HOSEA 7:11 - LEKHARABU INTHENG (BSI)

¹¹ Israel hi akamo vaṭhu akajōng lele kapō kae; ahma kakei pena Egypt hneng, khava sōa Assyria hneng inthōpuina kajonga katlân lelea kae!

HOSEA 7:11 ပူးပေါင်းရင်းမြစ်များ

RENGHEI INHNINA 15:19

Tiglath Pileser, Assyria Reng kalenpen khan Israel chunga re aleitlo, khana Menahem in ram shunga aratha neina sik, ama hnōm pekna chenna sik a dangka kilograme 34,000 aleipek.

RENGHEI INHNINA 16:7

Ahaz in Syria reng kalenpa Tiglath Pileser hnenga hiva ṭong hi leh inṭhōia mi atir hei, “Kei hi naṭong kajui nasōk eng kae. Ani kabuhlu Syria leh Israel reng heia inphut, nang hong inna, ajōng huksōt roh.”

ṬONGCHÎK-HEI 15:32

Na’nthem chuk hnōm mak inchu, nabinga a’nsuk inrim che kae. Mandikna che kha narahlâng inchu, hong kasingdet sik che.

ṬONGCHÎK-HEI 17:16

Mikamo lekha inchuna sik sêr manhlut hi aṭhatna om mak, ajârchu amandona kipmak.

ṬONGCHÎK-HEI 6:32

Tâk-kha mikajông khachu mandonna heite neimak. Ama abinga ansukset jo kha kae.

JEREMIAH 2:18

Egypt a navase leh heimo akahnem sik tia namandon, Nile tuidunga tui va-in sik mo nati? Assyria navase leh heimo akahnem sik tia namandon, Euphrates tuidunga tui va-in sik mo nati?

JEREMIAH 2:36

Nang in jât-hlop pathen nasora nabinga naman namantlôm a kae. Assyria tatlo che kapōa, Egypt inum malung tlâksamna ahongpek sik che.

HOSEA 11:11

Anmani Egypt a inphut va kapōa khana Assyria inphut vaṭhu kapōa inrangtak a kahong sik hei. Ke’n anmani an-inna kaheiṭhōi male sik hei. Rōngpu, ke’n kahri jo kae.”

HOSEA 12:1

“Jîngkâra inphut jân katlunga Israelhei tatlo kha hnemna kase leh insuksetna rōk kae. Ankâra inhōnna, invōk insetna kapung chet-chet a kae. Assyria leh inhnōmtōna ansyem khana Egypt leh invei antloa kae.”

HOSEA 12:2

Judah chunga Rōngpu’n masetna manchen sik anei; Israel hi amihei omchen jâra akarâksa sik kae. Anmani ṭōntlo dungjuia apek male sik hei kae.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 4:11

Rōngpu’n ati, “Juther leh jumarō khan kamihei manhretna amanhmangsō jo!

HOSEA 4:6

Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

HOSEA 5:13

“Israel in khangtuk hrep a atak damlo kha ahmu pha khana Judah’n a’ntônna bi ahmu pha, Israel in Assyria rengkalen hneng inthōpuina kader sik a vakasea kae, tâk ama’n annat leh an-intônna bi kha mandam tor mak a kae.

HOSEA 5:4

Mipuihei ṭhatmak tlona khan an-Pathen hneng hong inle sik a inphut akhar hei. Lim kamukna hin anmani asur manhnak jo hei, Rōngpu kha manhretna neimak hei.

HOSEA 8:13

Anmani’n kahnenga inthoina antōk khana khava hme kha ansâk. Tâk-kha Rōngpu kei chu anchunga tlaimak eng, tûnchu ansetna kha kamandonsōt sik khana karâkna kapek sik jo hei; Egypt a katir male sik jo hei!

HOSEA 9:3

Israel mihei kha Rōngpu ram a khan om mak hei ning tâk Egypt ram a inle nôk sik heia kha Assyria ram a inthenglo thlai kha ansâk sik.

HOSEA 9:6

Inrengna ahong pha, mihei kha an-inchek pha, Egypt he’n Memphis a vûmna sik heia anmani anmantûp sik jo hei! Anmani dangka karōi bukna leh an-innhei, pha khat a anlei matungna hei kha rahling chap leh kahar he’n akabuksi sik jo hei.

OBADIAH 1:7

Nasap changpui he’n anhōn jo che; narama inphut anhnongsōt jo che. Kamōnga nanta-ompui mihei khan naram anlopek jo che. Bu nasâkpui naṭhōn he’n châng ankampek jo che; anmani’n, ‘Asing athemna seng kha khon mo ka-om jo?’ anti che.

MATTHEW 10:16

“Rangei ruh! Kahne rup-hei kâra kemōng kapōa ke’n nangni katir chei kae. Khava jâra mari kapōa insing thei ruh, vaṭhu kapōa malung mannem ruh.