HOSEA 14:9 - LEKHARABU INTHENG (BSI)

⁹ Mikasing he’n hinna inzet hei hi manhret rasoh, anmalunga inda hei rasoh. Rōngpu hlam chu akadikhei kae, mikadik he’n khahei kha anjuia kahring hei, mikaset he’n andon mak jâra inpai heia katlu ri hei.

HOSEA 14:9 ပူးပေါင်းရင်းမြစ်များ

A’NPHUTNA 18:25

Akaṭhemak hei kha ṭhena kaneihei leh inṭhōia that mak hei tin chea kae. Khachu akae theimak kae. Khachu tlothei mak tin che. Khanga natlo’nchu ṭhena kaneimak hei kha ṭhena kaneihei leh inṭhōia karâkna pek sōmna kae sik jo. Khachu akae theimak kae. Raleichung pumpuia ṭong katanpa khan kadiktak a ṭōn atlo sik kasōk.”

JOB LEKHARABU 17:9

Kajathei ung kati hei khan anmani kadik ung tia indon chet-chet jo hei.

HLAHEI 107:43

Mikasing he’n hivahei hi mandon hei rasoh; Rōngpu lungset inthlengmak kha manhret hei rasoh.

HLAHEI 119:128

Khava jâra namansena rakip kajui; hlam kadikmak rakip kahōt.

HLAHEI 119:75

Naṭongtan hei kha kadik ti kamanhret, Rōngpu, khana nang kha taksenthei nachang jâra karâkna kha napek eng.

HLAHEI 84:5

Nanga inphut ratha hratna kahmu hei, Zion Tlânga honga kamukna nei sik kahngâk hlahei kha, heituk a akahōi hei mo.

HLAHEI 84:7

Ansepum a kahrat chet-chet jo hei; Ziona pathenhei Pathen kha anvahmu sik jo!

ṬONGCHÎK-HEI 10:29

Rōngpu’n malung intheng hei kha ahrung hei, tâk akadik mak katlohei kha asuk manhmang hei.

ṬONGCHÎK-HEI 16:21

Akasing, mandonna pui katluk mi chu athem jâra mihe’n manhretna annei. Aṭong hri ahōi chen a mi amathok chet-chet a kae.

ṬONGCHÎK-HEI 4:18

Mikadik tahro hlam khachu kani ahong kasōk a, sûn pha ahong tlung mak kârseng ahong kavâr chet-chet kapō kha kae.

ISAIAH 1:28

Tâk-kha tu achang inum ama kadōi leh setna katlo rakip, asuk mannōi sik hei; Ama kadahlon rakip athat sik hei kae.

ISAIAH 17:8

Anmani’n ankut a antasyem maichâm chunga anmalung hlutmak jo ning, achangmak leh ankut themna chunga taksen mak jo hei ning, an-pathennu Asherah lim leh marim katui ro mankhutna maichâmhei chunga khan.

ISAIAH 26:7

Rōngpu, nang in mikaṭhahei sik a hlam namanne pek hei; anhlam hro namancham pek hei.

JEREMIAH 29:12

Khava sōa nangni’n kei nanbek sik eng. Nangni kahong sik chei, kahnenga nander sik eng, khana ke’n kamasôn sik chei.

JEREMIAH 9:12

Ke’n kader, “Rōngpu, heijâra mo ram hi a’nhmangsō jo khana nêrdiram kapōa akachâr jo, khana tûte’m khava khan se leh hong antatlo mak jo? Hiva inhret tor sik tu mo akasingdet aka-om? Tu hneng mo hivahi namanthei heia, khahei khan hiva ṭong hi milak hneng antahri pek tor sik hei?”

EZEKIEL 11:18

Anmani an-inle pha leh, akachok, mater ka-om limsyem anta leinei seng kha andahlon sik jo hei.

EZEKIEL 18:25

“Tâk-kha nangni’n nanti, ‘Rōngpu ṭōntlo hi dikmak.’ Israelhei kei ṭong rangei ruh. Kei ṭōn tloje hei hi dikmak tia nantamandon mo? Akadik mak khachu nangni hlam jôk kha kae?

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

DANIEL 12:10

Mi katamtak manthengsōt sik hei kae. Malung kaṭhamak-hei khachu manhret theimak hei ning tâk khanga ṭhatmak antlo manjōm sik; mikasing rōk he’n anmanhret sik.

ZEPHANIAH 3:5

Tâk-kha Rōngpu kha khōpuia laka-om ṭhak, akadik rōk kha atlo; akadik mak kha tlojen mak. Jîngkâr katai sôilo jen a amihei hnenga akadik kha ahei rôn pek hei. Tâk-kha mikadik mak he’n akadik mak kha antloṭhak khana inzak um manhret mak hei.

ZECHARIAH 10:6

“Ke’n Judah mihei kamanhrat sik hei; ke’n Israel mihei kahuksōt sik hei. Ke’n anchunga lungsetna kanei sik hei, ankhenga innting kaheiṭhōi male sik hei. Anmani kha ke’n kahlonsōt hêrmak hei kapōa ka-om sik hei. Kei anmani Pathen Rōngpu eng kha kae. Anmani derna kamasôn pek sik jo hei.

MATTHEW 11:19

Mihring sapa kajōnga bu asâk a tui a-in pha, khan chu mi rakip in, ‘Enruh! mi kalôp, ju ka-in, ramsêrṭhei kakhôm ṭōn katlohei leh mikasehei ṭhōnpa kae!’ anti. Hei-hei achang inum, Pathen singna khachu aṭōn tlosōt kara’n amalâra kae,” ati.

LUKE 2:34

Simeon in mahâmṭhat apek heia Mary hneng ati, “Hiva naite hi Israel mi katamtak hei insuksetna leh hukmanhringna sik a Pathen takadei kae. Mi katamtak he’n achunga dōina ṭong antahri sik leh anlungria marûk a antamandon hei kaphôngsōt sik a

LUKE 7:23

Kei chungchânga inkei-chiona kaneimak kha mahâm kaṭha kae,” aleitipek hei.

JOHN 15:24

Ke’n anmani kâra tûte taleitlo phungmak ṭōnhei kha kaleitlo mak achang inchu, ansetnahei jâra masetna antachen mak sik kae; tâk tûnchu anmani’n kaṭōntlo kha anhmu jo khana kei leh kapa kan-inhnia anhōt jo ung.

JOHN 18:37

Khava jâra Pilate in ama ader, “Khan chu nang reng inkhat che mo?” Jesu’n amasôn, “Nang in kei reng inkhat che nati eng. Hiva akadik inkhat akahri sik jâra kei ajōng inte enga raleichunga akajōng eng kae. Akadik a ka-om seng khan kaṭong anrangei.”

JOHN 8:47

Pathena inphut akajōng ama khan Pathen ṭong kha arangei. Nangni Pathena inphut changmak chei leh chu rangei mak chei.”

JOHN 9:39

Jesu’n ahri, “Hmitkachohei khō hmuna sik, khō kahmuhei hmit chona sik, hiva raleichunga ṭong katan sik a kei akajōng eng kae.”

ṬŌNTLOHEI 13:10

khana ati, “Nang Diabol sapa! Ṭōn kaṭha rakip kadōi che kae; akaṭhamak lungthim rakip kasip che khana Rōngpu ṭongtak rakip maleisei manchang sik nareiṭhak!

ROMANHEI 7:12

Khan chu, Dân kha abinga intheng, khana ṭongpek kha intheng, kadik, khana kaṭha.

DÂNRABU INHNINA 32:4

“Rōngpu kha ratha kanei nankahrung kae, Atlona rakip a pui katluk leh akadik kae; Nan-Pathen chu taksenthei leh akadik kae; akadik leh akaṭha kha atlo.

ṬONGPHÔNG 15:3

anmani’n kemōngte leh Pathen sōkpa, Moses hla kha, ansak a ka-om hei: “Akahratpen Rōngpu Pathen, naṭōn tlohei hi heituk-hrep a a’nlak a akalenhei mo! Jât rakip Rengpa, nahlamhei hi heituk-hrep a akadik a a’ntlun hei mo!