HOSEA 7:1 - LEKHARABU INTHENG (BSI)

¹ “Kami Israelhei avea andamna leh ankhangna sik kamadu pha, anmani malung ṭhatmak leh anṭōntlo ṭhatmak rōk kha ke’n kahmu sōt a kae. Inkhat leh inkhat inhōntō hei; inn anvōkkhōia neinâk anchom; hlamlen heia mihei anchom heia kae.

HOSEA 7:1 ပူးပေါင်းရင်းမြစ်များ

ISAIAH 28:1

Israel rengram kha inhmang jo: Alûrna kha, ahlam kakei ju-inruihei ta’nkhu reipâr lenlukhu kapōa kachia kaṭōi inthla jo. Anta inlensakpui anlu hei kha thai marim katui inhnam hei, tâk khana khan kaje jo hei, inrui heia kathi jo hei.

ISAIAH 59:12

“Rōngpu, nang kadōia kanṭhena katamtak ka-om. Kansetna khan amaher jo ung. Keini’n khahei seng kha kaṭha nenga kanmanhret jo.

ISAIAH 59:13

Keini’n nang kan-inrepui jo che, kahlonsōt jo che, juihnōm mak jo che ung. Milak kansuk manrim heia nanga inphut inhesōt ung. Kanlei mandonna kha kanṭhe jo; kanṭong beisō maleisei kae.

ISAIAH 59:14

Ṭongtan kadik kha kanhnongsōt jo, ratha neina kha kanhnenga hongtor mak jo. Akadik kha khōtlânga inpai inthlûk jo, khana malung intheng kha khana khan hmun chenmak jo.

JEREMIAH 51:9

Khana ka-om ram hlop mihe’n anhri, “Babylon inthōpuina sik intluk ung, tâk pha kha kathlengrei jo. Tûnchu amanu hi dahlon me sona inna inle jo rih. Pathen in Babylon hi aratha neina senga karâkna apek a asuk manhmang cher joa kae.’”

EZEKIEL 16:46

“Na-unu kha sak tinga ka-om Samaria leh akhōhei hi kae. Nanainu kha thlâng tinga ka-om Sodom leh akhōhei hi kae.

EZEKIEL 23:4

Upanu rahming kha Ohola kae, (amanu hi Samaria kahlanga ka-om), khana naipangnu kha Oholiba anti. (amanu hi Jerusalem kahlanga ka-om) Ke’n anmani 2 kha ka-ompui hei, khana sa leh nai anmatet pek eng.

EZEKIEL 24:13

Jerusalem, jông leh kîk omchen khan nang amanbōk jo che. Ke’n mantheng sik chea karei inum, nang kabōk a ka-om injôn che. Nang hi kei hnuk natna ratha inhnak kha namanhret mak hma seng chu intheng mak jo tin che.

HOSEA 10:5

Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

HOSEA 11:12

Rōngpu’n ahri, “Israel mihe’n tûn katlung maleisei leh hōnna vâng ankatōm eng, Judah mihe’n a’ntheng leh taksen ka-om Pathen andōi eng.

HOSEA 11:8

“Israel, ke’n heikhong mo kamasōtor sik che? Heikhong mo ke’n kadahlon tor sik che? Ke’n Adma kasuk manhmang kapōa, nang kasuk manhmang tor sik che mo, achangmak leh Zeboiim kapōa nachunga katlo tor sik mo? Kamalung in kha amantlo mak ning! Kalungsetna che kha kangar hêra kae.

HOSEA 12:1

“Jîngkâra inphut jân katlunga Israelhei tatlo kha hnemna kase leh insuksetna rōk kae. Ankâra inhōnna, invōk insetna kapung chet-chet a kae. Assyria leh inhnōmtōna ansyem khana Egypt leh invei antloa kae.”

HOSEA 12:2

Judah chunga Rōngpu’n masetna manchen sik anei; Israel hi amihei omchen jâra akarâksa sik kae. Anmani ṭōntlo dungjuia apek male sik hei kae.

HOSEA 4:17

Israel mihei hi limhei kamukna ṭong rōk a kase jo hei. Anbing racham et a sehei rasoh.

HOSEA 4:2

Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

HOSEA 5:1

“Thempuhei, hiva ṭong hi rangei ruh! Israelhei, malung kahlut a rangei ruh! Reng innshunghei, nangni rangei ruh! Nangni kadik a ṭong nantatan sik rahōi kachang, khava jâra nanchunga ṭong tanna kha ka-om sik jo! Nangni Mizpah a châng, Tabor tlânga lenchâng inzâr,

HOSEA 6:4

Tâk-kha Rōngpu’n ati, “Israel leh Judah, nangni hi heimo kamanlo sik chei? Nanlung setna eng kha jîngkâr sumphai kapōa inranga inhmang jo; jîngkâr hmatak a a’nhmangbât radaitui kapō kae.

HOSEA 7:13

“Anmani inhmang jo hei! Anmani’n andahlon jo eng khana kei dōina inphin hei. Anmani suk manhmang sik hei kae. Ke’n anmani kahuk hnōm hei, tâk ankamukna eng kha dikmak

HOSEA 8:5

Samaria khōpui mihe’n sana sehrat limsyem antakamuk kha enhnōm mak eng. Anchunga kahnuk kana hêr. Heituk pha sō leh mo limsyem kamukna kha antadahlon sik?

HOSEA 8:9

Ram shakōrtung rahe kase kapōa, anracham kase jo hei. Assyriahei inthōpuina anjonga khana jât-hlop he’n anhrungna sik hei antia sêr anpek heia kae.

AMOS 3:10

Rōngpu’n ati, “Hiva mihei hi ṭōnse tlona leh innâk-insea neinâk anta heichomsōt vâng rōk a an-innpuihei kasip sōa kae. Heikhonga malung mantheng sik ti kapha’m manhret mak hei.

AMOS 3:9

Egypt leh Ashdod reng-innpuia ka-om hei hneng hivahi manthei hei roh: “Samaria kimvea hmebung heia intûp ruh, khana ṭōn injenmak leh ṭōnse antatlo so enruh.”

AMOS 8:14

Samaria limsyem rahminga ṭong intepna kanei khana hinga kahrihei, ‘Dan pathen rahminga achangmak leh Beersheba pathen rahminga,’ mipuihei kha kapûr sik hei khana avea indingtor mak hei ning.”

MICAH 6:16

Hiseng hi kasōk sik, ajârchu nangni’n Reng Omri leh asapa Ahab omchen kaṭhamak kha nangni’n nanjuia kae. Nangni’n anmani mantlukna hei nantlo manjôna kae, khava sik a nangni kamanhmang sik chei, khana mi rakip in anhnōise sik chei. Hmun rakip a mihe’n mater tak a antlo sik chei.”

MATTHEW 23:37

“Jerusalem, Jerusalem! Pathen in nahnenga ajōngtir sânkathemhei nathat hei, ṭongkarônhei hlung vâng nadeng hlon hei! Ârpui in atehei amathla hnōia aka-unsi kapōa, ke’num vōi heija mo namihei kabân vâng kaka-unsi sik a kaleimadu, tâk nang in amantlo mak che!

LUKE 13:34

“Jerusalem, Jerusalem! Nahnenga Pathen tajōngtir tirlehei hlung vâng nadeng hlon hei, sânkathemhei nathat hei! Ârpui in atehei amathla hnōia aka-unsi hei kapōa ke’n namihei vōi heija mo kabân vâng ka-unsi sik heia kamadu, tâk amantlo mak che.

LUKE 19:42

hinga ati, “Tuning hin lungmōng chenna sik a heimo arangei kha namanhret inchu nu! Tâk-kha nang in khahei kha hmutor mak che.