HOSEA 5:13 - LEKHARABU INTHENG (BSI)

¹³ “Israel in khangtuk hrep a atak damlo kha ahmu pha khana Judah’n a’ntônna bi ahmu pha, Israel in Assyria rengkalen hneng inthōpuina kader sik a vakasea kae, tâk ama’n annat leh an-intônna bi kha mandam tor mak a kae.

HOSEA 5:13 ပူးပေါင်းရင်းမြစ်များ

RENGHEI INHNINA 15:19

Tiglath Pileser, Assyria Reng kalenpen khan Israel chunga re aleitlo, khana Menahem in ram shunga aratha neina sik, ama hnōm pekna chenna sik a dangka kilograme 34,000 aleipek.

RENGHEI INHNINA 15:29

Peka rengchang laia kae, Assyria reng kalenpa Tiglath Pileser in Ijon khōpuihei, Abel Beth Maacah, Janoa, Kedesh, khana Hazor khan chu Gilead ramṭhen, Galilee, khana Naphtali a mihei kha rekahringa asur heia Assyria ram a aṭhōi hei.

RENGHEI INHNINA 16:7

Ahaz in Syria reng kalenpa Tiglath Pileser hnenga hiva ṭong hi leh inṭhōia mi atir hei, “Kei hi naṭong kajui nasōk eng kae. Ani kabuhlu Syria leh Israel reng heia inphut, nang hong inna, ajōng huksōt roh.”

ISAIAH 3:7

Tâk-kha ama’n amasôn sik, “Kei chang tor mak ning! Ke’n inthōpui tor mak chei ning. Sâk leh in, si leh kei inchûngmak eng. Nanhlam kakei amanchang mak ruh.”

JEREMIAH 30:12

Rōngpu’n amihei hneng ahri, “Nankôkna bi kha damthei mak ning, nan-intônna bi kha dam tor mak ning.

EZEKIEL 23:5

Ohola kha kei nuhmei achang inum, anoti chang kha atlo ṭhak a kae, khana Assyria ram a alungset hei chunga amadu arangeina kha kasip.

HOSEA 10:6

Limhei kha Assyria reng kalenpa hnenga rengkat sik a anchoi sik. Israel khan miṭong ajui jâra inzakna leh hmaimôkna achen sik jo.

HOSEA 12:1

“Jîngkâra inphut jân katlunga Israelhei tatlo kha hnemna kase leh insuksetna rōk kae. Ankâra inhōnna, invōk insetna kapung chet-chet a kae. Assyria leh inhnōmtōna ansyem khana Egypt leh invei antloa kae.”

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 2:7

Ama’n a’ndupui hei kahnung ajui sik, tâk ama’n surtor mak hei ning. Ama’n anmani a-enlele sik hei kha’num hmuphâk mak hei ning. Khava pha ama’n ahri sik, “Kei kapuise hma inkeipa hneng inle sik eng, tuna ka-om kanek a ama leh kanleiom lai kaṭhachet a kae.”

HOSEA 7:11

Israel hi akamo vaṭhu akajōng lele kapō kae; ahma kakei pena Egypt hneng, khava sōa Assyria hneng inthōpuina kajonga katlân lelea kae!

HOSEA 8:9

Ram shakōrtung rahe kase kapōa, anracham kase jo hei. Assyriahei inthōpuina anjonga khana jât-hlop he’n anhrungna sik hei antia sêr anpek heia kae.

MICAH 1:9

Samaria natna bi dam tor mak ning, khana Judah’n khava kapōa khōdeng theina aratō sik; insuksetna khan kamihei omna, Jerusalem kekot a hong katlung jo.”