HOSEA 2:4 - LEKHARABU INTHENG (BSI)

^4-5 Asahei chunga lungsetna malârmak ning; anmani inzak inhret mak notinu sahei kae. Amanu khet in ahri, “Kalungset hei hneng kase sik eng, anmani’n thlai leh tui, shahmepōn leh hruipōn innem, olive thai khana vomhrui ju anpek eng.”

HOSEA 2:4 ပူးပေါင်းရင်းမြစ်များ

RENGHEI INHNINA 9:22

Joram in aleider, “Mōngna sik akahong che mo?” Jehu’n amasôn, “Heikhonga mo mōngna aka-om thei sik? Nanu Jezreel in aleiphut lim leh dôi insânna rakip nikâra a-omna shung senga hin?”

ISAIAH 27:11

Thing bâk-hei kha hong kachâra katlek jo hei, khana nuhmei he’n thing ti sik a anchom mantûp jo hei. Ajârchu mipui he’n heite manhret mak hei, ankasyem Pathen in lungset a rônmak hei ning khana maritna malârmak ning.

ISAIAH 50:1

Rōngpu’n ahri, “Mi inkhat in anuhmei ada kapōa, kamihei hi kei tahnong sōt hei kae tia nantamandon mo? Kha achang inchu, kadana hei lekha kha khomo? Mi inkhat in asahei sōk sik a ajōrsōt hei kapōa, rehringa sur sik a kajōrsōt cheia mo nantamandon? Changmak, nansetna jâra rehringa akase chei kae; nanṭhena jâra tirsōt akae chei kae.

ISAIAH 57:3

Nangni mikaset-hei, nanṭong tanna sik a hong ruh! Nangni dôi kachoi, mikajông leh notinu kanek a akaṭha changmak chei.

JEREMIAH 13:14

Khava pha ke’n anmani inkhat leh inkhat upa leh naipang ṭhenloa, bephu kapōa kavōk-khōi sik hei. Lungsetna, lungkhamna, khana maritna hei khan anmani that manramna kha akhartor mak ning.”

JEREMIAH 16:5

“Nang ṭajai suina inn inkhat a hlutmak roh. Tûte sik a namalung manrim mak roh. Kamihei chunga lungsetna, maritna khana lung mōngna inti kha manhmu mak jo hei ning.

EZEKIEL 23:25

Ajârchu nachunga kahnuk kana, anmani’n hnuknat pum a nang anrazen sik che. Nahnar antuktan sik, nahmit ankhersōt sik, khana nasahei anthat sik hei. Kadik, nasapahei leh nasanuhei nahnenga inphut anṭhōi sik hei khana hmeia hringpuma anro sik hei.

EZEKIEL 8:18

Anmani’n kahnuk natna rathahrat rakip anhmu sik. Ke’n anmani ṭhensōt mak hei ning khana lungsetna inkhatbek malârmak ning. Anmani’n antor chenna kare inrek a derna kahnenga annei sik, tâk ke’n rangei mak hei ning.”

EZEKIEL 9:10

Tâk-kha ke’n anchunga lungset rônmak hei ning; anmani’n mi hnenga antatlo hrep kha ke’n anchunga katlo sik.”

HOSEA 1:2

Rōngpu’n Hosea ahmanga Israelhei hneng hmapena ṭong ahrilai khan, ama’n Hosea hneng ahri, “Se ina nuhmei vanei roh; nanuhmei kha hlamrinthei changmak ning, khana asahei kha’m annu anpō sik. Kha leh in-anghrep a, kami he’n kei andahlon jo eng khana hlamrinthei changmak heia kae.”

HOSEA 1:6

Gomer in 2 tlukna nai anei, hichu nuhmeinai kae. Rōngpu’n Hosea hneng ahri, “‘Lungset mak nu’ tia phō roh, ajârchu Israel mihei chunga lungsetna ke’n malârsōt mak ning khana rangei mandam mak jo hei ning.

HOSEA 5:7

Anmani Rōngpu hneng taksenthei changmak hei; ansahei kha ama ta changmak jo hei. Khava jâra anmani leh anram inranga suk manram sik hei kae.

ZECHARIAH 1:12

Khava sōa ngeva khan ahri, “Chunghnung Rōngpu, nang Jerusalem leh Judah khōpuihei chunga tûn hi kum 70 nahnuk hongkana jo. Anmani chunga lungset maritna narôn sik pha kha heija mo alakasôt sik?”

JOHN 8:41

Nangni’n nanpa taleitlo kha nantatlo kae.” Anmani’n anmasôn, “Pa inkhat rōk kannei, khachu Pathen khet kha kae, keini asa kadiktak ung kae.”

ROMANHEI 11:22

Hinahin eini’n Pathen kha heituk a lungsetna anei khana heituk a kakhôk mo ti nihmusōt a kae. A’npai inthlûk hei chunga khôk sakna anei; tâk nangni alungsetna shunga nan-om ṭhak inchu, alungset ṭhak sik chei. Tâk-kha khanga achangmak inchu, nangni’m amathlek sik cheia kae.

ROMANHEI 9:18

Khava jâra Pathen in amadudu chunga lungset maritna aneia, racham kase amanchang hnō-hnōm kha racham kasea asyem kae.

JAMES 2:13

Ajârchu maritna kaneimak mi kha Pathen in aṭong atan pha marit a tlomak ning; tâk maritna khan ṭong tanna kha ator.