HOSEA 6:3 - LEKHARABU INTHENG (BSI)

³ Rōngpu kha manhretna sik tlo rih. Jîngkâr khōvâra nihnenga kahong nger sik, zerkhōlaia khōsûr in raleia tui apek kapōa.”

HOSEA 6:3 ပူးပေါင်းရင်းမြစ်များ

SAMUEL INHNINA 23:4

sumtuk kaimakna jîngkâr kani tajōngsat ka-ang, khōsûrsō lim a kani tajōngsat phi kadi rik-rak kapō kae.”

JOB LEKHARABU 29:23

Mi rakip in kaṭong anleirangei hnōm, Khavakha hlei kathlō he’n khōtui antahngâk kapōa leikachang.

HLAHEI 19:4

Achang ravâng anṭongrôn vânhnōi pumpuia katlung sō khan ralei rakir manlia intheisō. Pathen in chungvân chunga kani omna sik rabuk asyempek;

HLAHEI 19:6

Chungvân bângna inkhat a inphut aphut a a’nchaina inkhat katlunga kase. Kanisat lumna inphut heite inthup theimak hei.

HLAHEI 63:8

Nanga kakop tlit eng, khana nakut in ahuksōt eng.

HLAHEI 65:9

Nang in khō najōng mansûra, ralei hi kaṭha na-ensuina kha namalâr; ralei hi namanhao khana athai namansip. Kava dunghei tui namansip hei; khana raleia hmuchi namankek hei. Natlodân kha hi kae:

HLAHEI 72:6

Rengpa kha hleipuk a khō kasûr kapō, tlâng kachâra khō cher-cher katla kapō ang rasoh.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ISAIAH 2:3

khana anmi he’n anhri sik, “Eini Rōngpu hmebunga son ketou rih; Israelhei Pathen Bek-inna son, ama’n amantlo hnōm me ṭōn kha amanthei sik me; ama’n akadei hlam a khan eini kalôn sik me. Ajârchu Jerusalema inphut Rōngpu mantheina kha kajōng; Ziona inphut amihei a’nbekpui hei.”

ISAIAH 32:15

Tâk-kha vōi khat chu Pathen in arathla kha eini sik ajōngtir sik. Ramhâng hei kha ralei thai ṭhatna hmun lahong kachang sik, khana hleihmun a kara katamtak lahong inlōk hi sik.

ISAIAH 44:3

“Ke’n ram kachâr hmun a tui kapek sik, ralei chârna kavadung kaman lōng sik. Ke’n nasahei chunga karatha hratna kajōng bun mathlâk sik, khana nasōnhei chunga kamahâm ṭhatna kapek sik hei.

ISAIAH 5:6

Kahar kha kamanbuksi sik. Abâk-hei manhleng mak jo ning, akung um mavurmak jo ning; khava nek a, phibuk leh rahling chap in kabuksi jo rasoh. Sumtuk in achunga khō amansûr sik kapha, kakhâm sik jo.”

ISAIAH 54:13

“Kei khet in namihei kamanthei sik hei, khana neina leh lung mōngna kapek sik hei.

JEREMIAH 24:7

Anmani’n kei hi Rōngpu eng kae tia manhret hnōmna malung kha kamannei sik hei. Khana anmani kami kachang sik hei, khana kei anmani Pathen kachang sik eng, ajârchu anmani’n anmalung pumpuia kahnenga hong inle sik jo heia kae.

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

HOSEA 10:12

Ke’n kahri, “Nanbinga hleither khōi ruh, akadik kha ling ruh, khana nanlum lona eng kara mahâmṭhatna kha inlōk ruh. Tûn hi nan-Rōngpu, kei hneng nanhong inlena sik pha jo kae, khana kei kajōng sik eng khana nanchunga mahâmṭhatna kasun mathlak pek sik chei.’

HOSEA 14:5

Israelhei hnenga kei hi ram chârna khōtui kapō kachang sik eng. Anmani reipâr kapōa kapâr sik hei; anrajung kahnet a anthō sik Lebanona thingkunghei kapōa.

HOSEA 14:6

Anjîk ther ansôna kadông sik hei, Olive theikung kapōa kaṭha sik hei. Lebanona cedar thing marim kahōi kapōa Anmarim kahōi sik.

HOSEA 2:20

Kaṭong tepna kajui sik, kata kamanchang sik che, nang in Rōngpu tia nahnōm sik eng.

MICAH 4:2

khana anmi he’n anti sik, “Israelhei Pathen Bek-inna, Rōngpu tlâng chunga vaketou rih. Ama’n amantlo hnōm me kha amanthei sik me; ama’n akadeisōt hlam a khan kase sik me. Ajârchu Rōngpu mantheina kha Jerusalema inphut kajōng, Ziona inphut amihei hneng ṭong ahri.”

MICAH 5:2

Rōngpu’n ahri, “Bethlehem Ephrathah, nang Judah shunga khōpui akasinpen hei kâra inkhat che kae, tâk nanga inphut Israel sik a, hmalaia inphut innshung hrui kanei, vaikarôn inkhat kahei majōr sik.”

MICAH 5:7

Alakahring seng Israel mihei kha Rōngpu’n jât rakip sik a ajōngtir hlimsengna radaitui kapō kha ka-ang sik hei, phidông kakek chunga khō rahme kasûr kapō kae sik. Khahei kha mihring chunga changloa, Pathen chunga a’nngai sik hei kae.

ZECHARIAH 10:1

Kum shunga zerkhōa sûrtui atlâkna sik Rōngpu hneng der ruh. Mi rakip hleipuk a sabō man-êmna akasyem, khō sumtuk leh khō rahme aheikatir kha Rōngpu kae.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MATTHEW 13:11

Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei.

LUKE 1:78

Ni-Pathen hi lungset kasip leh malung innem kae. Ama’n eini chunga hukmanhringna khō ajōng manvâr sik

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 7:17

Tu achang inum Pathen lungdo tlo sik akatup mi khan kaman theina hi Pathena inphut akajōng a-emak leh kabing ratha neina vâng kahri kae ti hi amanhret sik.

ṬŌNTLOHEI 17:11

Khava hmun a ka-om mihei kha Thessalonica mihei kanek a anmalung le’ntheng. Anmani’n ṭong inhri kha malung kahluttak a anleirangei, khana Paul tahri kha akadik khet mo ti hmusōtna sik a nitina Ṭong intheng anleiteia kae.

DÂNRABU INHNINA 32:2

Kei mantheina hi khōtui kapōa katla sik, raleichunga radaitui ka-ang sik. Kaṭong hi hardông chunga khō rahme kapōa katla sik phidông chunga khōtuidi ka-ang sik.

HEBREWHEI 3:14

Ajârchu a’nphutbia inphut eini inngamna kha nimatutlit inchu, eini nikhenga Christa leh chen kaneisap me kha kae.

PETER INHNINA 1:19

Khava jâra sânkathemhei ṭong leihri manthangle kha eini sik kakhe chet a taksenna ka-om jo. Nangni hinahin nanmalung hlutna sik kaṭhadet nantatlo sik kae, ajârchu khōvârmak kârseng leh nanmalung shunga jîngkâr vârpa avâr mak kârseng khō inthim hmun a thaihmei tasat manvâr kapō kha hivahi kae.

ṬONGPHÔNG 22:16

“Jesu, Ke’n, hivahei hi bekrup shunga nangnihei hnenga akahri inthang sik a kangeva kajōngtir jo kae. Kei David innshunga asōn eng kae; akavâr jîngkâr vârpa eng kae.”