HOSEA 14:3 - LEKHARABU INTHENG (BSI)

³ Assyria he’n keini ahei tik a’m ahuk tor mak ning, re shakor he’n ahrungtor mak ning. Kanlimhei hnenga, ‘Kan-Pathen, O Rōngpu’ ti nôk mak jo ning, anka-en sik tûte aka-om mak hei hnenga nang in lungset namalârpek heia kae.”

HOSEA 14:3 ပူးပေါင်းရင်းမြစ်များ

THUHMINGHEI INHNINA 16:7

Khava pha khan sânkathem Hanani Reng Asa hnenga kasea ati, “Nang in na-Pathen Rōngpu hnenga in-ngai sik kanek a Syria reng hnenga na’nngai jâra, Israel rengpa remihei kha nanga inphut katlânsōt jo hei.

HLAHEI 10:14

Tâk-kha bōina leh khōdeng theina kha nang in nachîk a nahmu, khana inthōpuina sik ahei tik a intluk ṭhak che. Inthōpui kasehei khan nahnenga ho’npek inhlut hei; inthōpui inngei hei kha ahei tik a nabôm hei.

HLAHEI 146:3

Mihring hlamkeina khan taksenna neimak roh; mihring tûte’num ahuk tor mak ning.

HLAHEI 146:9

Niram shunga ka-om ram hlop mihei kha ahrung hei; ama’n renghmeihei leh nu leh pa insamhei kha a’nthōpui hei, tâk mikaṭhamak-hei chu an-inhmangna sik hlam a aṭhōi hei.

HLAHEI 33:17

Retorna sik a re shakorhei hnemna om mak; anratha ngarna khan huk tor mak.

HLAHEI 68:5

Abek-inn intheng shunga aka-om Pathen khan nu leh pa kase leh renghmeihei kha a-ensui hei.

ISAIAH 1:29

Rahōn intheng kasyema thingkung kaling leh a’nmuk nangni inrim sik chei.

ISAIAH 2:20

Khava kani ajongtlung pha, sana leh dangka vânga antasyem limhei kha anhlonsōt sik jo hei, khahei kha matîr leh bâk-hei hnenga hlonsōt pek kachang sik hei.

ISAIAH 27:9

Tâk-kha Israelhei setna khachu, Khōvelhei maichâm kha ansuk mandi sōa, marim katui maichâm an-om mak jo pha khana Asherah pathennu limhei an-om mak jo pha rōk khan rangei mandam kachang sik.

ISAIAH 30:16

Khava kanek a, nan-inrepui heia inphut shakor kayâng chōnga tlânsōtna sik intluk chei. Khana nangni kadik chei, tlânsōt sik kha nantatlo mông sik kae! Nangni’n nanshakor hei kha tlân kayâng hei tia nanmandon, tâk nankahnung kathlur hei kha akayâng chet sik hei kae.

ISAIAH 30:2

Anmani’n kei hneng derloa inthōpui kader sik Egypt a kase hei. Egypt hei tahuk sik anmadu, Egypt rengpa kha antaksenna kae.

ISAIAH 31:1

Egypt a inṭangpuina kader sik a akase hei kha inhmang jo hei! Anmani’n Egypt ratha kanei remi katamtak chunga inngam heia kae — shakorhei , shakor gârihei leh remihei chunga. Tâk-kha Israel Pathen intheng Rōngpu hneng semak hei, inthōpuina sik ahnenga dermak hei.

ISAIAH 31:3

Egypt hei kha Pathen changmak hei, anmani mihring hrep hei kae. Anshakorhei kha akahrat inlak changmak hei. Rōngpu’n ṭōn atlo pha, ratha kahrat jât kha kakōi inthek sik, khana ratha katlôm jât a’nṭangpui kha’m katlu sik. An-inhnia suk manhmang kachang sik heia kae.

ISAIAH 36:8

Rengkalen rahminga ke’n nanhnenga in-erna neipui chei rong. Nangni’n Shakor katôr thei hingja nannei inchu, shakor lishing hni pek chei rong.

JEREMIAH 49:11

Nu leh pa kaneimak hei kha kahnenga dahlon hei ruh, ke’n ka-ensui sik hei. Nanhmeithai hei kha kei hnenga inhngaithei sik hei.

EZEKIEL 36:25

Nanchunga tui intheng kakathing thlōn sik chei khana nanlim rakip leh bukna nankape rakip a inphut kasuk mantheng sik jo chei.

EZEKIEL 37:23

Limsyem kamuk a khana setna tloa anbinga inbōk nôk mak jo hei ning. Anmani setna antloa kei anmasetna eng rakip a inphut kamasō sik jo hei. Ke’n anmani kasuk mantheng sik hei, anmani kami kachang sik hei, kei an-Pathen kachang sik eng.

HOSEA 12:1

“Jîngkâra inphut jân katlunga Israelhei tatlo kha hnemna kase leh insuksetna rōk kae. Ankâra inhōnna, invōk insetna kapung chet-chet a kae. Assyria leh inhnōmtōna ansyem khana Egypt leh invei antloa kae.”

HOSEA 13:2

Anmani’n kamuk sik a thir vânga lim ansyema kae, dangka limhei, mihring mandonna hei leh mihring kut vânga ansyem heia kae. Khan chu anmani’n anti, “Khahei hnenga inthoina tōk ruh!” Heikhonga mo mi inkhat in amajôptor sik hei, khava sehratche limsyem mama kha!

HOSEA 14:8

Israel mihei khan limhei kha heite manlomak jo hei ning; Anderna kamasôn sik hei khana kahrung sik jo hei; Thingbō in-êm ṭhak kapōa in-ungna kapek sik hei; Kei anmani mahâmṭhat rakip heikōnna eng kae.”

HOSEA 2:17

Ke’n ama Baal rahming manpanhêr nôk mak jo ning.

HOSEA 4:12

Anmani’n thinghar inkhat a inphut ṭong phôngna kha anngek a kae. Sung inkhat in antamanhret hnōm kha ahri pek hei! Anmani’n andahlon jo eng. Noti kachang jo nuhmei inkhat kapōa, pathen ralak hnenga inpek sōt jo hei.

HOSEA 5:13

“Israel in khangtuk hrep a atak damlo kha ahmu pha khana Judah’n a’ntônna bi ahmu pha, Israel in Assyria rengkalen hneng inthōpuina kader sik a vakasea kae, tâk ama’n annat leh an-intônna bi kha mandam tor mak a kae.

HOSEA 7:11

Israel hi akamo vaṭhu akajōng lele kapō kae; ahma kakei pena Egypt hneng, khava sōa Assyria hneng inthōpuina kajonga katlân lelea kae!

HOSEA 8:6

Israel kut kathem in lim kha ansyem, khavakha pathen chang hêrmak! Samaria sana sehratche limsyem antakamuk kha ahar-ahak a sukkhōi sik kae!

HOSEA 8:9

Ram shakōrtung rahe kase kapōa, anracham kase jo hei. Assyriahei inthōpuina anjonga khana jât-hlop he’n anhrungna sik hei antia sêr anpek heia kae.

JONAH 2:10

Khava sōa Rōngpu’n Jonah kha tuipanga amasōsōtna sik a nga hnenga ṭong apek jo, khana khanga kachang jo.

ZECHARIAH 13:2

Khava pha, ram shunga inphut limsyem rahminghei kalosōtpet sik jo hei, tûte’num mandonsōt mak jo hei ning. Sânkathem eng kati mi kha ke’n donmak ning khana limhei kamukna malung kalosōt sik jo.

JOHN 14:18

“Kei kasesōt pha, nangni nanbinga dahlon thangmak chei ning; nanhnenga kajōng nôk sik eng.

DÂNRABU INHNINA 17:16

Reng khan aremi sik ashakor katamtak anei sik changmak, Egypt a mi atira shakor ava manchôk sik hei changmak, ajârchu Rōngpu’n amihei khana khan ahei tik a inlemak hei ning aleiti.