HOSEA 4:1 - LEKHARABU INTHENG (BSI)

¹ Hiva ram a ka-om mihei chunga Rōngpu’n mô pekna inkhat anei. Israel, kaṭong hri hi rangei roh: “Ram shunga hin hlamrinna, khana inlungsetna om mak a kae, khana mipuihei hin kei hi Pathen tia ahnōm mak hei.

HOSEA 4:1 ပူးပေါင်းရင်းမြစ်များ

RENGHEI INKHATNA 22:19

Micaiah’n abân ahri nôk a, “Tûn Rōngpu’n heimo ahri rangei ruh! Ke’n Rōngpu kha angeva rakip ahnenga kangir heia, marvâna alen in-ongna a’n-ong kha kahmu.

HLAHEI 81:9

Ahlop Pathen nantakamuk hêrmak sik kae.

ISAIAH 1:10

Jerusalem, navai karônhei leh namihei kha Sodom leh Gomorrah kapō hei kae. Na-Pathen ṭonghri kha malung kahlut a rangei roh.

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

ISAIAH 28:14

Tûn Jerusalema ṭong inngeimak nang, mipuihei chunga vaikarôn. Rōngpu tahri hi rangei roh!

ISAIAH 34:1

Jât rakip amihei, hong intûp unna hong rangei ruh! In-gôr una rangei ruh, raleichung ashunga aka-om mi rakip hin hong una ṭong hi hong rangei ruh.

ISAIAH 34:8

Hiva pha hin Rōngpu’n Zion kha ahuk a a’ndōipui hei chunga aphu ahlo pek sik kae.

ISAIAH 5:3

Khava jâra, tûnchu kaṭhōnpa’n ati, “Nangni Jerusalem leh Judah a ka-om hei, kei leh kavomhrui rahōn kara ṭong atanpek ruh.

ISAIAH 59:4

Nangni ṭongtan hmun a kase chei, tâk nanlangting ṭongdik chenmak chei. Nanṭong kha atorna sik a maleiseia in-ngai chei. Milak mantônna sik a nanṭōn mantluk kha nantlosōt a kae.

ISAIAH 59:8

khana nangni lengna rakip a tûte inkhat inhukna om mak. Nantatlo rakip akadik mak rōk kae. Nangni hlam inhek a kase chei khana nansena hlam kajui mihei kha inkhatbek in inhukna chenhêr mak ning.

ISAIAH 66:5

Nangni aṭong kajui leh akaṭit hei Rōngpu’n heimo ahri hi rangei ruh: “Nangni kei hneng taksenthei nanchang jâra, nanmi ṭhahrep in anhōt chei, khana nangni leh heite tlosap mak hei. Anmani’n anmanuisō cheia anhri, ‘Keini’n nan-inpâkna kha kanhmuna sik a Rōngpu’n alenna malâr sona, huksōt chei rasoh.’ Kha’num, anmani jôk hmesetna antachen sik kae.

JEREMIAH 11:7

Ke’n anpu sōnhei Egypt a inphut kaheiṭhōisōt lai hei khan, kaṭong anjuina sik a kaṭhatak a kamanse hei, khana tuning katlung mipuihei kalamanse ṭhak heia kae.

JEREMIAH 19:3

Rōngpu’n kahri sik kha amanthei eng, “Judah renghei khana Jerusalem mihei, Chunghnung Rōngpu, Israel Pathen ke’n heimo kahri sik hi rangei ruh! Ke’n hiva hmun a khōdeng theina kamasō sik kae, khava ṭong kathei rakip inhmakban sik hei.

JEREMIAH 2:4

Israel phunghei, Jacob sōn leh pârhei, Rōngpu ṭonghri rangei ruh.

JEREMIAH 2:9

“Khava jâra, Rōngpu ke’n kamihei maherna ṭong kahri sik kae. Ansōn anpârhei chunga themmô kapek sik hei kae.

JEREMIAH 25:31

khava rasa kha raleichung kekung keler katlung bit a inthông sik. Jât-hei chunga Rōngpu’n ratha anei jo. Ama’n mi rakip chunga ṭong atan sik, mikaṭhamak-hei kha athat sik hei. Rōngpu’n ahri jo kae.’”

JEREMIAH 34:4

Zedekiah, nang chunga kahri ṭong hi rangei roh. Nang rehmun a that mak hei tin.

JEREMIAH 4:22

Rōngpu’n ati, “Kamihei hi kamohei, amanhret mak hei. Anmani naipang kamo ka-ang hei; anmani manhretna neimak hei. Anmani ṭōnse tlona chu kathemhei, tâk-kha ṭōn kaṭha tlona chu them mak hei.”

JEREMIAH 4:28

Ralei in ṭajai asui sik; chungvân um inthim sik jo. Rōngpu’n ahrisōt jo khana amandona kha thlengmak ning. Ama’n intepna anei jo, akahnung inlemak jo ning.

JEREMIAH 5:4

Khan chu ke’n kamandon, “Hihei hi sara leh a’nhret mak rōk hei kae. Anmani kamotak a kachôn hei; an-Pathen in heimo arangei ti hi manhret mak hei, An-Pathen in heimo amantlo hnōm hei ti kha manhret mak hei.

JEREMIAH 51:5

Israelhei A’ntheng Inkhat, kei dōina Israel leh Judah he’n antlo jo’num Chunghnung Rōngpu Pathen ke’n dahlon mak hei ning!

JEREMIAH 6:13

Anmani akasin leh akalen ankhenga malung intheng loa sêr hlona antlo; thempuhei leh sânkathemhei kapha’num mipui anhōn hei.

JEREMIAH 7:28

Nang in anhnenga hripek hei roh, anjât in Rōngpu an-Pathen ṭong juimak jo hei khana anchunga karâkna khana inphut inchûna neimak jo hei. Inhlamrinna om mak jo. Ahribek um inhrimak jo.

JEREMIAH 9:20

Ke’n kati, “Nuhmeihei, Rōngpu ṭonghri rangei ruh, aṭong hrina chunga nanmalung manhlut pek ruh. Nansanuhei hneng heikhonga ṭajai sui sik mo, khana nanṭhōnhei hneng heikhonga invûmna hla sak sik mo ti kha manthei hei ruh.

JEREMIAH 9:3

Ankhenga maleisei hrina sik a ahei tik a intluk hei; akadik kanek a malung intheng mak in anrama vai arôn. Rōngpu’n ati, “Kami he’n akaṭhamak inkhat antlosō leh inkhat antlo nôk, kei hi an-Pathen inkhat a alo mak hei.”

JEREMIAH 9:7

Hiva jâra hin Chunghnung Rōngpu’n ati, “Ke’n kamihei thirkheng jo kapōa kaman theng sik hei, ka-enmansin sik hei. Kami he’n akaṭhamak antlo jo, ke’n anmani heimo kamanlo sik jo hei?

EZEKIEL 16:35

Tûnchu, Jerusalem, mikajôngnu! Rōngpu’n heimo ahri rangei roh.

HOSEA 12:2

Judah chunga Rōngpu’n masetna manchen sik anei; Israel hi amihei omchen jâra akarâksa sik kae. Anmani ṭōntlo dungjuia apek male sik hei kae.

HOSEA 12:3

Anpusōn Jacob in anu von shunga a-omlai a’nkoppui a-u Esau kha a’nrepui; Jacob khan ahonglen phale’m Pathen a’nrepui nôk,

HOSEA 5:1

“Thempuhei, hiva ṭong hi rangei ruh! Israelhei, malung kahlut a rangei ruh! Reng innshunghei, nangni rangei ruh! Nangni kadik a ṭong nantatan sik rahōi kachang, khava jâra nanchunga ṭong tanna kha ka-om sik jo! Nangni Mizpah a châng, Tabor tlânga lenchâng inzâr,

HOSEA 5:4

Mipuihei ṭhatmak tlona khan an-Pathen hneng hong inle sik a inphut akhar hei. Lim kamukna hin anmani asur manhnak jo hei, Rōngpu kha manhretna neimak hei.

JOEL 1:2

Upahei, ṭong hi rangei ruh; Judah shunga aka-om rakip, rangei ruh. Hivahi nangnihei achangmak leh nanpahei khanga aleikasōk phung jo mo?

AMOS 3:1

Israelhei, Egypt a inphut ama’n aheiṭhōisōt jât-hei, Rōngpu’n nanchungchânga ṭong ahri hi rangei ruh:

AMOS 7:16

Khava jâra tûnchu Rōngpu’n heimo ahri rangei roh. Nang in kaṭongsânsōt bângna sik a Israelhei dōina ṭong bângna sik a namanthei eng.

MICAH 6:2

Tlânghei nangni, ahei tik a raleichung inhmunhei nangni, Rōngpu ṭongnei hi rangei ruh! Rōngpu’n amihei kadōia ṭong aneia kae. Israel chunga masetna ahei rôn sik.

JOHN 8:55

Nangni’n ama lamanhret hêrmak chei, tâk ke’nchu kamanhret. Ke’n ama manhret mak eng kati’nchu, nangni kapōa malei kasei kachang sik eng. Tâk-kha ke’n ama kamanhret khana aṭong kajui.

ROMANHEI 1:28

Khava mihei khan akadik Pathen manhretna kha anmalung shunga andahnōm mak jâra, antatlo mak sik kha antlona sik Pathen in malung kaṭhamak kha apek jo hei kae.

CORINTHIANHEI INKHATNA 15:34

Malung dikna tinga he’nle ruh, khana setna hlam dahlon ruh. Hivahi nan-inzakna sik a kahri kae, ti chu nangni kâra mi ṭhahrep in Pathen manhret phâkmak cheia kae.

ṬONGPHÔNG 2:11

“Khava jâra, nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei khachu vōi 2 thina khan manrim nôk mak jo hei ning.

ṬONGPHÔNG 2:29

“Khava jâra nang in, kōr nanei inchu, Rathla’n bekrup-hei hnenga ahri kha rangei roh!