HOSEA 6:5 - LEKHARABU INTHENG (BSI)

⁵ Khava jâra nanhnenga kasân kathemhei kha ṭong tanna leh suksetna ṭong leh inṭhōia kahei tir hei kae. Nangnia inphut kamadu khachu akabeitek leh a’nthengseng kha kae:

HOSEA 6:5 ပူးပေါင်းရင်းမြစ်များ

A’NPHUTNA 18:25

Akaṭhemak hei kha ṭhena kaneihei leh inṭhōia that mak hei tin chea kae. Khachu akae theimak kae. Khachu tlothei mak tin che. Khanga natlo’nchu ṭhena kaneimak hei kha ṭhena kaneihei leh inṭhōia karâkna pek sōmna kae sik jo. Khachu akae theimak kae. Raleichung pumpuia ṭong katanpa khan kadiktak a ṭōn atlo sik kasōk.”

RENGHEI INKHATNA 14:6

Tâk-kha amanu hong kha Ahijah’n athei pha, ama’n ati, “Heihlut roh. Nang Jeroboam nuhmei che kae, kamanhret che. Heisa mo mihlop a’nhlemsak che? Nang sik a ṭong kaṭhamak kanei.

RENGHEI INKHATNA 17:1

Gilead a Tishbea inphut sânkathem arahming Elijah inti khan Reng Ahab hneng ati, “Ke’n karazen, Israelhei akahring Pathen Rōngpu rahminga, ke’n kamanthei che kae, abâna kum 2 leh 3 hi radaitui leh khō sûrmak ning, ke’n sûr roh katimak hma seng.”

RENGHEI INKHATNA 18:17

Ahab in ahmu pha, “Israel shunga akaṭhamak tak inrimna katlo nang hin ka-om jo che!”

RENGHEI INKHATNA 19:17

Hazael mithatna inphut akatlânsōt hei kha Jehu’n athat sik hei, khana Jehu hnenga inphut akatlânsōt hei kha Elisha’n athat sik hei.

RENGHEI INHNINA 1:16

rengpa hneng aleiti, “Rōngpu tahri kha hi kae: ‘Israel a pathen aka-om mak kapōa nang in Ekron pathen Baalzebub hneng ṭong nava mander hei jâra dammak jo tin che, kathi sik jo che!’”

THUHMINGHEI INHNINA 21:12

Elijah sânkathem khan Jehoram hnenga chithi aleitir, hing’hin aleimazet: “Napusōn David Pathen, Rōngpu’n masetna apek che ajârchu napa Reng Jehoshaphat khana napu Reng Asa chôndân kha juimak che.

JOB LEKHARABU 15:30

inthim kâra inphut tlânsōt tor mak hei ning. Anmani kha abâk hmeia akakâng jo, anpârhei thli’n asêmtlenpek jo hei, thingkung kapō hei kae.

JOB LEKHARABU 34:10

Manhretna kanei nangni, kaṭong hri hi rangei ruh! Chunghnung Pathen in akadik mak kha atlo sik mo?

HLAHEI 119:120

Nang jâra kei kaṭi eng; naṭongtan sik jâra ṭitna kasip eng.

HLAHEI 37:6

ama’n nadikna kha sûnṭim kanivâr kapōa amanvâr pek sik che.

ISAIAH 11:4

Ama’n sara khōdeng katheihei ṭong kaṭha atan sik, khana inthōpui kase hei dikna kha ahrung pek sik hei. Ama ṭongpek kha mihei karâkna apek sik hei, khana mikaṭhamak kathi sik hei.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 1:10

Tuning ke’n jât rakip leh rengramhei anrajung kaphôisōt sik, kakei inthlûk sik, akasuk inhmang sik, akahlonsōt sik, akaphunsōt sik leh akasyemsōt sik a ratha kha nang kapek jo che kae.”

JEREMIAH 1:18

Rangei roh, Jeremiah! Hiva ram shunga mi rakip-Juda renghei, ṭōnkarônhei, thempuhei khana mipuihei seng in nang antadōi sik che kae. Tâk-kha tuning ke’n nang anmani inhngetpui torna sik a ratha kapek jo che; kurpui kahnettak, thir chopui, sum-êng bangrape khōpui inkhat kapō kachang sik che. Anmani’n nang tor mak hei tin; ajârchu nakahrung sik a ka-ompui sik che. Rōngpu ke’n kahri jo kae.”

JEREMIAH 13:13

Khava pha manthei hei roh, Rōngpu ke’n, hiva ram shunga mihei seng: David sōn leh pârhei, renghei, thempuhei, sânkathemhei, khana Jerusalema mi rakip an-inrui mak hma seng, ju kaman-in sik hei kae.

JEREMIAH 23:29

Kei ṭong hichu hlungpui ahar-ahak a kavōk-khōi hmei inkhat leh hembung inkhat kapō kae.

EZEKIEL 11:4

Achang jâra tûnchu, mihringsa, anmani themmô pek hei roh.”

EZEKIEL 3:9

Nang hlungpui kapōa kahnet a kasyem sik che, khana hira-mukta kapōa kamanngar sik che; sova rahe kasehei so ṭitmak hei roh.”

EZEKIEL 32:18

Ama’n ati, “Akathithei mihring, Egypt a mi rakip sik a ṭajai sui roh. Ratha kanei jât-hei leh inṭhōia kathirama tir jo hei roh.

EZEKIEL 43:3

Hiva hmangtalâr hi Pathen in Jerusalem asuk manhmang tinga Chebar tuipanga kaleihmu kha leh in-ang hei. Khava sōa raleichunga kahmai kamakhup a inlet eng.

ZEPHANIAH 3:5

Tâk-kha Rōngpu kha khōpuia laka-om ṭhak, akadik rōk kha atlo; akadik mak kha tlojen mak. Jîngkâr katai sôilo jen a amihei hnenga akadik kha ahei rôn pek hei. Tâk-kha mikadik mak he’n akadik mak kha antloṭhak khana inzak um manhret mak hei.

ṬŌNTLOHEI 7:31

Khava ahmu kha Moses’n inlak aleisak hêra, a’nchêndetna sik a thing bur kha avahnai. Khana Rōngpu kare kha hing’hin aleithei:

ROMANHEI 2:5

Tâk-kha malung kasak leh ṭong inngeimak malung kha nanei, khava jâra Pathen hnuk natna leh aṭongtan kadik ajōng inlâr ninga sik karâkna kalen chet nabinga sik nansyem joa kae.

EPHESIANHEI 6:17

Rathla tapek chei Pathen ṭong kha chemjâm kapōa, khana hukmanhring kha lukhu inkhat kapōa rahlâng ruh.

HEBREWHEI 4:12

Pathen ṭong chu akahring leh akatlotheitak kha kae, chemjâm lang hnia kangeitō kanek a kangei. Hinahin heirakip a-âttan, nirathla leh anikaching rathla insuktōna khana ru leh rathling insuktōna katlunga a-ât tantora kae. Hivahin mihring malung mandonna leh rangeina a-ensina kae.

ṬONGPHÔNG 1:16

Ama’n akut changting ârsi 7 achoi, khana abei shunga inphut alang hnia kangei chemjâm inkhat heikasōk a kae. Ahmaisō kha sûnṭim kanivâr kapōa kavâr.

ṬONGPHÔNG 2:16

Khava jâra namalung thleng roh! Kha achangmak inchu, kabeia akasōk chemjâm vâng khan khava mihei intukpui sik nahnenga inrangtak a akajōng sik eng kae.

ṬONGPHÔNG 9:15

Ngeva 4 hei kha amasō jo hei; khava ngevahei kha mihring rakip sem thuma sem khat kathatsō sik a tûn phatak a tuning kanitak a tûn thlatak a tûn kumtak a intlukdek jo hei.

ṬONGPHÔNG 9:21

Khan chu anmithat, andôi choi, ankajông, an-inrûk bângdek mak heia kae.

SAMUEL INKHATNA 13:13

Samuel in amasôn, “Khavakha akamo ṭōn kae.” Rōngpu na-Pathen ṭong pek che kha juimak jo che. Naleijui inchu, nang leh nasōnhei Israelhei chunga ahei tik a vai amanrôn sik che kae.

SAMUEL INKHATNA 15:22

Samuel in ati, “Khō kha mo Rōngpu’n amadu: ṭongjui mo a-emak leh tōkna leh inthoina mo? Ahnenga kemōng kaṭhapen inthoina natōk kanek a chu aṭong najui kha kaṭha jôk.

SAMUEL INKHATNA 15:32

“Reng Agag kha hin heiṭhōi roh,” Samuel in ṭong apek. Agag kha ahnenga kahong, aṭit reia innok jo, abinga amandon, “Thi sik hi heituk a akahōi mak jo mo!”

SAMUEL INKHATNA 15:33

Samuel in ati, “Nang chemjâm in nu katamtak sa neiloa ada hei kapōa, tûnchu nanu kha sa neilo akachang sik jo kae.” Khana ama’n Agag kha Gilgal a maichâm hmating atuk rachen jo.