HOSEA 2:23 - LEKHARABU INTHENG (BSI)

²³ Ram a khan kamihei kaphunsōt sik hei khana kamannei kamanhao sik hei. Ke’n “Lungset lo,” inti hei hneng khana, “Kami changlo,” inti hei hneng lungsetna kamalâr sik. Ke’n, “Nangni kami chei kae,” kati sik, khana anmani’n anmasôn sik eng, “Nang kan-Pathen che kae,” anti sik eng.

HOSEA 2:23 ပူးပေါင်းရင်းမြစ်များ

HLAHEI 118:28

Nang ka-Pathen che kae, ke’n manpâkna kapek che; nalenna kha kahri manthang sik.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 68:31

Egypt a inphut palai kahong sik hei; Ethiopia mihei Pathen derna ankut anhong mado sik.

HLAHEI 72:16

Aram shunga khan sâng leh be siptak rasoh; Lebanon ram kara kaṭha kapōa, hmebunghei kha sâng leh be’n makhu rasoh. Hleia kahar kahmông kapōa, akhōpui shung kha mihe’n siptak hei rasoh.

HLAHEI HLA 2:16

Kalungdipa kha keita kae, khana kei hi ama ta eng kae. Ama’n kemōnghei kha lily reipâr hei kâra avei hei

ISAIAH 44:5

“Inkhat khat a, mihe’n anhri sik, ‘Kei Rōngpu eng kae,’ tia. Anmani Israel mipui leh injom sik a kahong sik hei. Anmani inkhat et in anbâna Rōngpu rahming anmazet sik khana anbinga Pathen mi inti sik hei.”

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 31:27

“Rōngpu ke’n kahri kae, Judah ram leh Israel ram kha mi leh sha kamansip phetna sik pha kha kahong sik.

JEREMIAH 32:38

Khava pha anmani kami kachang sik hei, kei an-Pathen kachang sik eng.

JEREMIAH 33:26

Khana khavahei kha sôilo jen a katlosōt kapōa, kasōk Jacob sōn leh pârhei hneng khana kasōk David hnenga ka ṭongtep kha kamathlung nger sik kae. Ke’n Abraham, Isaac khana Jacob sōn leh pârhei chunga vai karôn sik David sōna inphut mi inkhat kakadei sik kae. Ke’n kamihei chunga lungset maritna kanei sik khana akanei akahao kamanchang nôk sik heia kae.”

EZEKIEL 36:29

Nangni inbōknathei rakip a inphut kahuk sik chei. Hmuchihei kara katluk a an-in rana sik, vonṭâm nande hêrmakna sik hmuchi hnenga ṭong kapek sik.

HOSEA 1:6

Gomer in 2 tlukna nai anei, hichu nuhmeinai kae. Rōngpu’n Hosea hneng ahri, “‘Lungset mak nu’ tia phō roh, ajârchu Israel mihei chunga lungsetna ke’n malârsōt mak ning khana rangei mandam mak jo hei ning.

HOSEA 8:2

Anmani’n kei hi an-Pathen anti enga khana kamia an-oma, kanmanhret che anti eng innum,

ZECHARIAH 10:9

Ke’n anmani jât-hei kâra kachai kathek jo he’num, ram kahlatak a inphut anhei mandonsōt sik eng. Anmani leh ansahei kahring sik hei, khana inna inlesap sik hei.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

ZECHARIAH 14:16

Khava pha, Jerusalem chunga re aleikatlo jât-hei alakahring seng he’n kumtin a khana khan Rōngpu kamukna sik leh Rabuk Kût nitna sik a kase sik hei.

ZECHARIAH 14:9

Khava sōa Rōngpu kha raleichung pumpuia reng kachang sik jo; mi rakip in ama kha Pathen kapōa ankamuk sik jo, khana rahming inkhat rōk a manhretna annei sik jo.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

ROMANHEI 3:29

Achangmak leh Pathen hi Jehudihei rōk Pathen akachang mo? Jât-hlop hei sik Pathen kha changmak jo mo? Akachang tlit kae.

JAMES 1:1

Rōngpu Jesu Christa leh Pathen sōk James a inphut: Vânhnōi raleichunga inchek-chaia ka-om Pathen mi rakip hneng chibei kahei tlochei.