HOSEA 6:6 - LEKHARABU INTHENG (BSI)

⁶ Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

HOSEA 6:6 ပူးပေါင်းရင်းမြစ်များ

THUHMINGHEI INKHATNA 28:9

Khana Solomon hneng ama’n ati, “Kasapa, napa-Pathen hneng manhretna nanei sik leh malung hlop neiloa khana intluktak a narazen sik a kamanse che kae. Ama’n eini maduna leh mandonna amanhret a kae. Ahnenga nase’nchu arahlâng sik che; tâk-kha ahnenga inphut nasesōt inchu ahei tik a sik a adahlon sik che.

HLAHEI 50:8

Ro mankhutna kahnenga nanhei choiṭhak jâra leh maichâm tōkna nantloṭhak jâra masetmak chei eng.

ṬONGCHÎK-HEI 21:3

Akadik leh akaṭha kha tlo roh; Rōngpu hneng neinâk tōk sik heichoi kanek a ama tlaina sik kha tlo roh.

MI INTHEIPA 5:1

Bek-inn kepha insing thei roh. Akadik leh akaṭha a’nhret ṭhen theimak mikamo he’n inthoina tōkna sik a anvakase kanek a inthem chûkna sik a se sik kha kaṭha jôk.

ISAIAH 1:11

Ama’n ahri, “Nang in hiva inthoinahei seng kei hneng natōk hi kamadu sik hei tia namandon mo? Nang in nakemōng leh ran kaṭhahei thai inthoina naro hei kanek a katluk a kanei. Kei sehratche, kemōng leh kehei thisen kha kaning ache jo.

ISAIAH 58:6

“Ke’n kamadu thlai hngōi khachu hi kae: inrengna thirhrui leh akadik mak rake kha hlonsōt ruh, khana suk manrima ka-om kha ning leh hnōma se rasoh.

JEREMIAH 22:16

Sarahei kadiktak a ṭong atanpek hei, mi rakip leh kahōitak a le’nṭhōi hei. Khavakha kae Rōngpu manhret inti kha.

JEREMIAH 7:22

Ke’n nanpu sōnhei Egypt a inphut kaheiṭhōisōt hei pha khan, ro-inthoina leh inthoina ralak-hei chungchânga ṭong heite leipek mak hei eng.

DANIEL 4:27

Kha achang jâra, Reng Kalûr, kaṭong jui roh. Set-tlo bâng jo roh, akadik kha tlo roh, khana sarahei hneng lungset them roh. Kha achang inchu injônjet a kakhang sik che.”

HOSEA 14:2

Rōngpu hneng ho’nle ruh, hiva derna hi ahnenga inthoina chang rasoh: “Kansetna rakip arangei mandam roh, kanderna arahlâng pek roh, khana kanṭong intepna kapōa nang kanchoi ka-ân sik che.

HOSEA 2:20

Kaṭong tepna kajui sik, kata kamanchang sik che, nang in Rōngpu tia nahnōm sik eng.

HOSEA 4:1

Hiva ram a ka-om mihei chunga Rōngpu’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

HOSEA 8:13

Anmani’n kahnenga inthoina antōk khana khava hme kha ansâk. Tâk-kha Rōngpu kei chu anchunga tlaimak eng, tûnchu ansetna kha kamandonsōt sik khana karâkna kapek sik jo hei; Egypt a katir male sik jo hei!

AMOS 5:21

Rōngpu’n ahri, “Nangni beklanga revei kha kamater; en-hnâm tor mak eng!

MICAH 6:6

Marvân Pathen, kamukna sik a kahong pha ke’n Rōngpu hneng heimo kahei choi sik? Sehrat rala kaṭhapen kha romanvâm inthoina sik kahei choi sik mo?

MICAH 6:8

Changmak, Rōngpu’n akaṭha kha ahri pek jo me. Ama’n einia inphut amadu khachu: akadik tlo sik, inlungsetna injônjet a malâr sik, khana insinsaktak a Pathen leh inṭhōi sik hi kae.

MATTHEW 12:7

Ṭong intheng in, ‘Kei tamadu khachu lum lona kae, ran inthoina kha changmak,’ ati. Hivahi heitina mo nanlei manhret inchu, nangni’n ṭhena kaneimak hei kha nantalei masetmak sik hei kae;

MATTHEW 5:7

“Milak chunga lungsetna kaneihei kha anmahâm kaṭha; Pathen in alungset sik hei!

MATTHEW 9:13

‘Kei tamadu kha lum lona kae, ran inthoina kha changmak,’ tia ṭong intheng tahri hi heitina mo se una vajongsōt ruh. Kei mi kalûrhei kabea akajōng changmak eng, tâk mikasehei kabea akajōng eng kae.”

MARK 12:33

Khana namalung, namandonna, khana naratha hratna akhenga Pathen nalungset sik, khana nabinga a’nlungset che kapōa nakhō naven nalungset sik kae tina hin ranhring inthoina leh ro mankhutna kanek a akarôn pen kae.”

JOHN INKHATNA 2:3

Pathen ṭongpek kha nijui inchu, ama nimanhret jo ti hi inchên.

JOHN INKHATNA 3:6

Khava jâra tu achang inum Christa leh inchun a aka-om ṭhak mi khan setna tlomanjôn mak jo ning; tâk setna lakatlo injôn mi khachu Christa kha lahmu mak, manhret um lamanhret mak.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.