HOSEA 12:8 - LEKHARABU INTHENG (BSI)

⁸ Anmani’n ‘Keini kahao ung’ anti. ‘Keini’n vângṭhatna kanchen. Malung intheng loa kanhaona chunga hin tûte’n maset apetor mak hei,’ anti.

HOSEA 12:8 ပူးပေါင်းရင်းမြစ်များ

ṬONGPHÔNG 3:17

Nang in, ‘Kei kahao eng khana kanei; kamadu rangei rakip kanei,’ nati. Tâk-kha heituk-hrep a a’nreng che khana lungset aka-om che mo! kha nang in manhret mak che! Nang nahmit kacho, pōnsi derkei kase, sara che kae.

HLAHEI 62:10

Rumhrat chunga hlamrinna kha damak roh; marûk neinâk vânga hnemna chen sik inhōr mak roh, nanei kha ahong pung jo’num khahei chunga inngammak roh.

TIMOTHY INKHATNA 6:5

khana a’ndon theimak hei leh dikna kaneimak hei leh bânglo jena inkhena amannei ṭhak a kae. Anmani’n bekṭong hi haona sik hlam inkhat a anmandona kae.

ZECHARIAH 11:5

Ankapu he’n anmani antha hei, tûte’n karâkna pek mak hei. Antak ravōi kha anjōr khana anti, ‘Rōngpu kha manpâk a om rasoh! Keini kahao jo ung! Ankakhem he’num anchunga lungsetna neimak hei.” (

ṬONGCHÎK-HEI 30:20

Nuhmei ka-ôk mak in hinga atlo: ama kha ajôngsōa, tui insi, “Tâk-kha ke’n akadik mak heite tlomak eng!” ati.

ṬONGCHÎK-HEI 30:12

Akachok hêr heia intheng loa aka-om hei, tâk anbinga intheng ung tia a’ndon mi ka-om hei.

HLAHEI 52:7

“Enroh, tu mo inkhat chu a’nhuksōtna sik a Pathen hneng in-ngai loa ka-om, tâk akarōi katamtak chunga khan in-ngai jôk. Aṭhat makna vânga inhukna sik ajong.”

HLAHEI 49:6

annei leh hao chunga inngamna kanei mikaṭhamak-hei leh anhaona chunga inlensakna kanei he’n, ankake eng pha ṭitmak hei eng.

DÂNRABU INHNINA 8:17

Khan chu, nanbinga nanhratna leh nantorna vânga neina, haona nantatlosōt kae tia nantamandon hêrmak sik kae.

TIMOTHY INKHATNA 6:17

Hiva hringkhō neinâk a akahaohei kha an-inlensak makna sik, tâk an-inhōrna kha akahnetmak nei leh hao chunga changloa, eini hōina sik a heirakip pek hnōmtak a anikapek Pathen chung jôk a anneina sik ṭong kha pek hei roh.

LUKE 16:15

Jesu’n anhnenga aleiti: “Nangni hi mi tahmu sik a nanbinga a’ndiksak hrep chei kae, tâk Pathen in nanmalung amanhret. Ajârchu mihring in kalentak a amandon kha Pathen hmit-hmua chu heite hnemmak.

LUKE 16:13

“Mi inkhat in akapupa 2 sōk chang tor mak: ama’n inkhat alungset sik, khana inkhat a-enkada sik. Inkhat ṭong ajui sik, inkhat ṭong juimak ning. Pathen sōk leh sêr sōk akoptōa nangni chang tor mak chei.”

LUKE 12:19

Khava sōa ke’n kabing hnenga, Vâng kaṭhapa! Nang in neinâk akaṭha rakip kum katamtak nakhopna sik nanei jo. Sâk jo roh, in jo roh, nabinga hringkhō kahōia om jo roh, inti sik eng,’ ati.

LUKE 10:29

Tâk-kha dân oja khan abinga akadik achanghnōm jâra, Jesu hneng ader, “Tu mo kakhō kaven?”

MALACHI 3:13

Rōngpu’n ati, “Nangni’n kei chungchânga ṭit ka-om ṭong nanhri, tâk-kha nangni’n nander, ‘Nachungchânga dōina ṭong heimo kantahri jo?’

HABAKKUK 1:16

Anmani’n nga surna len hei kapha ankamuk heia inthoina antōk hei, ajârchu annga surna len hei khan chen akaṭhapen rakip kha apek heia kae.

JEREMIAH 2:23

Heikhonga mo nabinga akabōk changmak eng nati tor, Baal pathen kha kamuk hêrmak eng nati tor? Phaichama heikhonga mo akaset che, enroh; heimo natlo kha enroh. Akalum kâra akatlân lele nêrdiram a akatlân inhlut,

JEREMIAH 2:35

nang in nati, ‘Kei ṭhena neimak eng; Rōngpu’n kei chunga ahnuknat mak ning.’ Tâk-kha Rōngpu ke’n karâkna kapek sik che kae, ajârchu nang in setna natlo ti hi hnōm mak che.

MALACHI 2:17

Nanṭong hria Rōngpu kha nanmanchim jo. Tâk-kha nangni’n, “Heikhong inmo keini’n ama kanta manchim?” nanti. Hinga nanhrina khana kae, “Akahratpen Rōngpu’n ṭōnse katlo he’m kaṭhahei tia amandon hei; kadiktak a ama’n amadu hei,” nanti. Khana nangni’n nandera, “Akadik katlo sik Pathen kha khon mo aka-om?” nantia kae.

EZEKIEL 28:5

Kaliptak a invei natloa, hnemna naneiṭhak a kae. Nakarōi jâra heituk a a’nlensak jo che mo!

HOSEA 4:8

Kamihei setna jâra nangni kahao chet-chet jo chei, khava jâra anmani kha setna nanmantlo hnōm chet-chet hei.

HOSEA 13:6

Tâk-kha nang in ram kahōi naheihlut pha chu pui katluk set jo chea katlai jo che, khana inlensak jo chea namahngi jo eng.

HOSEA 14:1

Israel mihei, Rōngpu nan-Pathen hneng hong inle ruh. Nanset na’n amanpai cheia amantlû jo chei.

ṬONGCHÎK-HEI 11:1

Atena kher kadikmak kahmang hei kha Rōngpu’n ahōt hei. Malung inthenga akahrik kate hei chunga ama inpâk.

JEREMIAH 5:27

Shachâng kaleng inkhat in avoshunga va amansipphet kapōa, an-innhei kha marûk neinâk anmansip phet hei. Khava jâra tlotorna annei khana kahaohei,

AMOS 8:5

Nanbinga nanhri, “Kani intheng hei thlengsō sik kha nihngâk hla jo, nisânghei nijōr theina sik a. Neinâk jōr niphut theina sik, Châmhngat kani heitik leh mo akathleng sik? Khava sōa chu aman nimanke sik jo, atena kadikmak nihmang sik, neinâk inchôk hei kha kher kaṭet nihmanga nihōntor sik jo hei.