HOSEA 4:18 - LEKHARABU INTHENG (BSI)

¹⁸ Ju katamtak an-insō leh, noti omchen kha anmadua kae, kajana kanek a inzakna chen sik anmadu jôk a kae.

HOSEA 4:18 ပူးပေါင်းရင်းမြစ်များ

A’NPHUTNA 38:24

Thla 3 sō vena mi inkhat in Judah hneng, “Nahmōinu Tamar kha noti ṭōn atlo jo, tûnhin nai avona kae,” ati. Judah’n, “Ama kha ṭhōisōt inna hmeia rohlon roh,” ati.

HLAHEI 47:9

Jât rakip vaikarônhei leh Abraham Pathen mihei kha intûp hei. Remi rakip hei kanek a ama ratha aneichet, ratha kanei pena vai arôn.

SŌKSŌT 23:8

Rirûk a sêr pekna lo hêrmak ruh, ajârchu rirûk pek hin akadik a inphut mi hmit amancho khana ṭhenakase hei asuk manset heia kae.

JEREMIAH 2:21

Hmuchi kaṭhapena inphut, kadeisōt vomhrui kapōa kaphun che kae. Tâk-kha enroh, heimo akachang jo che! Akahnem mak, akaṭopsa vomhrui ka-ang jo che.

EZEKIEL 16:15

“Tâk-kha nahme ṭhatna leh najai inthang kha hnemna najongpuia akahong rakip najepui hei.

HOSEA 4:10

Inthoina shunga nanchen kha nansâk sik, tâk-kha nanvon kaṭâm injôn sik. Nangni’n sa leh nai kapek pathenhei kha nankamuk sik, kha’num sa chu neimak tin, ajârchu nangni pathen ralak juina sik a keia inphut kasesōt chei.”

HOSEA 4:2

Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

HOSEA 9:10

Rōngpu’n ahri, “Ke’n hmapena Israelhei kahmu sōt hei pha, nêrdiram a vomhrui kahmông a’nhmusōt ka-ang. Ke’n nanpu-nanpahei ahma inkeia kahmu hei pha, kum a ahma kakei theichang kahmin hmusōt ka-ang heia kae. Tâk-kha anmani Peor Tlânga anhongtlung pha chu, Baal kamuk anphut jo, inrangtak a an-pathen kapōa mater ka-om jo hei.

AMOS 5:12

Heituk a ṭit ka-om setnahei nantanei mo khana heituk a dân sukṭhena nantatlo mo ti kamanhret. Mikathahei nansuk manrim hei, sêrmarûk nanlo, khana ṭongtan hmun a sarahei dikna chen sik kha nankhar hei.

MICAH 3:11

Khōpui vaikarôn he’n sêrmarûk hmuna sik a vai anrôn, thempu he’n sêr hlōna Dân kha anmalesōt, sânkathem he’n sêr hmun a sik a ansânsōt hei, ankhengpet a Pathen in a-ompui ung anti. “Keini chunga ṭhatmak heisōk mak ning, Rōngpu’n a-ompui ung,” antia kae.

MICAH 7:3

Anmani ankhenga ṭhatmak tlona kathemhei. Vaikarôn leh ṭongkatan he’n sêrmarûk sâk sik ander. Aṭong kase, ratha kanei mi khan amanthei heia, anmani inchun heia ṭōn anmantluk a kae.

DÂNRABU INHNINA 16:19

Anmani’n ṭong antan pha, dikmak antatlo mak sik khana ôtum antanei mak sik kae; marûk sêr antarahlâng mak sik kae; ajârchu kutchoi hin mikasing leh malung intheng hei hmit amanchoa dik loa ṭong mathlakna amannei heia kae.

SAMUEL INKHATNA 8:3

Tâk anmani kha anpa chônhlam juimak hei; sêr hmun a rōk a anratha kahrok, khava jâra marûk sêr anrahlâng khana malung inthenga ṭong tanmak hei.