HOSEA 7:5 - LEKHARABU INTHENG (BSI)

⁵ Rengpa revei tlo ning rengpa leh aṭōn karônhei kha ju leh thlai anmanrui heia anmanvet hei.

HOSEA 7:5 ပူးပေါင်းရင်းမြစ်များ

A’NPHUTNA 40:20

Ni 3 sōa rengpa intet ning kachanga, aṭōn katlo rakip sik a revei sâktlâng aleitloa kae; aju katintapa leh abuhlom kasyempa kha akeisōt heia ṭōn katlohei hmaikunga anheiṭhōi hei.

RENGHEI INKHATNA 13:4

Reng Jeroboam in hivahi athei pha, ahnenga akut akhinga ṭong apek hei, “Khava mipa kha sur ruh!” ati. Khava phatak khan rengpa kut kalâng kha kathi joa katumthei nôk mak jo.

HLAHEI 1:1

Mikaṭhamak-hei mansena inhlângmak, mikaset-hei omchen kajuimak, a-emak leh Pathen sik a hnemna kase hei kâra akatlamak mihei kha mikahōihei kae.

HLAHEI 69:12

Hlampuia kei ṭong rōk anhri manchōr, khana ju inrui he’n hla anphō khum eng.

ṬONGCHÎK-HEI 13:20

Mikasinghei leh inthlop ruh, mikasing hongkachang sik che. Mikamohei ṭhōn nachangpui he’nchu, inhmang sik che.

ṬONGCHÎK-HEI 20:1

Ju hingja ina inrui hin rasa amantam khana mikamo amanchang che. Ju inrui hi mikamo ṭōn kae.

ISAIAH 28:1

Israel rengram kha inhmang jo: Alûrna kha, ahlam kakei ju-inruihei ta’nkhu reipâr lenlukhu kapōa kachia kaṭōi inthla jo. Anta inlensakpui anlu hei kha thai marim katui inhnam hei, tâk khana khan kaje jo hei, inrui heia kathi jo hei.

ISAIAH 28:14

Tûn Jerusalema ṭong inngeimak nang, mipuihei chunga vaikarôn. Rōngpu tahri hi rangei roh!

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

HOSEA 7:3

Rōngpu’n ati, “Mipui he’n reng leh aṭōnpui karônhei chunga ṭhatmak mantlukna vâng anhōn hei.

MATTHEW 14:6

Herod inte ninga rehōia Herodias sanu kha mipui hma hong kalâm. Herod kha katlai hranghra,

MARK 6:21

Atorna Herodias khan pha kaṭha achen jo. Khavakha Herod intetna kani kae, khava ning ama’n ram vaikarôn akalen rakip, rehlam kakei, khana Galileea hlamkakeihei revei atlopuina pha kha kae.

EPHESIANHEI 5:18

Ju inruimak ruh, khava khan nang rōk amanhmang sik che; khava kanek a Rathla kasip a om ruh.