HOSEA 2:13 - LEKHARABU INTHENG (BSI)

¹³ Ama’n kei amahngi enga Baal hneng marim katui aro khana sanaret a’nvona a’ndupui hei ahnong heia pha amanhmang jâra khan karâkna kapek sik kae. Rōngpu’n ahri jo.

HOSEA 2:13 ပူးပေါင်းရင်းမြစ်များ

RENGHEI INHNINA 1:2

Rn Ahaziah kha Samaria areng-innpui chungden a inphut heikatla a rahnaktak a intôn a kae. Khava jâra ama’n Philisti khōpui Ekron hei Pathen Baalzebub hneng ama akadam sik mo, akadam mak sik mo, tia akader sik a mi atir hei.

RENGHEI INHNINA 10:28

Khang’khan Jehu’n Israel ram shunga Baal kamukna kha alosōtpet a kae.

RENGHEI INHNINA 21:3

Apa Hezekiah in atasuk manhmang limsyem kamukna hei kha ama’n asak nôk heia kae; Baal kamukna maichâm asyem hei khana Ahab taleitlo kapōa Asherah, intinu lim inkhat um aleisyem. Manasseh’n marvân ârsihei um aleikamuk a kae.

JOB LEKHARABU 8:13

Pathen inhret mak hei kha khava peng kapō hei kae; vōi khat Pathen anmahngi jo’nchu an-inhōrna kha katlangsō jo.

HLAHEI 106:13

Tâk-kha aṭōn leitlo kha inrangtak a anleimahngia, ama mansena hngâk lo jen a le’nhling jo hei.

HLAHEI 106:21

Aratha neina vâng Egypt ram anhei kahukpa Pathen kha anleimahngi jo.

HLAHEI 78:11

Aṭōn leitlo hei khana aṭōn inlak leitlo hei antahmu kha anmahngi jo.

SŌKSŌT 32:34

Tûnchu se roh, kaleihri pek che ramting khan mipuihei hi ṭhōi hei roh. Kangeva’n nang hlam akei sik che mahngi mak roh, tâk mikaset-hei kha karâkna kapekna sik pha lakahong sik.”

ISAIAH 17:10

Israel, hlungpui kahrattak kapōa nakahuksōt leh nakahrung Pathen kha namahngi jo. Khava kanek a, ram hlop hei pathen kamukna sik a rahōn inthenga thingkung naling jo.

ISAIAH 65:7

ansetna jâra leh anpu anpahei set leitlo jâra. Anmani’n khōvelhei tlânga kamukna heia marim katui anroa kei anhrimaset eng. Khava jâra anmani hmalaia omchen leitlona dungjuia karâkna kapek sik hei kae.”

JEREMIAH 11:13

Judah mihe’n khōpui antanei kapō jahrep a pathen annei heia kae, khana Jerusalema aka-om mihe’n khōpui shunga hlamdung aka-om jahrep a mater ka-om Baal pathen hnenga inthoina sik a maichâm ansyemsōt a kae.

JEREMIAH 18:15

A-e ravâng, kami he’nchu anmahngi jo eng; milimhei hnenga marim katui anro mankhut a kae. Ansena sik hlam a inpai inthlûk jo hei; hlam marō kha hromak jo hei, anmani’n kebi inhmulo hlam anhro jo.

JEREMIAH 2:32

Nuhngâk inkhat in aret rangkachek achangmak leh hmōi inkhat in luhôngna ret amahngi tor mo? Tâk-kha kami he’nchu tei torlo kania inphut anhei mahngi jo eng.

JEREMIAH 23:2

Amihei ka-ensui ankatinta sik rahōi kasōk vaikarônhei chungchânga, Israel Rōngpu Pathen khan ahri kha hi kae: “Nangni’n kamihei, tinta mak chei; nanhnong kachek heia, nanchai dâk jo hei. Hiva ṭhatmak nantlo jâra tûn ke’n karâkna kapek sik chei kae.

JEREMIAH 7:34

Ram kha nêrdiram hongkachang sik. Judah khōpuihei leh Jerusalem hlamdunga, inpâkna leh hōina khana hmōiṭhōi rehōi rasa kamanbâng sik jo hei.

JEREMIAH 7:9

Nangni’n nanmaruk, mi nantha, kajông chei, inhâksêr cheia maleisei nanhri, Baal hneng inthoina nantōk, khana nanta leimanhret phungmak pathenhei nankamuk heia kae.

ṬAJAISUINA 1:4

A’ntheng kani heia Bek-inna kamukna sik a tûte hongmak hei. Tûte inkhatbek hongmak jo hei. Khava khana hlakasak nuhngâk he’m inrim hei, khana thempu he’m kaṭap hei, khana khōpui kekot-hei kha karōk pet a kangir, khana Zion inrengna athōk jo.

ṬAJAISUINA 5:14

Katerhei kha khōpui kekot a intung phungmak jo hei, khana rether he’n hla sakmak jo hei.

EZEKIEL 16:12

nahnara hnarton, nakōr a kōrton, nalua lukhu kaṭhatak kamankhu che.

EZEKIEL 16:17

Ke’n kapek che sana dangkahei kha nalosōt a pase lim nasyema khavahei kha leh kajông ri chea kae.

EZEKIEL 22:12

Nanmi ṭhahrep in sêr pek a mikathat ka-om chei. Ṭhahrep in ansōpui Israelhei hnenga sêrpûk masōa sêrthōi kalo khana anmani heia inphut hnemna jonga mikahao ka-om jo chei. Anmani’n kei anmahngi jo eng.” Chunghnung Rōngpu’n ati jo.

EZEKIEL 23:35

Tûnchu hivahi Chunghnung Rōngpu’n ahri kha kae: “Nang in namahngi enga nakahnung nasongṭhlōn eng jâra, nang maduna jâra leh noti nachang jâra inreng nade sik kae.”

HOSEA 11:2

Tâk-kha ke’n ama kabek chenna, kahnenga inphut katlânsōt chet a kae. Kami he’n Baal hneng inṭhōi hei, anmani’n limsyem hneng marim katui anro.

HOSEA 13:1

Hmalai khan, Ephraim phung in ṭong ahri’nchu, Israel jât-hlop he’n anṭit a kae; anmani’n inshângtak a anleilo. Tâk ami he’n Baal ankamuk a setna antlo jo, khava jâra akathi sik hei kae.

HOSEA 13:6

Tâk-kha nang in ram kahōi naheihlut pha chu pui katluk set jo chea katlai jo che, khana inlensak jo chea namahngi jo eng.

HOSEA 2:7

Ama’n a’ndupui hei kahnung ajui sik, tâk ama’n surtor mak hei ning. Ama’n anmani a-enlele sik hei kha’num hmuphâk mak hei ning. Khava pha ama’n ahri sik, “Kei kapuise hma inkeipa hneng inle sik eng, tuna ka-om kanek a ama leh kanleiom lai kaṭhachet a kae.”

HOSEA 4:13

Tlâng hmora hmun intheng heia inthoina antōk a kae, khana hmebung heia thingkung inshâng leh akalenhei hnōia marim katui anro hei, ajârchu thing daihlim kha kahōia kae! “Khava jâra, nansa nuhmei rakip in noti ṭōn antlo, nanhmōi he’n kajông heia kae.

HOSEA 4:6

Kami he’n anhnōm mak eng jâra inhmang jo hei. Nangni thempu chei in kei ahnōm mak chei khana kaman theina chei rahlâng mak chei, khava jâra ke’n kahlonsōt jo chei khana nansahei leh kathempuhei kha kahlonsōt heia kae.

HOSEA 8:14

“Israel he’n reng-innpui ansak hei, tâk ankasyem khet khachu anmahngi joa kae. Judah he’n khōpui rekur ansak hei. Tâk-kha anreng-innpui leh ankhōpuihei ro mankângna sik a hmei kajōngtir sik.”

HOSEA 9:7

Mihei khan anrahōi kasōk karâkna anrahlângna sik pha kha kahong jo. Khavakha ahong tlung pha, Israel in amanhret sik! Nang in nati, “Hiva Sânkathem hi mikamo kae. Hivahin mihe’n invetna annei jo.” Mipui nangni’n hingtuk hrep nanmater eng ajârchu nansetna kha khang hrep a kalen jo.

AMOS 8:10

Nanrehōi hei kha kathi hrena kamanchang sik, nan-inpâkna hlahei kha inrengna leh ṭapna kamanchang sik. Nanlu kamankek sik, borapōn kamansi sik chei, khana ansanei inkhat rōk thina ṭajai kasui nu leh pahei kapōa kamanchang sik chei. Achaina kani kha inrengna kachang sik.

DÂNRABU INHNINA 32:18

Anmani hringkhō kapek ratha kanei ankahuksōtpa, an-Pathen kha anmahngi jo.

DÂNRABU INHNINA 6:12

Nansōk changna Egypt ram a inphut nanhei kaṭhōisōt Rōngpu kha mahngi makna sik a intluk ruh.

ṬONGKATANHEI 10:6

Israel he’n Rōngpu kadōia setna antlo nôk jo. Baal leh Astarte, khana Syria, Sidon, Moab, Ammon khana Philistihei pathen limhei ankamuk joa kae.

ṬONGKATANHEI 3:7

Israel he’n Rōngpu an-Pathen kha anmahngi jo; ama dōina ṭōnse antlo khana Baal leh Asherah limhei ankamuk jo.

SAMUEL INKHATNA 12:9

Tâk mipui he’n Rōngpu an-Pathen kha anmahngi jo, khava jâra ama’n Philistihei kha, Moab reng leh Hazor khōpuia rehlam kakeipa Sisera kha nanpu sōnhei chunga re ajōng mantlo hei khana amantor hei.