HOSEA 12:7 - LEKHARABU INTHENG (BSI)

⁷ Rōngpu’n ati, “Canaan mihei malung intheng mak kapōa Israelhei anmalung intheng mak; anneinâk inchôk hei kha atena kadikmak vâng anhōn hei.

HOSEA 12:7 ပူးပေါင်းရင်းမြစ်များ

A’NPHUTNA 49:18

“Rōngpu nahuk sōtna kha kahngâk kae.

ṬONGCHÎK-HEI 11:1

Atena kher kadikmak kahmang hei kha Rōngpu’n ahōt hei. Malung inthenga akahrik kate hei chunga ama inpâk.

ṬONGCHÎK-HEI 16:11

Neinâk jōrna akher leh akahrik tena kha malung inthengtak a hmang sik Rōngpu’n amadu khana neinâk jōrna rakip inthengtak a tlo sik amadu.

ISAIAH 3:5

Inkhat in inkhat chunga hnemna anjong et sik. Khangdông he’n an-upahei kajana neimak hei ning, khana mi kahnemmak he’n anchunga mihei kajamak hei ning.

ISAIAH 56:1

Rōngpu’n amihei hneng ahri, “Akadik leh akaṭha kha tlo ruh, ajârchu inranga kahuksōt sik jo chei.

EZEKIEL 16:3

Chunghnung Rōngpu’n Jerusalem hneng heimo ati kha hripek roh: “Nang Canaana inphut jōng inte che. Napa kha Amor mi kae, nanu kha Hit mi kae.

EZEKIEL 22:29

Mikahao he’n mi anhōn khana anchom hei. Sarahei kha êngset a antlo hei khana khōhmehei chunga hnemna anjong.

EZEKIEL 28:5

Kaliptak a invei natloa, hnemna naneiṭhak a kae. Nakarōi jâra heituk a a’nlensak jo che mo!

HOSEA 14:2

Rōngpu hneng ho’nle ruh, hiva derna hi ahnenga inthoina chang rasoh: “Kansetna rakip arangei mandam roh, kanderna arahlâng pek roh, khana kanṭong intepna kapōa nang kanchoi ka-ân sik che.

JOEL 2:12

Tâk Rōngpu’n ahri, “Buhngōi, ṭap leh ṭajai sui pum a, malung inthengtak a nanmalung thleng ruh.

AMOS 2:7

Anmani’n mi katlasam hei, inthōpuina kaneimak hei, anchōn rachi hei khana sarahei kha hlamdunga inphut ankanok hlon heia kae. Apa leh asapa khan sōk nuhmei inkhat kha rakhum an-inchunpui sap, hiva jâra hin kei rahming intheng kha anmanbōk jo.

AMOS 3:9

Egypt leh Ashdod reng-innpuia ka-om hei hneng hivahi manthei hei roh: “Samaria kimvea hmebung heia intûp ruh, khana ṭōn injenmak leh ṭōnse antatlo so enruh.”

AMOS 4:1

Samaria nupuihei, Bashana kaṭhadek a antavei sehrat pui kapōa akathai hei, akatlasam êngset a akatlohei, sara kasuk inrim hei, anpuise he’n ju anta heichoi pek sik a akahngâk-hei, hiva ṭong hi rangei ruh!”

AMOS 5:11

Sarahei nanmanrim hei, ansâng hei nankasut hei. Khava jâra a’nnejap hlung inna om mak tin chei, khana vomhrui thei kaṭha nantaling rahōn heia inphut vomhrui ju inmak tin chei.

MICAH 2:1

Hmit harpuma akaje khana akaṭhamak ṭōn mantlukna kaneihei sik a heituk a ṭitpek ka-om hei mo! Jîngkâr ahong pha, pha kaṭha anhmutak leh ṭhatmak anmantlukna kha antlosōt a kae.

MICAH 7:2

Hiva ram a hin malung intheng om mak jo, Pathen ṭong kajui inkhatbek um om mak. Mi rakip in mi thatna sik a pha kaṭha anhngak a kae. Mi rakip in anram mi anhnong heia kae.

ZECHARIAH 14:21

Jerusalem leh Judah shunga ka-om be leh bûr rakip Chunghnung Rōngpu kamukna hmangchâk sik a ṭhensōt sik hei kae. Inthoina tōkna katlohei khan inthoina hme sōngna sik a antahmang sik hei kae. Khava pha kha ahong pha, Chunghnung Rōngpu Bek-inn shunga invei katlo om mak jo hei ning.

ZECHARIAH 5:8

Ngeva khan ati, “Nuhmei hi akaṭhamak omchen malârna kae.” Khava sōa ama’n nuhmei kha hraithuk shunga anam manhlut a asing hupna kha amakhu khum jo.

ZECHARIAH 7:9

“Tenlai khan hiva ṭongpek hi kamihei hneng kaleipek hei: ‘Akadik nanta tlo-nger sik kae, khana khat leh khat chunga inlungset leh maritna nantamalâr sik kae.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

JOHN 2:16

Khana pherva kajōrhei hneng ama’n ṭong apek heia, “Hina inphut hivahei hi choisōt hei ruh! Kapa inn hi neinâk jōrna manchang mak ruh,” ati hei.

JAMES 5:4

Nanhleia ratha nantamanrōi hei khachu aman pek mak chei. Anrasa nei kha rangei pek hei ruh. Nansâng kakhôm hei malung hōimak a an-ông rasa khan akahratpen Rōngpu, Pathen omna langa hong katlung jo.

SAMUEL INKHATNA 12:3

Kei hin ka-om jo eng. Heikhat kaṭhena a-om inchu, tûn Rōngpu leh akadeisōt rengpa hmaikunga amaher ruh. Ke’n tu inkhat sehrat pui leh shakōrtung kalo jo mo? Ke’n tu inkhat kahōn achangmak leh kasuk manrim aka-om mo? Ke’n tu inkhat a marûk a sêr kalo aka-om mo? Ke’n heikhat kalôna a-om inchu, kaleilo kha ke’n kapek male sik.”