HOSEA 4:12 - LEKHARABU INTHENG (BSI)

¹² Anmani’n thinghar inkhat a inphut ṭong phôngna kha anngek a kae. Sung inkhat in antamanhret hnōm kha ahri pek hei! Anmani’n andahlon jo eng. Noti kachang jo nuhmei inkhat kapōa, pathen ralak hnenga inpek sōt jo hei.

HOSEA 4:12 ပူးပေါင်းရင်းမြစ်များ

RENGHEI INHNINA 17:7

Samaria khōpui katlu, ajârchu Israel sahe’n Egypt rengpa inphut ankahuksōt leh Egypt a inphut anhei kaṭhōisōt Rōngpu an-Pathen dōina setna antloa kae. Anmani’n Pathen ralak ankamuk hei,

THUHMINGHEI INHNINA 21:13

Khava kanek a, Israel renghei chôndân najui jo khana Ahab in Israelhei kha ṭong juimakna ting aleiching hei kapōa Judah leh Jerusalema mipuihei kha Pathen ṭong juimakna ting naching jo hei. Nang kanek a mikaṭha, na-u nanaihei kapha nathat jo hei.

HLAHEI 106:39

An-omchen khan anbinga innim jo hei khana Pathen hneng taksenthei changmak jo hei.

HLAHEI 73:27

Nang kahlonsōt hei kha kathi nger sik hei; nahnenga taksenthei kachangmak hei kha nasuk manram sik hei.

JEREMIAH 10:8

Ankhenga kamohei khana invet hei. Thinga lim syem heia inphut anmani’n heimo themna antahmu sik?

JEREMIAH 2:27

Thingkung kha kanpa khana hlungpui kha kannu kati nankhenga inzak nanratō sik. Hivahi hong kasōk sik ajârchu kei hnenga nanhong inhe sik kanek a keia inphut katlânsōt jo cheia kae. Tâk-kha khōdengthei nanratō pha leh chu kei hi kahong leh kahukna sik cheia nanbek enga kae.

JEREMIAH 23:13

Ke’n Samaria sânkathemhei setna kahmu jo: anmani’n Baal rahminga ṭong anhri, khana kamihei hlamlea anṭhōi jo hei.

EZEKIEL 20:32

Thing leh hlung inmuk ram hlop a ka-om hei, jât-hlop hei kapōa om sik nanmalunga insyem chei. Tâk-kha khachu changthei hêrmak ning.

EZEKIEL 21:21

Babylon rengpa kha hlamsō 2 inbâkna ṭongmanthei târna khan kangir. Khonting mo se sik tia amandona athe kha akanok a kae; ama’n ama limhei kha ader hei; inthoina ran mathin kha a-enmansin a kae.

HOSEA 14:3

Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 5:4

Mipuihei ṭhatmak tlona khan an-Pathen hneng hong inle sik a inphut akhar hei. Lim kamukna hin anmani asur manhnak jo hei, Rōngpu kha manhretna neimak hei.

HOSEA 6:10

Israel a hiva ṭit ka-om ṭōn intlo hei hi kahmu jo: kami he’n limsyem ankamuk a anbinga insu innim jo hei.

HOSEA 9:1

Israel mihei, khōvelhei kapōa nanrevei tlo kha hai ruh. Nangni nan-Pathena inphut inhesōt cheia, taksenthei changmak jo chei. Nangni nanbibinga ram pumpuia noti kapōa Baal pathen hneng injōr chei khana ama’n apek sik ung tia nantamandon seng kha nanmadu joa kae.

LEVI-DÂN 17:7

Israel mipui he’n ke-ṭai hnenga inthoina anranhei kha hleipuk heia antathat a Rōngpu ṭong kajuimak kha akae hêrmak sik hei kae. Israel mipui he’n hiva chôndânhei hi akahong sik pha rakip a antanit sik kae.

LEVI-DÂN 20:5

ama leh a-innshung mi rakip, khana kaṭong juimakna ama kajōm rakip, khana Molech inmuk hei seng chunga Kei khet in kadōi sik hei kae. Kami tia mandon mak jo hei ning.

MICAH 2:11

“Hiva mihei hin maleisei leh hōnna kasip sânkathem khana, ‘Nangni sik a ju leh theitui kalōng sik’ tia kasânsōt hei kha anmadua kae.’

HABAKKUK 2:19

Nangni inhmang jo chei! Nangni’n thinghar inkhat hneng nanhri, “Thōi jo roh!” achangmak leh hlungtlang inkhat hnenga nanhri, “Thōi jo roh!” Kut a limsyem in nangni heimo amanthei tor sik chei? Sana leh dangka vâng ankatōm tlit thei, tâk akahring rathla kha neimak.

MIJAHEI 15:39

Tukpâr hi mandonsōtna kachang sik, nanhmusōt pha leh kaṭong pek nanmandonsōt sik khana nanjui sik; keia inphut sesōt mak tin chei khana madu leh rangeina hlam kha juimak tin chei.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

ṬONGKATANHEI 18:5

Anmani’n ahnenga anti, “Keini kanhlam hrona hme kantasō sik mo Pathen hneng aderpek roh.”