HOSEA 7:16 - LEKHARABU INTHENG (BSI)

¹⁶ Keia inphut inhe heia ratha kaneimak pathen hneng kase ri hei. Anmani hi inngamna omlo, intlunjenlo sai kapō hei kae. Ajârchu anhlam kakeihei kha rahe kasetak a kaṭong hei, re leh sha shunga kathi sik hei, Egypt he’n anhnōise sik hei.”

HOSEA 7:16 ပူးပေါင်းရင်းမြစ်များ

HLAHEI 12:3

Khava hmûr kathemhei kha sip manti hei roh, O Rōngpu! Khana khava mi’nlensak hei bei kha hippek hei roh.

HLAHEI 12:4

Anmani’n anti, “Kantamadu kha kanṭong hri them vânga kanchen. Kantahri hnō-hnōm kanhri sik, tûte’n akhâmtor mak hei ning.”

HLAHEI 12:5

Rōngpu’n ati, “Tâk-kha, tûn kei kajōng sik eng ajârchu akatlasam hei kha ansuk manrim jo hei tlo manrima aka-om hei annat ande hla a inkōi jo hei. Antarangei inhrungna kha kapek sik jo hei.”

HLAHEI 17:10

anmani’n lungsetna neiloa, in-ortak a kaṭong hei.

HLAHEI 52:2

Milak-hei inhmangna sik namantluk; namalei kha chem kangeijap kapō kae. Maleisei ṭong nakeisōṭhak a kae.

HLAHEI 57:4

Mihring ravōi akasâk hnōm shabakkaihei kapōa, kei inrepuihei khan ankatōm eng. Anha hei kha kasei leh thepui kangei ka-ang hei; khana anmaleihei kha chemjâm kangei ka-ang hei.

HLAHEI 73:9

Marvân chunga ka-om Pathen kha anhrimaset, khana raleichung mi rakip hneng êngset a ṭong pekna annei,

HLAHEI 78:37

Anmani ahnenga kajatak a juimak hei; ama leh an-intepna chunga taksenthei changmak hei.

HLAHEI 78:57

anpu anpahei kapōa rahe kase leh ṭong kajuimak kae jo hei, thepui intlunmak kapōa taksenthei changmak hei.

ISAIAH 3:8

Kadik, Jerusalem hi inhmang jo! Judah hi kapûr jo! Heirakip antatlo leh antahri hi Rōngpu dōina kachang jo; anmani’n inphôngtak a Pathen khet kha inzakna anpek jo.

JEREMIAH 18:18

Khava pha mihei khan anhri, “Eini’n, Jeremiah chunga heimo inkhat mantluk rih! Ani’nthei sik thempu, ani-inse sik mikasing, khana Pathen ṭong thangkōi kahrile sik ahei tik a ninei ṭhak sik hei kae. Ama chunga masetna pek rih khana aṭong rangei pek mak jo rih.”

JEREMIAH 3:10

Khana hiseng so leh taksenthei kachangmak Israel nainu Judah khan kahnenga ahong inle inhlemsak a kae; ama amalung intheng mak a kae. Rōngpu ke’n kahri jo kae.”

JEREMIAH 42:18

“Rōngpu, Israel Pathen khan ahri, ‘Jerusalem mihei chunga kahnuk natna leh kahnuk inthakna kajōngsun mathlâk kapōa, nangni Egypt ram a nanse’nchu, nangni chunga kahnuk natna kajōngsun mathlâk sik kae. Nangni, mihring hmit ena mi inrimnatak kachang sik chei; mihe’n sem anmanlo sik chei khana nanrahming kha inhâksêrna anhmang sik jo. Nangni hiva hmun hi hmu nôk mak jo tin chei.’”

EZEKIEL 23:32

Chunghnung Rōngpu’n ati, “Na-unu kōkleia inphut na-in sik; khavakha kalen inthûk a kae. Mi rakip in anrasei sik che khana anhnōise sik che; ajârchu kōklei kha kasip.

EZEKIEL 36:20

Anmani ansena ramtina, kei rahming intheng chunga hmaimôkna anheirôna kae, ajârchu mi’n hinga anti sik, ‘Hihei hi Pathen mihei kae, tâk-kha aram hi andahlon sik jo.’

DANIEL 7:25

Ama’n Chunghnung Pathen kadōia ṭong ahri sik khana Pathen mihei asuk manrim sik hei. Ama’n anmani beklang dân leh rehōihei thlengna sik atlo sik. Khana Pathen mihei kha kum 3 leh thla 6 aratha neina thōia ada sik hei.

HOSEA 11:5

“Anmani kahnenga he’nle sik hnōm mak hei, khava jâra Egypt a a’nle nger sik hei kae, Assyria he’n anchunga vai antarôn sik kae.

HOSEA 11:7

Anmani’n keia inphut sesōt sik a antloṭhak a kae. Anrîngke rôn jâra kaṭap a ka-ông sik hei, tâk tûte’n kadomsōt pek mak hei ning.

HOSEA 6:4

Tâk-kha Rōngpu’n ati, “Israel leh Judah, nangni hi heimo kamanlo sik chei? Nanlung setna eng kha jîngkâr sumphai kapōa inranga inhmang jo; jîngkâr hmatak a a’nhmangbât radaitui kapō kae.

HOSEA 7:13

“Anmani inhmang jo hei! Anmani’n andahlon jo eng khana kei dōina inphin hei. Anmani suk manhmang sik hei kae. Ke’n anmani kahuk hnōm hei, tâk ankamukna eng kha dikmak

HOSEA 9:3

Israel mihei kha Rōngpu ram a khan om mak hei ning tâk Egypt ram a inle nôk sik heia kha Assyria ram a inthenglo thlai kha ansâk sik.

HOSEA 9:4

Khava ram hlop shung heia khan anmani’n Rōngpu hneng vomhrui ju tōkna nei tor mak hei ning, a-emak leh an-inthoina heichoitor mak hei ning. Anthlai kasâk rakip kha thi ninga thlai sâkna kapōa, amannim sik hei. Khavakha anmani von khopna sik rōk a kachang sik; inkhatbek um Rōngpu Bek-inna tōkna tia inlomak ning.

HOSEA 9:6

Inrengna ahong pha, mihei kha an-inchek pha, Egypt he’n Memphis a vûmna sik heia anmani anmantûp sik jo hei! Anmani dangka karōi bukna leh an-innhei, pha khat a anlei matungna hei kha rahling chap leh kahar he’n akabuksi sik jo hei.

MALACHI 3:13

Rōngpu’n ati, “Nangni’n kei chungchânga ṭit ka-om ṭong nanhri, tâk-kha nangni’n nander, ‘Nachungchânga dōina ṭong heimo kantahri jo?’

MALACHI 3:14

Nangni’n nanti, ‘Ama tahri juina leh Akahratpen Rōngpu hneng kanṭōntlo hei kha kanṭhe jo tia hrina khan heimo akahnem sik?’

MATTHEW 12:36

“Nanmanhret manchênthei sik khachu Ṭongtan ning mi rakip in hnemna kase anṭong hrina rakip tintana phôngsōtna anei sik kae.

LUKE 8:13

Hlung kâra akatla hmuchihei khachu, ṭong inhri katheia inpâk a akalo hei kha kae. Tâk-kha anshunga inritak a rajung aṭhōmak jâra, anmani’n pha bongkhat chu antaksen, tâk enmansinna ahong pha leh anmani katlu ri jo hei.

JAMES 3:5

Khava kapōa malei hi’m kae: akasintek chu kae, tâk akalentak chunga in-orna ṭong ahrisōt tor. Heituk kalen ramthip kha hmeirasi inkhat in aro mankângsō tor kha mandon ruh!

PETER INHNINA 2:8

Khava mikaṭha ankâra aka-om khan ani tina akaṭhamak tlosōtna ṭong athei leh ahmu hei chunga malung inrimna aneia kae.

ṬONGPHÔNG 13:5

Khana ranhring kha inlensaktak a Pathen teitômna sik, thla 42 ratha neina anpek joa kae.