HOSEA 2:20 - LEKHARABU INTHENG (BSI)

²⁰ Kaṭong tepna kajui sik, kata kamanchang sik che, nang in Rōngpu tia nahnōm sik eng.

HOSEA 2:20 ပူးပေါင်းရင်းမြစ်များ

A’NPHUTNA 9:10

hivahi akahring rakip, va rakip leh sha rakip, rakōnga inphut nang leh nahong sōkpui rakip hei leh intepna jo kae.

ISAIAH 2:4

Ama’n jât kalenhei kâra innâkna ṭong atanpek sik hei. Anmani’n anchemjâm hei kha lôngkhuma ankheng sik hei khan chu ankasei hei kha thing bâk thlâkna chemcha a ankheng sik hei. Jât-hei kha re katuk se nôk hêrmak jo hei ning, re tlona sik a intluk hêrmak jo hei ning.

ISAIAH 62:4

Nang hi “Hlonsōt” inti nôk mak jo tin, Achangmak leh naram kha “Dahlon nuhmei” inti mak jo ning. Narahming ther hi, “Pathen Malung Tlainanu” inti sik. Naram hi “Inpâktak a Lu kahông” inti sik. Ajârchu Rōngpu’n nachunga amalung katlai, Khana ama naram sik a apuise kapō kachang sik jo.

JEREMIAH 24:7

Anmani’n kei hi Rōngpu eng kae tia manhret hnōmna malung kha kamannei sik hei. Khana anmani kami kachang sik hei, khana kei anmani Pathen kachang sik eng, ajârchu anmani’n anmalung pumpuia kahnenga hong inle sik jo heia kae.

JEREMIAH 30:10

“Kamihei, ṭimak ruh; Israel mihei, inpir mak ruh. Khava ram kahlatak a inphut kurkhum a nan-omna inphut kahuksōt sik chei. Nangni inna hong inle sik cheia kha kamōnga ka-om sik chei; nangni inhuk sik chei tûte’n maṭhitmak chei ning.

JEREMIAH 32:41

Ke’n anmani sik ṭhatchômna tlona khan kahōi kasak sik, hiva ram a hin an-omthangna sik kaphunsōt sik jo hei.

JEREMIAH 9:24

Mi inkhat in a’nlensak hnōm inchu, anmani’n kei hi amanhretna eng leh kaṭong hri alothei jâra a’nlensak sik kae, ajârchu kei lungsetna chu inthlengtik neimak, khana akadik kha ke’n katloa kae. Hivahei hin kamalung anmantlaia kae. Rōngpu ke’n kahri jo kae.”

EZEKIEL 16:62

Nang leh ni-intepna kha kamanther sik, khana nang in Rōngpu kachangna hi nahong manhret sik.

EZEKIEL 16:8

“Nahneng kahei hro nôk pha, nang sik a mi leh induna pha hong katlung jo. Ke’n kazakkō kasei vâng kamakhu chea kalungset sik che tia intep eng. Kadik, nang leh luhông sik a intepna kanei, khana nang keita hongkachang che.” Hivahi Chunghnung Rōngpu tahri kae.

EZEKIEL 34:25

Anmani inhrung theina sik a ke’n anmani leh intepna kanei sik. Kakemōng he’n kahōia hleipuk a leh ratu shunga anje theina sik a ram shunga thinathei ramsha rakip kalosōt sik hei.

EZEKIEL 34:27

Thingkung he’n kara annei sik, hleipuk he’n hmuchi anpek sik, khana mi rakip anram et a kahōia ka-om sik hei. Kamihei thirhrui kavōktan pha anmani sōk changna inphut kamasō hei pha, anmani’n kei hi Rōngpu eng kae tia anmanhret sik eng.

EZEKIEL 38:23

Hing’hin jât rakip hei hneng kei hi kalen eng khana intheng eng ti hi kamalâr sik kae. Kei hi Rōngpu eng kae tia anmanhret sik jo eng.”

HOSEA 13:4

Rōngpu’n ati, “Egypt a inphut nahong kaṭhōisōt Rōngpu na-Pathen kha kei eng kae. Kei tei loa Pathen lak neimak che. Nang kahuk chu kei rōk eng kae.

HOSEA 2:19

Israel, kanuhmei kamanchang sik che; kei akadik leh taksenthei kachang sik eng; akahnet lungset leh maritna kha kamanhmu sik che khana ahei tik a kata kamanchang sik jo che.

HOSEA 6:6

Nanlungset inhling mak kha kamadu, nanran inthoinahei kha changmak. Kahnenga ran ro-inthoina kanek a kami he’n kei anmanhretna eng kha kamadu jôk.

LEVI-DÂN 26:5

Nanhmuchi khangtuk hrep katam sik nanvomhrui ṭhōt pha ahongtluk katlunga sâng nanla khôm sik, khana sachi vorpha ahongtluk katlunga vomhrui kara nanlaṭhōt sik. Nantasâk hnōm chenna nannei sik, nanrama kahōia ka-om sik chei.

LEVI-DÂN 26:6

“Nanrama mōngna kapek sik chei, khana heite ṭitna neiloa kaje tor sik chei. Akakhôk ranhei kha ram shunga man om mak jo hei ning, khana re sōk nôk mak jo ning.

MICAH 4:3

Ama’n hmun akahla leh akahnaia ratha kaneihei kâra innâk-insena ṭong atanpek sik hei. Anchemjâm hei lângkôn lôngkhuma ankheng sik ankasei hei theikung bâk manhlingna chemcha a ankheng sik hei. Jât he’n rea sehêr mak hei ning, re tlona sik intluk hêrmak jo hei ning.

ZECHARIAH 9:10

Rōngpu’n ahri, “Israel heia inphut re shakor gâri kha kalosōt sik jo khana Jerusalema inphut Shakor kalosōt sik jo; re tlona saihei kasuk manhmang sik jo. Narengpa khan jât-hei kâra intōk inchamna ajōng rôn sik jo; ama’n tuipui inkhat a inphut inkhat a vai arôn sik, Ephrath tuidunga inphut raleichung inchaina katlung.”

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 17:3

Khana kumsôt hringna ti hi chu nang, akadik Pathen inkhat rōk, manhret hi leh najōngtir Jesu Christa manhret hi kae.

JOHN 8:55

Nangni’n ama lamanhret hêrmak chei, tâk ke’nchu kamanhret. Ke’n ama manhret mak eng kati’nchu, nangni kapōa malei kasei kachang sik eng. Tâk-kha ke’n ama kamanhret khana aṭong kajui.

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

PHILIPPIANHEI 3:8

Khavahei rōk kha’m changmak; ka-Rōngpu Jesu Christa manhretna kha aman atamchet jâra, khahei rakip kha hnemna kase kamanchang pet jo hei. Ama jâra heirakip kahlonsōt pet jo; Christa kha kachen theina sik a leh

COLOSSIANHEI 1:10

Khana inphut ahei tik a Rōngpu malung tlaina ṭōn nantlo sik khana alungdo dungjuia kahringthei sik jo chei. Khana Pathen manhretnating kakhang sik chei khana nanhringkhōa ṭōn kaṭha rakip kara kanei kachang sik jo chei.

TIMOTHY INHNINA 1:12

khava sik jâra ke’n khōdeng kathei kae. Tâk-kha tûn katlung kei inngamna kanei, ajârchu ke’n kataksen ama kha kamanhret, khana ama’n kei amannganna eng Kani kha ajōng tlung mak kârseng ama’n kei ahuk tor eng ti hi kamanhret manchên.

HEBREWHEI 8:11

Tûte’num aram a ami changpui hei hneng manthei mak jo ning, ‘Rōngpu manhret roh,’ tia anrama ami changpui hei hneng hrimak jo ning. Ajârchu akasin pena inphut akalenpen katlunga antamanhret sōpet sik jo eng kae.

JOHN INKHATNA 4:6

Tâk-kha eini chu Pathen ta me kae. Tu achang inum Pathen tahei khan niṭong anrangei. Hina inphut eini’n Rathla kadik leh akadik mak manhretṭhen torna kha nihritor.

JOHN INKHATNA 5:20

Eini’n akadik Pathen kha nimanhretna sik, Pathen Sapa kha kajōnga manhret theina apek jo me ti hi eini’n nimanhret. Asapa Jesu Christa leh inchunna shunga, Pathen kadik leh inchun a eini akahring me kae. Hivahi Pathen kadik kha kae, khana kumsôt hringna kha kae.