HOSEA 2:2 - LEKHARABU INTHENG (BSI)

² Kasahei, ama kanuhmei achangmak jo’num, khana kei apuise kachangmak jo’num, nannu kha hripek ruh. Ajôngna leh anoti changna kha abângna sik jôr ruh.

HOSEA 2:2 ပူးပေါင်းရင်းမြစ်များ

ISAIAH 11:12

Ralei rakir manlia ami Israelhei leh Judah mi a’nchek a ka-om hei kha avea aheiṭhōi mantûp sik hei kha Rōngpu’n jât-hei hmun a sik chîkna pōnlek inkhat atârsōt sik.

ISAIAH 50:1

Rōngpu’n ahri, “Mi inkhat in anuhmei ada kapōa, kamihei hi kei tahnong sōt hei kae tia nantamandon mo? Kha achang inchu, kadana hei lekha kha khomo? Mi inkhat in asahei sōk sik a ajōrsōt hei kapōa, rehringa sur sik a kajōrsōt cheia mo nantamandon? Changmak, nansetna jâra rehringa akase chei kae; nanṭhena jâra tirsōt akae chei kae.

ISAIAH 58:1

Rōngpu’n ati, “Nator chenna ông roh; kami Israelhei kha ansetna chungchânga manthei hei roh.

JEREMIAH 19:3

Rōngpu’n kahri sik kha amanthei eng, “Judah renghei khana Jerusalem mihei, Chunghnung Rōngpu, Israel Pathen ke’n heimo kahri sik hi rangei ruh! Ke’n hiva hmun a khōdeng theina kamasō sik kae, khava ṭong kathei rakip inhmakban sik hei.

JEREMIAH 2:2

Jerusalema ka-om mi rakip hnenga hiva ṭong hi vaphôngsōtna sik a amanthei eng. “Ke’n kamandonsōt, nakhangdông changlai heituk-hrep a taksenthei aleikachang che mo, niluhông bilai khan chu heituk-hrep a nalungset eng mo; Nêrdiram a, heite kekmakna ram a khan naleijui eng.

JEREMIAH 3:1

Rōngpu’n ati, “Pase inkhat in anuhmei a’nṭhenpui joa, khana amanu khan pase hlop inkhat lômnu avachang jo’nchu, avea ompui theimak jo ning. Hivahin ram kha amanbōk sik kae. Tâk-kha, Israel, nang chu indupui katamtak nanei jo hei sōa, tûnchu kahnenga hong inle hnōm jo che!

JEREMIAH 3:13

Nang in naṭhe jo khana Rōngpu na-Pathen navadōi jo ti rōk kha hnōm roh. Thingbur in-êm rakip thōia pathen hlop hei hneng nalungsetna kha napek jo hei khana kei ṭongpek juimak jo che ti hi hrisōt roh. Rōngpu ke’n kahri jo kae.

JEREMIAH 3:18

Israel in Judah leh inchun sik hei khana sak tinga ka-om ram a rehringa keina inphut kahong sik hei, khana nanpu sōnhei hneng ahei tik a ankarōi sik a kaleipek jo hei ram a khan hong inle sik hei.”

EZEKIEL 16:20

“Khan chu kei sanu leh sapa namatet pek eng hei kha nang in limhei hneng inthoina natōksōt hei. Kei hnenga taksenthei nachang makna hi ṭhatmak akatluk set kha changmak ning mo

EZEKIEL 16:25

Nahme ṭhatna kha dôp shunga na’nbepui. Hlam kahro rakip hnenga nataksa inpek sōt che khana ani tina noti omchen natlosa chet-chet a kae.

EZEKIEL 20:4

“Akathithei mihring, nang in anmani chunga ṭong tanna sik a’ntluk che mo? Khan chu khanga tlo jo roh. Anpu anpa he’n mater ka-om ṭōnse antatlo hei kha anmandonsōtna sik tlo roh.

EZEKIEL 23:43

Khana kabinga kahri, mi puise leh akajông joa akaṭōiber jo nuhmei so notia anmani’n anhmang jo,

EZEKIEL 23:45

Mikadik he’n anmani anjôngna leh mi anthatna jâra andem sik hei, ajârchu mi puise an-indupui hei khana ankut thisen kakop heia kae.”

HOSEA 1:2

Rōngpu’n Hosea ahmanga Israelhei hneng hmapena ṭong ahrilai khan, ama’n Hosea hneng ahri, “Se ina nuhmei vanei roh; nanuhmei kha hlamrinthei changmak ning, khana asahei kha’m annu anpō sik. Kha leh in-anghrep a, kami he’n kei andahlon jo eng khana hlamrinthei changmak heia kae.”

HOSEA 2:1

Khava jâra na-Israel changpui hei kha, “Pathen mihei” leh “Rōngpu talungset hei,” ti jo hei roh.

HOSEA 4:5

Sûn leh jân akae makjen nantloṭhak, khana sânkathemhei khan nangni kanek a akaṭha tlodek mak hei. Ke’n nannu Israel kha kasuk manhmang sik.

MICAH 2:13

Pathen in anmani sik hlam amahlâng pek sik hei khana rehring sura an-omna inphut aheiṭhōisōt sik hei. Anmani khōpui kot khâr kha anvōkkhōia kasōksōt sik hei. Anrengpa, Rōngpu khet in aṭhōisōt sik hei.

CORINTHIANHEI INHNINA 5:16

Kha achang jâra keini’n tûte inkhat mihring taksa lang tinga mandon mak jo ung. Pha khat a Christa kapha kha’m taksa ralei ngaia kanleimandon, tâk tûnchu mandon mak jo ung.