HOSEA 7:7 - LEKHARABU INTHENG (BSI)

⁷ “Anhnuknat inhnak khan anvai karônhei anthat hei. Anrenghei abân bâna anthat hei, tâk tûte’num kahnenga inthōpuina sik adermak hei.”

HOSEA 7:7 ပူးပေါင်းရင်းမြစ်များ

RENGHEI INKHATNA 15:28

Hivahi Judah Reng Asa vairôn kum 3 changna shunga aleikasōk kae. Khang’khan Baasha’n Nadab rengchang kha athleng joa kae.

RENGHEI INKHATNA 16:18

Khōpui kha katlu jo ti Zimri’n ahmu pha, ama kha reng-innpui ashungpena rekur shunga kahlut jo, khana reng inn kha hmei aro jo, khana hmeimalea khan kathi jo.

RENGHEI INKHATNA 16:22

Achaina chu, Omri indu hei khan antor jo hei; Tibni kha kathi joa Omri reng kachang jo.

RENGHEI INHNINA 10:14

Jehu’n amihei hneng ṭong apek hei, “Anmani kahringa sur hei ruh!” Anmani’n ansur heia, tuikhur inkhat hnenga Jehu’n athat jo hei. Anmani ankhenga mi 42 hei kae inkhatbek akahringa damak hei.

RENGHEI INHNINA 10:7

Jehu chithi anhmu lim leh Samaria hlamkakeihei khan Ahab sōn leh pâr mi 70 hei kha anthatpet hei, anlu hei kha hraithuk heia anda a Jezreel a Jehu hneng anleimanrôn.

RENGHEI INHNINA 15:10

Jabesh sapa Shallum in reng Zechariah dōina marûk a ṭōn amantluk a Ibleam hmun a athat jo, areng hmun athleng jo.

RENGHEI INHNINA 15:14

Gadi sapa Menahem kha Tirza inphut Samaria a kasea, Shallum kha avathat, khana areng hmun kha athleng jo.

RENGHEI INHNINA 15:25

Pekahiah remihei rehlam kakei, Remaliah sapa Peka khan Gilead a mi 50 leh marûk a intluk heia Samaria innpui shunga rekur shunga Pekahiah kha ahlōa athat jo, ama’n reng hmun athleng jo.

RENGHEI INHNINA 15:30

Judah Reng Uzziah sapa Jotham vairônna kum 20 atluk pha, Elah sapa Hoshea in Reng Peka kadōia marûk a amantluk a athat jo, areng hmun athleng jo.

RENGHEI INHNINA 9:24

Jehu’n asai akei dap a aratha rakip vâng athe ajōng kâp pha Joram tukkhumtak a amasuk a amalunglai akathi jo. Joram kha atolai chunga katlua kathi jo,

RENGHEI INHNINA 9:33

Jehu’n anmani hneng ati, “Amanu kha heihlon mathla ruh!” Anmani’n anheihlon mathlâk jo, athisen in bang leh shakorhei kha achen kathek jo hei. Jehu’n ashakor leh gâri kha amanu taksa kalōng chunga atôrsōt jo,

JOB LEKHARABU 36:13

Khava khōvelhei kha pha rakip a anhnuk kana, karâkna anpek he’num, inthōpuina sik a derna neimak hei.

HLAHEI 14:4

Rōngpu’n ader a, “Anmani’n manhret mak hei mo? Hiva ṭhatmak katlo rakip hei hi heite inhret mak rōk hei mo? Kamihei nei leh hao anchom heia kahring hei, khana kahnenga derna neitet mak hei.”

ISAIAH 43:22

Rōngpu’n ati, “Tâk Israel, nang kei juina nathōk hla jo; nang akamuk mak jo che.

ISAIAH 64:4

Nang chunga inhōrna kanei mihei hnenga khang khava ṭōn katlosōt, nang kapō Pathen chu tûte inkhat in hmuphung mak, thei um lathei phungmak.

ISAIAH 64:6

Keini kankhenga mi kasettak leikachang ung; kanṭōn tlosōt akaṭhapen hei kapha kha’m akachok dâk kapō kae. Kansetna hei jâra thingbō invōia thli’n asêm manjōng kapō kachang ung.

ISAIAH 64:7

Tûte nahnenga derna ahong kanei om mak; tûte inkhatbek inṭangpui sik a nahnenga akahong om mak. Keini kansetna jâra nadahlon jo unga keinia inphut nabinga inthup jo che.

ISAIAH 9:13

Israel mipuihei kha la’nsir mak hei; Chunghnung Rōngpu’n karâkna apek hei katlunga, ahnengting he’nle dekmak hei.

EZEKIEL 22:30

Kahnuknat in khava bang asukkhōi pha, ahmun a akangirtor sik leh bang kasyemtor sik khana ram kha asuk manhmang pha akahrung tor sik mi inkhat ke’n kajong, tâk tûte inkhat hmutor mak eng.

DANIEL 9:13

Moses Dân a ale’nzet karâkna rakip hei kha napek jo ung. Tâk tûn katlunga’m O Rōngpu kan-Pathen, kansetna heia inphut inhesōtna a-emak leh nadikna juia namalung mantlaina sik latlomak ung.

HOSEA 13:10

Nangni’n reng leh hlamkakei neina sik a nander, tâk anmani’n jât kha heikhong mo antahuktor sik?

HOSEA 5:15

“Kami he’n ansetna jâra katluk a khōdeng theina aneia kei annihei jongmak kârseng ke’n kadahlon sik hei. Ankhōdeng theina shunga kei annihong jong khâk sik eng.”

HOSEA 7:10

Israelhei ṭong rangei makna khan anmani chunga a-ôngsan heia kae. Hei-hei aleisōk jo tâk inum, Rōngpu an-Pathen kei hneng he’nle mak hei

HOSEA 7:14

Malung inthengtak a kahnenga adermak hei, tâk khōvelhei kapōa, raleia katlu heia ka-ông heia kae. Khana ju leh sâng sik a ander phale’m khōvelhei kapōa antak ankarittana kae. Anmani heikhonga a’nphin hei mo!

HOSEA 8:4

“Kami he’n renghei ankadei, khavakha anrachama antatlo kae. Anhlam kakei ankadei hei, tâk kei hnōm pekna invei mak. Ansana leh dangka anloa limhei ansyem, anmani insuk inhmangna hrep sik kae.

MICAH 2:1

Hmit harpuma akaje khana akaṭhamak ṭōn mantlukna kaneihei sik a heituk a ṭitpek ka-om hei mo! Jîngkâr ahong pha, pha kaṭha anhmutak leh ṭhatmak anmantlukna kha antlosōt a kae.