HOSEA 3:4 - LEKHARABU INTHENG (BSI)

⁴ Hiva kapōhrep a Israel mihei kha reng leh hlamkakei kasea, inthoina tlo loa a-emak leh a’ntheng hlung kachohei neiloa, limsyemhei kasea a-emak leh tlâ sânna anhmang limhei kasea aka-om sik hei kae.

HOSEA 3:4 ပူးပေါင်းရင်းမြစ်များ

A’NPHUTNA 31:19

Laban kha kemōng sam kavo leikase, avōi kathi Rachel in apa innshung pathenhei kha aleimarûk heia kae.

A’NPHUTNA 31:34

Rachel in apa pathenhei kha aleiloa sharîngsei chunga in-ongna mârsha shunga athōn heia anchunga alei in-ongna jo hei. Laban in rabuk shung kha ajong tâk heite leihmu mak jo.

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

SAMUEL INHNINA 6:14

David kha, hruipōn innem akhōna asuia, ratha kahroktak a Rōngpu kajana kalâm jo.

RENGHEI INHNINA 23:24

Thempu Kalen Hilkiah’n Bek-inna atahmu sōt lekharabu a’nzet hei kha manse theina sik a Reng Josiah’n, Jerusalema leh Judah ram a kathi rathla kabe hei leh tla kasânhei, innshung pathen rakip leh limhei, khana khōvelhei takamuk neinâk rakip alosōt jo hei.

THUHMINGHEI INHNINA 15:2

khana ama’n Reng Asa hneng vakase. Ama abek a, “Reng Asa, Judah leh Benjamin mipuihei kaṭong hi rangei ruh! Nangni’n Rōngpu hneng nan-omlai seng, ama’n nangni a-ompui sik chei. Nangni’n ama nanjong inchu, amanhmu sik chei, tâk-kha nan-inhesōt inchu, ama’n adahlon sik chei.

SŌKSŌT 28:4

Syem sik hei kha manthei heiroh, ôm-mârsha inkhat, zakkō bong inkhat, zakkō inse inkhat, ret kabek inthlur zakkō inkhat, lukôm inkhat khana tumsui pōn inkhat. Anmani’n thempu kachang heia ani razen theina sik eng, nasōpui Aaron leh asapahei sik a thempuhei invonna hi antasyem pek sik hei kae.

SŌKSŌT 28:6

“Zakkō bong kha rahmurei, vapuirei, sahme kasen, sana pat leh hruipōn pat, khana limret mankopna vânga antasyem sik kae.

ṬAJAISUINA 2:9

Kekot kha akachok shunga katla inhlut jo, ankirna thirtlōn kha’m inbong pet jo. Rn leh mikalenhei tunchu miram a tirsōt kachang jo hei. Dân kha manthei mak jo hei, khana sânkathem he’n Rōngpu a inphut hmangtalâr hmu nôk mak jo hei.

EZEKIEL 19:14

Vomhrui kung kha hmei hong kasûk jo; hmei khan abâk leh akara hei aro manhmang jo. Abâk-hei kha ngartor hêrmak jo ning. renghei khōnghre changthei hêrmak jo hei ning. Hivahi inrengna hla kae; hivahi ave-avea ansak jo.

EZEKIEL 20:32

Thing leh hlung inmuk ram hlop a ka-om hei, jât-hlop hei kapōa om sik nanmalunga insyem chei. Tâk-kha khachu changthei hêrmak ning.

EZEKIEL 21:21

Babylon rengpa kha hlamsō 2 inbâkna ṭongmanthei târna khan kangir. Khonting mo se sik tia amandona athe kha akanok a kae; ama’n ama limhei kha ader hei; inthoina ran mathin kha a-enmansin a kae.

EZEKIEL 21:31

Kahnuk natna kha nanchunga hmei kasûk kapōa kahei masō pha nangni’n nanmanhret sik jo. Khana ke’n nangni mikathat-hei, suksetna akathemhei kut a kapek sōt sik chei.

DANIEL 11:31

Aremi ṭhahrep in Bek-inn ansukset sik. Anmani’n ani tina inthoinahei anmanbâng sik, khana ṭit ka-om tak omchen anmasō sik.

DANIEL 12:11

“Ani tina inthoina manbâng ninga inphut, Ṭit ka-om tak Inrimna pha khana inphut kani 1,290 kathleng sik.

DANIEL 9:27

Khava vaikarôn khan mi katamtak hei leh kum 7 inhnōmna kahnettak annei sik, khana hiva pha hi aṭimkhat a’nchai pha, ama’n inthoina leh tōkna man om mak jo ning. Ṭitpui inkhat Bek-inn inshângpen chunga anda sik khana khava kada mi kha Pathen in ama sik a amantluk pek achaina pha kha aratō mak kârseng khanga ka-om sik.”

HOSEA 13:10

Nangni’n reng leh hlamkakei neina sik a nander, tâk anmani’n jât kha heikhong mo antahuktor sik?

HOSEA 13:11

Kahnuknat pum a renghei kapek chei, kahnuknat pum a kalosōt nôk hei.

HOSEA 2:11

Ke’n amanu rehōi sâktlâng rakip, kum a leh thlatina khana Châmhngat kani nitna rōihei, beklanga intûpna rakip kamanbâng sik jo.

LEVI-DÂN 8:7

Khana ama’n Aaron kha zakkō leh zakkō inse amanhak, khōnkhit akhit pek. Zakkō bong amanhak, kaṭhatak a a’nkhông khōnkir hrui kha akir pek jo.

ZECHARIAH 10:2

Mihe’n limhei leh tla kasânhei hneng ṭong ander hei, tâk-kha masônna antahmu khachu maleisei ṭong leh aje omlo rōk kae. Mi ṭhahrep in rahmanghei anmalesōt, tâk hlamle rōk a anṭhōi chei, anmani lungngamna pekna chei kha heite hnemmak. Khava jâra mipuihei kha kemōng hlam invai kapōa kalôn jo hei. Anmani hlamkakei annei mak jâra inrengna anthōk jo.

ZECHARIAH 13:2

Khava pha, ram shunga inphut limsyem rahminghei kalosōtpet sik jo hei, tûte’num mandonsōt mak jo hei ning. Sânkathem eng kati mi kha ke’n donmak ning khana limhei kamukna malung kalosōt sik jo.

LUKE 21:24

Ṭhahrep chemjâm vâng anthat sik hei, khana ram rakip a sōk a ankei sik hei; anpha atluk mak kârseng Jât-hlop he’n Jerusalem kha antachōn rachi sik kae.

JOHN 19:15

Anmani’n ka-ông male heia, “That roh, that roh! Ama thingrakea hem mankop roh!” anti. Pilate in ader hei, “Nangni’n nanrengpa Thingrakea kahem mankop sik nanta madu mo?” Thempu kalenhei khan anmasôn, “Caesar rōk kha kanreng kae.”

HEBREWHEI 10:26

Ajârchu eini’n akadik kha nimanhretsō jo kahnunga, setmông rong tia niset injôn inchu, set inthengna sik abân inthoina om mak jo.

ṬONGKATANHEI 17:5

Hiva Micah hin ama binga kamukna hmun anei. Ama’n lim ṭhahrep leh thempu von, Zakkō bong asyema, asapahei kâra inkhat thempu amanchang.

ṬONGKATANHEI 18:14

Khava sōa Laish kimvea ram ka-en inthlip aleikase 5 hei khan anloihei hneng anti, “Hinahin innshung inkhat a thing vânga antasyem lim, dangka vânga a’ntōm, inkhat aka-om so nanmanhret mo? Khana khan limsyem ṭhahrep leh zakkō kabong um ka-omsa hei. Heikhonga mo tlo sik a nantamandon?”

ṬONGKATANHEI 8:27

Khava sanahei vâng khan Gideon in lim inkhat asyema akhōpui Ophrah intia anda jo. Israel mi rakip in Pathen andahlona khava hmun a kase heia limsyem kha anvakamuk jo. Khavakha Gideon leh a-innshung sik a chu chângkam inkhat jo kae.

SAMUEL INKHATNA 14:3

(Zakkō kabong kachoi thempu kha Ahijah kae, ama hi Ichabod naipa Ahitub sapa, ama hin Phinehas sapa khana Eli, Shiloa Rōngpu thempu, tupa kae.) Jonathan asesōt kha khanna ka-om mihe’n manhret mak hei.

SAMUEL INKHATNA 15:23

Ama inrepui hi, dôi kachoihei kapōa ṭhamak, khana êngset hi syemlim kamukna kapōa setna kae. Rōngpu ṭongpek nahlon sōt jâra, ama’n nareng changna alosōt pek jo che.”

SAMUEL INKHATNA 2:18

Khava lai khan Samuel naipang khan a’ntheng hruipōn zakkō kasei akeia, Rōngpu razenna aleitlo manjôn.

SAMUEL INKHATNA 21:9

Ahimelech in amasôn, “Elah Phaichama nang in naleithat Philisti mipa Goliath chemjâm kha kanei, zakkō katôi dana kahnungting pōn vânga a’nzea inda. Namadu’n chu inlo roh, hina aka-om hmangchâk chu kharōk kha kae.” David in ati, “Chu apek roh. Khona achang innum akaṭhachet chemjâm om mak!”

SAMUEL INKHATNA 22:18

Khava jâra Saul in Doeg hneng, “Nang in that hei roh!” ati–Deog in athatpet jo hei. Khava ning thempu von zakkō kabong invona rahōi kasōk thempu 85 athat hei.

SAMUEL INKHATNA 23:6

Ahimelech sapa Abiathar khan atlânsōt a khana Keilah a David hneng avahlut pha, thempu invona zakkō kabong kha ahei choia kae.

SAMUEL INKHATNA 23:9

Saul in ama chunga buhlu sik intluk jo ti kha David in athei pha, thempu Abiathar hneng ati, “Thempu von zakkō bong kha hin heichoi roh.”

SAMUEL INKHATNA 30:7

David in Ahimelech sapa Abiathar hneng ati, “Zakkō kabong kha heichoi roh,” khana Abiathar in ahei choi pek.