HOSEA 2:8 - LEKHARABU INTHENG (BSI)

⁸ Baal kamukna atahmang sâng, vomhrui ju, olive thai, khana sana dangka ahnenga akapek kha kei eng kae tia amanhret phâkmak.

HOSEA 2:8 ပူးပေါင်းရင်းမြစ်များ

THUHMINGHEI INKHATNA 29:16

O Rōngpu kan-Pathen, narahming kajana Bek-inn inkhat sakna sik a hiva karōihei hi keini’n kanhei choi mantûp, tâk hihei seng hi nanga inphut akajōng, nangta hei kae.

JOB LEKHARABU 19:8

Pathen in hlam kha akhâr jo, ke’n petan tor mak eng; kahlam hro kha amanthim pek jo eng.

ISAIAH 1:3

Se he’n ankapu anmanhret, shakōrtung he’n akapu’n phi apekna hmun amanhret. Kami Israel tamanhret kanek a antamanhret jo kae. Kamihei chu manhret ṭhak mak hei.

ISAIAH 46:6

Mihe’n ansêrkōk anmahlânga sana anbun mathlâk; anmani’n khartena vâng dangka kha akahrik ante. Anmani’n Sana kakheng mi inkhat pathen kasyem sik annek; khava sōa inkun heia ankamuk jo!

JEREMIAH 7:18

Naipang he’n thing anchom mantûp, pase he’n hmei ansêm, khana nuhmei he’n Marvân Rengnu antati pathennu sik a buhlom syemna sik a jâm ankahmet a kae. Kamalung mantônna sik a, anmani’n pathen hlop hei hnenga inthoina ju ansun mathlâk a kae.

EZEKIEL 23:41

Jekhum kaṭhatak chunga in-ong hei, mihei hmaikunga ke’n kaleipek hei marim katui leh olive thai kha inveina neinâk kaṭha kasiptak dokhânga anda a kae.

DANIEL 3:1

Rn Nebuchadnezzar in metre 27 inshâng khan chu metre 3 kapō avai, sana limsyem inkhat aleinei, hiva limsyem hi Babylon ramṭhen shunga aka-om Dura inti phaichama aleimatunga kae.

DANIEL 5:23

Marvân Rōngpu kadōia ṭōn natloa a-Bek-inna inphut kōkleihei kha nahei choi manhlut heia kae. Nang in nami kalen leh kahrânghei, nanuhmeihei, khana nanuhmei manbohei leh hiva kōkleihei vânga hin ju nan-inna, nang in khava pathen akahmu tor mak, akathei tor mak, khana heite inhret mak sana, dangka, sum-êng, thir, thing leh hlung vânga a’nsyem pathen kha nanmanpâk a kae. Tâk-kha nang natlona rakip ka-ensui, nathina leh nahringna katinta Pathen kha kajamak che.

HOSEA 10:1

Israelhei kha vomhrui kara katamtak inra rahōn ka-ang hei. Annei apung chenna maichâm ansyemsa chet-chet. Anram kara apung chenna, antakamuk anhlung chopuihei ansyem manṭhat chet-chet hei.

HOSEA 13:1

Hmalai khan, Ephraim phung in ṭong ahri’nchu, Israel jât-hlop he’n anṭit a kae; anmani’n inshângtak a anleilo. Tâk ami he’n Baal ankamuk a setna antlo jo, khava jâra akathi sik hei kae.

HOSEA 13:2

Anmani’n kamuk sik a thir vânga lim ansyema kae, dangka limhei, mihring mandonna hei leh mihring kut vânga ansyem heia kae. Khan chu anmani’n anti, “Khahei hnenga inthoina tōk ruh!” Heikhonga mo mi inkhat in amajôptor sik hei, khava sehratche limsyem mama kha!

HOSEA 4:11

Rōngpu’n ati, “Juther leh jumarō khan kamihei manhretna amanhmangsō jo!

HOSEA 8:4

“Kami he’n renghei ankadei, khavakha anrachama antatlo kae. Anhlam kakei ankadei hei, tâk kei hnōm pekna invei mak. Ansana leh dangka anloa limhei ansyem, anmani insuk inhmangna hrep sik kae.

HABAKKUK 1:16

Anmani’n nga surna len hei kapha ankamuk heia inthoina antōk hei, ajârchu annga surna len hei khan chen akaṭhapen rakip kha apek heia kae.

LUKE 15:13

Kani ṭhahrep sōa, naipangpa khan achen rakip kha a’njōra, sêr arôna, inn adahlon jo. Ram kahlatak a leikasea khana khan akanimak hringkhōa asêr kha ahmang sō jo.

ROMANHEI 1:28

Khava mihei khan akadik Pathen manhretna kha anmalung shunga andahnōm mak jâra, antatlo mak sik kha antlona sik Pathen in malung kaṭhamak kha apek jo hei kae.

DÂNRABU INHNINA 8:18

Nangni haona sik rathahrat nankapek khachu Rōngpu nan-Pathen kae ti hi mandon ruh. Ama’n hivahi atlopek chei ajârchu nanpu-nanpahei leh ale’ntepna kha tuning katlung ajuia kae.

ṬONGKATANHEI 9:27

Anmani vomhrui rahōnna kase heia thei anṭhōt a atui an-ep a revei anleihmang jo. An-pathen bek-inna kase heia ansâk an-ina Abimelech kha anhrimaset jo.