HOSEA 4:6 - LEKHARABU INTHENG (BSI)

⁶ Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

HOSEA 4:6 ပူးပေါင်းရင်းမြစ်များ

THUHMINGHEI INHNINA 15:3

Pha kasôttak Israel in akadik Pathen kasea, an-inthei sik thempu kasea, khana dân kasea leika-om jo hei.

JOB LEKHARABU 36:12

Achangmak inchu, anmani heite manhret loa kathi sik hei, thina raleia kavadung kha re anrakan a kase sik hei.

HLAHEI 119:139

Ka’nrepui he’n naṭong kha heitea ansakmak jâra, kahnuknat kha kashunga hmei kakâng ka-ang.

HLAHEI 119:153

Kei inrengna hi enroh, khana ahuk roh, ajârchu nadân kha heisakloa tlomak eng.

HLAHEI 119:61

Mikaṭhamak-hei khan kei man-ôkna sik châng ankam, tâk, ke’n nadân kha mahngi mak eng.

HLAHEI 18:27

Mi insinsak hei kha nahuk hei, tâk mi inlensak-hei kha nasuk manhnem hei.

ṬONGCHÎK-HEI 10:21

Mikaṭha ṭonghri hei khachu mi katamtak in hnemna anchenpui sik, tâk namôna beisōa khan nabinga inthat sik che.

ṬONGCHÎK-HEI 19:2

Manhretna kasea tlo hnōmna malungrôn hi ṭhamak; hngâk-hla jâra bōina naratō sik.

ISAIAH 1:3

Se he’n ankapu anmanhret, shakōrtung he’n akapu’n phi apekna hmun amanhret. Kami Israel tamanhret kanek a antamanhret jo kae. Kamihei chu manhret ṭhak mak hei.

ISAIAH 17:10

Israel, hlungpui kahrattak kapōa nakahuksōt leh nakahrung Pathen kha namahngi jo. Khava kanek a, ram hlop hei pathen kamukna sik a rahōn inthenga thingkung naling jo.

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

ISAIAH 28:7

Sânkathemhei leh thempuhei kapha’m ju inrui heia anhek anhek a kalôn hei. Anmani’n ju an-inreia inhmak heia inpai inthlûk heia kae. Sânkathemhei kha ju inrui rei heia Pathen in hmangtalâr ajōngtir hei kha manhret mak jo hei, thempuhei kha inrui rei heia ṭongtan hi tanthei mak jo hei.

ISAIAH 29:12

Nang in lekha katei theimak inkhat hneng atei pek roh natinum, heikhonga tei sik mo manhret mak eng ati sik.

ISAIAH 3:12

Sêrpûk kasem he’n kamihei ansuk manrim hei, ansêr inpûk hei kha’n anhōn heia kae. Kamihei nanhlam kakei he’n hlamlea anṭhōi chei, khava jâra khonting mo ahe’nle sik chei ti, manhret mak jo chei.

ISAIAH 45:20

Rōngpu’n ahri, “Nankhenga hong ruh, jât rakip a mipuihei, rengram apur jo pha alakahring seng; nanṭong tanna sik nantak khet hong inlâr ruh! Thinga ansyem lim leh inṭhōia a’njôk mipuihei, ankahuktor mak sik pathenhei hnenga akader hei, khava mihei kha heite manhret mak hei!

ISAIAH 5:13

khava jâra nangni rehringa antakeisôn sik chei kae. Nanhlam kakeihei sâk loa kathi sik hei, khana mipui he’n tui kahrea kathi sik hei.

JEREMIAH 2:8

Thempu he’n, ‘Rōngpu khon mo aka-om?’ tia inder mak hei. Kathempu khet he’n amanhret mak jo hei. Vaikarôn he’n kei kadōia inṭang hei; Sânkathem he’n Baal rahminga ṭong ansân akahnem mak limsyem ankamuk hei.

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

JEREMIAH 5:21

Nanmalung manhlut ruh, heite inhret mak hei, hmit chu akaneihei, ahmu chu hmulo hei, kōr chu akaneihei, athei chu theilo hei.

EZEKIEL 44:23

“Thempu he’n kamihei hneng a’ntheng leh a’nthengmak in-ang makna, khana beklanga a’ntheng leh akabōk in-ang makna antamanthei sik hei kae.

HOSEA 13:6

Tâk-kha nang in ram kahōi naheihlut pha chu pui katluk set jo chea katlai jo che, khana inlensak jo chea namahngi jo eng.

HOSEA 2:13

Ama’n kei amahngi enga Baal hneng marim katui aro khana sanaret a’nvona a’ndupui hei ahnong heia pha amanhmang jâra khan karâkna kapek sik kae. Rōngpu’n ahri jo.

HOSEA 4:1

Hiva ram a ka-om mihei chunga Rōngpu’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

HOSEA 4:12

Anmani’n thinghar inkhat a inphut ṭong phôngna kha anngek a kae. Sung inkhat in antamanhret hnōm kha ahri pek hei! Anmani’n andahlon jo eng. Noti kachang jo nuhmei inkhat kapōa, pathen ralak hnenga inpek sōt jo hei.

HOSEA 4:14

Kha’num khahei sik jâra karâkna pek mak hei ning, ajârchu nangni khet um bek-inn noti hei hneng kahlut chei khana anmani leh bekna kaneimak hei inthoina kha nantōk a kae. Ṭongchîk in ahri kapōa, ‘Manhretna kaneimak mihei kha a’nhmang sik hei kae.’

HOSEA 5:4

Mipuihei ṭhatmak tlona khan an-Pathen hneng hong inle sik a inphut akhar hei. Lim kamukna hin anmani asur manhnak jo hei, Rōngpu kha manhretna neimak hei.

HOSEA 6:6

Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

HOSEA 7:11

Israel hi akamo vaṭhu akajōng lele kapō kae; ahma kakei pena Egypt hneng, khava sōa Assyria hneng inthōpuina kajonga katlân lelea kae!

HOSEA 7:9

khana hiva miramhei chunga inngaina antanei hin anratha neina anchomsōt hei ti hi manhret mak hei. Ankani kha intei jo, kha’num anmani manhret mak heia kae.

HOSEA 8:1

Rōngpu’n ati, “Pengkun manhring ruh! Inrepuihei kha hmurai kapōa karam shunga jōng kaṭumsuk hei! Kami he’n anmani leh kan-intepna kha ansukkhōia kei mantheina kadōia inphin jo hei.

HOSEA 8:12

Mi mantheina sik a tei torlo leoa kamazet jo, tâk, khahei kha mihlop mivânghei ta kapōa anhlonsōt hei.

HOSEA 8:14

“Israel he’n reng-innpui ansak hei, tâk ankasyem khet khachu anmahngi joa kae. Judah he’n khōpui rekur ansak hei. Tâk-kha anreng-innpui leh ankhōpuihei ro mankângna sik a hmei kajōngtir sik.”

HOSEA 9:17

Asepa karazen Pathen khan amihei ahlon sōt sik hei, ajârchu anmani’n aṭong rangei mak hei. Anmani jât-hlop hei kâra akalôn-invai kachang sik hei.

MATTHEW 15:14

Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 15:8

Pathen in, ‘Hiva mihei hin anbei vâng rōk ankaja eng, tâk anmalung chu keia inphut kahlatak a ka-om.

SAMUEL INKHATNA 2:12

Eli sapahei kha malung kadikmak hei kae. anmani Rōngpu kha heite donmak hei