HOSEA 3:5 - LEKHARABU INTHENG (BSI)

⁵ Tâk-kha Israel mihe’n Rōngpu an-Pathen hneng, anrengpa David sōn hnenga avea anhei inhena pha kha anlanei sik. Khava pha Rōngpu kha anṭit sik jo,

HOSEA 3:5 ပူးပေါင်းရင်းမြစ်များ

RENGHEI INKHATNA 12:16

Reng khan mipuihei ṭong kha rangei mak ning ti anmanhret jo pha, anmani ka-ông heia, “David leh a-innshunga inphut inṭhen jo rih! Eini sik a heimo antatlo pek jo me? Israel mipuihei, inna inle jo rih! Rehoboam in abinga sik mandon jo rasoh!” anti. Khava jâra Israel mipuihei kha inphin jo hei,

ISAIAH 17:7

Khava kani kha ajōng tlung pha, mihe’n ankasyempa Israel Pathen intheng hneng inthōpuina sik anjōn sik.

ISAIAH 2:2

Akahong sik kani heia Bek-inn ngirna tlângbung kha tlâng rakip kâra a’nshângpen hongkachang sik, hmebung rakip amakhupet sik hei. Jât katamtak kahong inhlut sik hei,

ISAIAH 2:3

khana anmi he’n anhri sik, “Eini Rōngpu hmebunga son ketou rih; Israelhei Pathen Bek-inna son, ama’n amantlo hnōm me ṭōn kha amanthei sik me; ama’n akadei hlam a khan eini kalôn sik me. Ajârchu Jerusalema inphut Rōngpu mantheina kha kajōng; Ziona inphut amihei a’nbekpui hei.”

ISAIAH 60:5

Nang in hivahi nahmu sik a kha namalunga inpâkna kasip sik jo. Inpâk lôtna natak innokleo sik che. Jât-hei nei leh hao nahnenga anhongrôn manhlut sik; Tui-ôngpui rea inphut annei leh hao kha kahong sik.

ISAIAH 9:13

Israel mipuihei kha la’nsir mak hei; Chunghnung Rōngpu’n karâkna apek hei katlunga, ahnengting he’nle dekmak hei.

JEREMIAH 23:5

Rōngpu’n ahri, “David sōn mikadik inkhat reng sik a kakadeina sik pha kha kahong jo. Khava reng khan ram pumpui chunga kasing tak a akaṭha leh akadik vânga vai arôn sik kae.

JEREMIAH 30:9

Khava kanek a, ke’n reng inkhat a kamatung sik David sōn leh pâr he’n, Rōngpu an-Pathen, kei hi anrazen sik jo eng.

JEREMIAH 33:17

Rōngpu kei intep eng, ti chu Israel reng akachang sik a ahei tik a David sōn inkhat aka-om ṭhak sik kae

JEREMIAH 33:9

Jerusalem hi kei sik a, inpâkna, kajana khana inlensakna jōng sōkna kha akachang sik kae; khana Jerusalem mihei chunga ṭōn kaṭha katlohei khana khōpuia kamanhao hei kha anhmu pha raleichunga jât rakip in anṭit sik a kha innok sik hei.”

EZEKIEL 16:63

Nang in akadik mak natlo rakip karangei mandam sik che, tâk nang chu khahei rakip namandonsōt a inzakrei chea nabei kapha mahlang tor mak tin che.” Chunghnung Rōngpu’n ati jo.

EZEKIEL 38:16

Nang in kami Israelhei kha thlipui in ram chârna ajōngsem kapōa anchunga re natlo sik kae. Apha kha ahong tlung leh, jât he’n kei hi tu eng mo kae tia anmanhretna sik, khana nanga inphut ṭōn katlosōt sik heia inphut hin kei inthengna kha malârsōt theina sik a karam chunga re katlo sik a katir sik che kae.

EZEKIEL 38:8

Pha kasôttak sō leh mipuihei kha jât katamtak heia inphut kaheiṭhōi male hei pha, re leh sha ṭit lo hêra an-omna jo ram inkhat chunga ama’n abuhluna sik a ke’n ahnenga ṭong kapek sik. Ama’n Israel tlânghei, pha kasôttak ramkarōk a dahlon jo hei, tâk tûnchu mi rakip in kahōia an-omna jo kha re atlo sik.

DANIEL 10:14

Namihei chunga hnunga heimo ahong kasōk sik kha manthei che rong tia akahong eng kae. Hivahi hnunga ahong kasōk sik hmangtalâr kha kae.”

DANIEL 2:28

Tâk a’n-ip kaphôngsōt tor marvân Pathen inkhat ka-om. Ama’n Reng Kalûr nahnenga hnunga ahong kasōk sik kha ahri pek che kae. Tûn narahmang kha hripek che rong, khava najelaia rahmang kha.

HOSEA 1:11

Judah mi leh Israel mi lahong inchun sik hei. Anmani’n anhlam kakei sik inkhat anla kadei sik, khana vōi khat anmani’n anram shunga lahong kakhang sik hei khana lakahao sik heia kae. Kadik, Jezreel kani kha kani kalentak lahong kachang sik!

HOSEA 11:10

“Kami kadōihei hneng ke’n shabakkai kapōa ka’nhrung pha, kami he’n kakahnung anjui sik eng. Anmani tlaitlâk tinga inphut kahnenga inranga kahong sik hei.

HOSEA 5:15

“Kami he’n ansetna jâra katluk a khōdeng theina aneia kei annihei jongmak kârseng ke’n kadahlon sik hei. Ankhōdeng theina shunga kei annihong jong khâk sik eng.”

HOSEA 5:6

Anmani’n ansehei leh ankemōnghei Rōngpu hneng inthoina tōk sik a ankei hei, tâk khava khan akaṭha tlopek dekmak hei. Anmani’n ama hmutor mak hei ajârchu ama’n adahlon jo heia kae.

HOSEA 6:1

Mipui he’n anti, “Rōngpu hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

AMOS 9:11

Rōngpu’n ahri, “David rengram inn inset kapōa akatlu kha syem manṭhatna sik kani lakahong sik. Abanghei kasyem manther sik khana kamatung manther sik. Kasyem nôk sik, hmalaia kapōa kasyem nôk sik.

MICAH 4:1

Akahong sik kani heia Bek-inn ngirna tlâng kha tlâng rakip kâra a’nshângpen inkhat kachang sik. Jât katamtak hei khana khan hong katlân inhlut sik hei,

MIJAHEI 24:14

Balaam in Balak hneng ati, “Tûnchu kei kamihei hneng inle sik jo eng, tâk Israel in hnung leh namihei chunga heimo anta hongtlo sik kha kasemak hma kamanthei dek che kae.”

ROMANHEI 11:25

Kasōpuihei, nangni’n nantamanhret sik a kamadu akadik a’n-ip inkhat ka-om, ajârchu khava khan nan-insingsakna khana inphut ahrung sik chei. Khachu hi kae: Israel mihei malung kasak kha akasakthang sik changmak; tâk Pathen hneng Jât-hlop hei kakip a anhonghlut sō mak kârseng rōk sik kha kae.

ROMANHEI 2:4

Achangmak leh alungsetna akalen, amandona leh ade hratna hi heitea nasakmak leikachang thei. Pathen hi lungset kathem kae ti hi nang in inchêna namanhret ajârchu ama’n namalung thlengtheina sik a hlam akeitheina sik che ajonga kae.

DÂNRABU INHNINA 4:30

Nangni’n inrengna nanratō pha khana khan heirakip nanhnenga asōk pha, khava sōa rōk Rōngpu hneng hong inle sik chei khana aṭong nanhei jui sik.