anmajun ka-in sik hei hneng um hivahi kahri kae.”

ISAIAH 18:3

Rangei ruh, raleichunga aka-om rakip in! Tlâng chunga mêrchîkna pōnlek inkhat keimanke ruh! Pengkun ahong intum sik kha rangei ruh:

ISAIAH 24:5

Mihring he’n Pathen dânhei ansukkhōia khana ahei tik a aka-om sik intepna anjuimak jâra raleichung anmannim jo.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 31:32

Hivahi ke’n anpu anpahei Egypt a inphut ankut kamatua kaheiṭhōisōt hei pha intepna marō kha leh in-ang mak ning. Kei hi anpuise kapō kha kachang inum khava intepna kha nitmak hei.

JEREMIAH 34:18

Judah leh Jerusalem vaikarônhei, reng-innpui shunga ṭōnpui karônhei, thempuhei, khana hlamkakei seng he’n sehratche inkhat anthat a aṭim hnia antuk khōia, alang hnia anda, akâra khan kalôn kase heia kei leh intepna inkhat ansyema kae. Tâk-kha anmani’n khava intepna ṭonghei kha juimak heia ansukkhōia kae. Khava jâra anmani’n sehrat chunga anta leitlo kapōa khan ke’n hiva mihei chunga katlo sik kae.

JEREMIAH 4:13

Enruh, sumtuk kapōa inrepuihei kha kajōng hei. Anshakor gârihei kha thlisip ka-ang hei, khana anshakorhei kha marhmu kanek a inrang hei. Eini inhmang jo me! Eini inhmang thâm jo me!

JEREMIAH 4:5

Ram pumpuia pengkun tum ruh! Rahnaktak leh intheng senga khō ôn ruh! Judah leh Jerusalema mihei kha, rekur tukkhum khōpui heia antlânna sik hripek hei ruh.

JEREMIAH 48:40

Rōngpu’n ṭong atep, ti chu marhmu’n amathla azera ajōng inthla kapōa, Moab chunga jât inkhat jōng kachu sik,

JEREMIAH 49:22

Hmuvânlai inkhat in amathla azera ajōng inthla kapōa indōipuihei khan Bozrah chunga anjōng buhlu sik. Khava kani ning khan Edom remihei kha, nupui naiha kaphu kapōa, ṭit-inpirna annei sik.”

JEREMIAH 51:27

“Buhluna sik mêrchîkna kha pek hei ruh! Jât-hei tathei sik apengkun tum ruh! Babylon dōina re kakōn sik jât-hei intluk ruh! Ararat, Minni, khana Ashkenaz rengramhei kha re kabuhlu sik a manthei hei ruh. Buhluna hlamkakei sik a kadei ruh. Khâikhuhei kapōa shakorhei kha vaṭhōi hei ruh.

JEREMIAH 6:1

Benjamin mihei, nan-inhukna sik a tlân ruh! Jerusalema inphut tlânsōt ruh! Tekoa khan pengkun tum ruh khana Beth Haccherema khan mêrchîkna hmei inkhat syemsōt ruh. Inrengna leh insuksetna sak tinga inphut jōng kasōkbei sik jo.

EZEKIEL 11:4

Achang jâra tûnchu, mihringsa, anmani themmô pek hei roh.”

EZEKIEL 16:59

Chunghnung Rōngpu’n ahri, “Nang rahōi sōkna dungjuia karazen sik che, ajârchu nang in na’ntepna donmak che khana intepna kha navōkkhōi jo.

EZEKIEL 17:3

Chunghnung Rōngpu ke’n anhnenga kahri hi manhret hei rasoh: Amasong kaṭhatak amathla kalentak, akazer hmuvânlai inkhat leika-om. Ama’n Lebanon Tlâng heia kajōnga cedar thingpâr inkhat amathlek jo,

EZEKIEL 7:14

Pengkun a’nhring leh mi rakip inrin et hei. Tâk-kha re katuk sik tûte inkhat sesōt mak hei, ajârchu Pathen hnuknat kha mi rakip chunga katlung sik.

HOSEA 4:6

Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

HOSEA 5:8

Gibeah a re tlona pengkun tum ruh! Rama a khōtlâng ôn ruh! Bethavena re tlona hranhla ông ruh! Benjamin sahei, re shunga hlut jo ruh!

HOSEA 6:7

“Tâk-kha anmani’n ram kha Adam inti hmun a anhonghlut bia anmani leh ka-intepna kha anvōkkhōi jo.

HOSEA 9:15

Rōngpu’n ahri, “Anṭhatmak tlo rakip hi Gilgal a inphut jo kae. Khana inphut ke’n kamater manphut jo hei kae. Ṭhatmak antlo jâra, karam a inphut kahnong sōt sik hei kae. Lungset nôk hêrmak jo hei ning; anhlam kakei seng in kei andōi enga kae.

JOEL 2:1

Zion Tlânga pengkun tum ruh; khō ôn ruh, Zion Tlânga, khava Pathen hmebung inthenga khan. Judah mihei, ṭit a in nôk ruh! Rōngpu kani kha inranga kahong jo.

JOEL 2:15

Zion Tlânga pengkun tum ruh; buhngōina sik leh mipui intûpna sik a ṭongpek-hei ruh!

AMOS 3:6

Mipui in ṭitna neiloa re pengkun kha khōpui shunga a’nhring mo? Rōngpu’n ahei tir mak inchu khōpui kha khōdeng theina akasōk sik mo?

AMOS 8:3

Khava kani ning reng-innpuia hlasakna kha ṭajai suina’n athleng sik. Hmun rakip a kathi kalōng kasip sik jo. Kathi kalōnghei kha marûk a anhlonsōt sik jo hei.”

AMOS 9:1

Maichâm hnenga Rōngpu kangir kha ke’n kahmu. Ama’n ṭong ahei pek: “Bek-inn innchunglêr kha rahnak a vōkrakhông ruh, sumpuk akhenga a’nnokna sik. Vōkkhōi una mihei luchunga tlâk hei rasoh. Alakseng hei kha rehmun a kathatsō sik hei. Tûte’num sōksōt tor mak hei ning; inkhatbek um tlânsōt tor mak hei ning.

HABAKKUK 1:8

Anshakorhei kha rûtnu kanek a tlân kayâng hei, kahne von kaṭâm hei kanek a kakhôk chet hei. Anshakor remi he’n ram kahlatak a inphut kahong hei; anshakor he’n raleia anke ankatat a kae. Marhmu’n vate asur tinga kapōa jōng inthlur hei.

ZEPHANIAH 1:16

re intukna pengkun rasa khana rekur tukkhum khōpui leh inn inshâng hei akabuhlu remihei ông rasa sipna kani kha kachang sik.

ZECHARIAH 11:1

Lebanon, nakot-hei mahlâng roh, nang cedar thingkung rakip hmei in akângsōna sik!

ZECHARIAH 9:14

Rōngpu kha amipuihei chunga hong inlâr sik; khō inphe kapōa ama’n the akâpsōt sik. Chunghnung Rōngpu’n pengkun atum sik; thlang tinga inphut thlisip kâra ama kha hong injôk sik.

MATTHEW 24:28

“Kathi kalōng omna hmun a, hmuthonghei intûp sik hei.

DÂNRABU INHNINA 28:49

Ralei bângna inphut aṭong leh ahla nantamanhret mak, jât inkhat nangni kadōi sik a Rōngpu’n aheiṭhōi sik. Anmani kha mârhmu kapōa nanchunga jōng kachu sik hei.