HOSEA 2:3 - LEKHARABU INTHENG (BSI)

³ Ama’n abângmak inchu ajōng intet ninga kapōa akarōkpet a kada sik kae. Ama kha ram kachâr heite keklo inkhat kapōa kaman om sik, tui kahrea kathi sik.

HOSEA 2:3 ပူးပေါင်းရင်းမြစ်များ

SŌKSŌT 17:3

Tâk-kha mipuihei antui ahre rei jâra Moses anmaset ṭhak a kae. Anmani’n, “Heisa mo keini Egypt a inphut nahong ṭhōisōt ung? Keini, kansa leh kanranhei tuihrea thatna sik a mo kae?” anti.

ISAIAH 33:9

Ramhei thlō loa ka-om khana indahlon jo hei. Lebanon ratua thing kachâr jo hei, Sharon ralei thai tamna phaicham nêrdiram ka-ang jo, Bashan leh Carmel Tlânga thingkunga inphut anbō kaṭi jo hei.

ISAIAH 47:3

Mihe’n karōk pet a na-om kha anhmu sik; anmani’n nang sukman hnemna leh inzak nachen kha anhmu sik. Ke’n phu kahlō sik, tûte’n akhâm mak ning.”

ISAIAH 64:10

Nakhōpui intheng hei kha nêrdiramhâng ka-ang jo hei; Jerusalem kha dahlona a’nsetsō kachang jo,

JEREMIAH 12:10

Ram hlop a vaikarôn katamtak he’n kavomhrui rahōn ansuksetsō jo; anmani’n kahlei kha anchōn rachi jo; kamaner ram kha nêrdiram anmanchang jo.

JEREMIAH 13:22

Heisa mo hiva rakip hi nahnenga ajōng kasōk, heisa mo napōnsi hei a’nhlersō, heisa mo mi’n rumhrat a antasetpui che tia derna nanei inchu-nasetna kha ṭit ka-om tak achang jo jâra kae.

JEREMIAH 13:26

Rōngpu ama khet in nan-inzakna sik, nanpōn nander asōtpek sik chei.

JEREMIAH 14:3

Mikanei he’n ansōk hei tui kajong sik antir hei, anmani tuikhura kase hei, tâk-kha tui hmumak hei; anmani antuibe karōk a he’nle hei. Katlasam hei inhmak hei, anhmai anmakhua ka-om hei.

JEREMIAH 17:6

Ama kha nêrdiram a kahar bur, ramhâng kachâr hmun a akakek, heite kekmakna chi tamna raleichunga aka-om kapō kha kae.

JEREMIAH 2:31

Israel mihei, kaṭong hri hi rangei ruh. Kei hi nanhnenga nêrdiram kapō, a’nthim leh thinathei ram kapō kha akachang jo eng mo? Kha achang inchu heijâra mo nangni’n nanracham hrep a nanchônna sik leh kei hnenga nanhong inle hêrmakna sik a nanta hri jo?

JEREMIAH 2:6

Ke’n anmani Egypt a inphut kahuksōt heia, nêrdiram thōia: nêrdi leh khur kōk omna ram, ram chârna leh thitheina ram, khana mihring tûte omakna hmun, khana tûte lônlele makna sik ram a khan kaṭhōisōt he’num anmani’n heitea asakmak hei.

JEREMIAH 22:6

“Kei hnenga chu Judah reng-innpui hi Gilead kapōhrep a khana Lebanon tlânghei kapōhrep a akaṭha kae, tâk hiva hmun hi akarōksai, tûte omakna kamanchang sik kae.

JEREMIAH 4:26

Rōngpu hnuknat a’nhnakrei jâra ram kaṭha kha nêrdiram kachang jo; akhōpuihei kha inhmangsō jo hei. (

JEREMIAH 51:43

Khōpuihei kha hmit ena enngam om mak, tui om makna ram kachi tûte om makna, mihring inlôn phung makna hmun anpō jo.

JEREMIAH 51:5

Israelhei A’ntheng Inkhat, kei dōina Israel leh Judah he’n antlo jo’num Chunghnung Rōngpu Pathen ke’n dahlon mak hei ning!

EZEKIEL 16:22

Noti nachangna mater ka-om tak nahringkhō shunga vōi khatbek um nanaipang changlai kha mandonsōt mak che, pōn na’nveimak leh nathisen kâra a’nlet vângvei che kha.”

EZEKIEL 19:13

Tûnchu hivahi nêrdiram a anling jo, ram chârna leh tui omakna ram a.

HOSEA 13:15

Pengkung kapōa Israel in akhângsōt inum, nêrdiram a inphut nisō thli kalum kahei tir sik, antuipût leh antuikhur amanchârsō sik hei. Mankatam rakip alosōtsō sik hei.

HOSEA 2:10

A’ndupui hei hmaikunga apōnvei, apōnsi kahlikpek pet a kada sik, khana tûte’num karatha neina inphut ama kha huksōt tor mak hei ning.

ṬONGPHÔNG 17:16

Nang in nahmu raki 10 leh ranhring khan, notinu kha anmater sik; anmani’n anei rakip kha anchômsōt sik a kha akarōk a anda sik; khan chu anmani’n aravōi ansâk sik a kha hmei vâng anro manhmang sik jo.

ṬONGKATANHEI 15:18

Hivasōa, Samson atui kahre hêr jo, ama’n Rōngpu hneng ader, “Nang in hiva torna kalentak hi napek enga, tûn tuihre dang kachâra akathi sik jo eng mo, bekna kaneimak Philisti he’n antasur sik jo eng mo?”