HOSEA 11:8 - LEKHARABU INTHENG (BSI)

⁸ “Israel, ke’n heikhong mo kamasōtor sik che? Heikhong mo ke’n kadahlon tor sik che? Ke’n Adma kasuk manhmang kapōa, nang kasuk manhmang tor sik che mo, achangmak leh Zeboiim kapōa nachunga katlo tor sik mo? Kamalung in kha amantlo mak ning! Kalungsetna che kha kangar hêra kae.

HOSEA 11:8 ပူးပေါင်းရင်းမြစ်များ

A’NPHUTNA 14:8

Khana Sodom Gomorrah, Adma, Zeboiim khana Bela reng 5 hei hin Siddim Phaichama anremihei anleimantûp heia,

SAMUEL INHNINA 24:16

Rōngpu ngeva khan Jerusalem asuk manhmang sik jo pha, Rōngpu’n ami karâk sik hei kha amalung athleng joa mikathat ngeva hneng “Bâng jo roh! Katluk jo!” ati. Ngeva kha Jebush mi, Arauna saphōr hmun hnenga leika-om.

RENGHEI INKHATNA 3:26

Anu kadiknu kha, asapa lungsetna kasip a, rengpa hneng ahri, “Reng Kalûr, lungsettak a naipang kha that mak jo roh! Amanu hneng pek jo roh.” Tâk-kha nuhmei inkhatnu khan ahri, “Keini 2 kâra inkhat hnenga apek mak roh; nahrina kha tlosōt roh aher inhnia tuktan roh.”

RENGHEI INHNINA 13:23

tâk-kha anchunga Rōngpu’n lungsetna leh maritna anei hei. Abraham, Isaac khana Jacob leh intepna anleinei jâra anmani suk manhmang sik hei kha leihnōm mak a kae. Ama’n amihei kha mahngi hêrmak hei.

THUHMINGHEI INHNINA 36:15

Rōngpu, anpu sōnhei Pathen khan amihei gîkna kapek sik a sânkathem ajōngtir manjôn hei, ajârchu ama’n anmani leh Bek-inn kha aṭhensōt hnōm heia kae.

HLAHEI 106:45

Anmani jâra khan aṭongtep kha ahong mandonsōt, khana alungset len jâra anchunga amalung athleng nôk.

ISAIAH 16:11

Moab-hei sik a malung inrenga kei inkōi eng, Kir Heres sik a kachâm eng.

ISAIAH 63:15

Rōngpu, kalûrtak a leh inthengtak a na-omna marvâna inphut ajōng enroh; keini sik a khomo nakhôk sakna ung aka-om? Khon mo naratha hratna aka-om? Khon mo nalungsetna leh namaritna aka-om? Keini donloa adamak roh.

JEREMIAH 18:8

tâk-kha khava jât khan aṭhat makna hlam a inphut anmani an-inhesōt jo’nchu, katlo sik kati kha ke’n tlomak ning.

JEREMIAH 3:12

Israel hneng vasea ṭong vahrina sik a amanthei eng, “Taksenthei kachangmak Israel, kahnenga hong inle roh. Kei lungset kathem eng, kahnuknatmak ning. Nachunga kahnuk mannat ṭhak mak ning.

JEREMIAH 31:20

“Eh Israel, nang kasa marit che kae, kalungset pen inkhat che kae. Ke’n narahming kapan akaia, lungset leh inṭhōia kamandon che. Kamalung hi nachunga ka-om; kamarit sik chea kae.

JEREMIAH 42:10

‘Nangni hiva ram a hin, hing’hin nan-omthang hnōm inchu; ke’n nangni kasyemsōt sik chei khana keihler mak chei ning; kaling sik chei khana phôisōt mak chei ning. Nanchunga suksetna kalei mathlung kha kamalung inrim hêr.

JEREMIAH 9:7

Hiva jâra hin Chunghnung Rōngpu’n ati, “Ke’n kamihei thirkheng jo kapōa kaman theng sik hei, ka-enmansin sik hei. Kami he’n akaṭhamak antlo jo, ke’n anmani heimo kamanlo sik jo hei?

ṬAJAISUINA 1:20

“O, Rōngpu, enroh, kei inrengna hi, kamalung inkōina hi! Kasetna hei jâra kamalung hi kakōi jo. Hlam a mikathat ka-om hei; innshunga kapha thina kha ka-om.

ṬAJAISUINA 3:32

Ama’n khōdeng theina apekthei me, tâk-kha eini alungsetna me kha inchên khana kangar.

ṬAJAISUINA 3:33

Eini khōdeng manthei sik leh natna pek sik kha ama’n kahōia asak changmak.

EZEKIEL 33:11

Manthei hei roh, kei hi Chunghnung Rōngpu kachangkhet jâra, setna karônhei thina en-hnâm sik kha kahōi sakmak eng. Ansetnahei anbâng leh akahring sik hei kha ka-enhnōm. Israel, dikmak natlona kha hai jo roh. Heisa mo akathi hnōm che?

EZEKIEL 6:9

khana khan anmani rehring sura ka-om sik hei. Khana anmani’n kei anhong mandonsōt sik eng, khana ke’n karâkna leh hmaimôkna kapek hei kha anhong manhret sik, ajârchu anmani taksenna kaneimak malung khan andahlon enga kei kanek a limsyem jôk anmadu chet a kae. Anmani’n ṭhatmak leh insuk innemna ṭōn anleitlo jâra anbinga inter sik hei.

HOSEA 6:4

Tâk-kha Rōngpu’n ati, “Israel leh Judah, nangni hi heimo kamanlo sik chei? Nanlung setna eng kha jîngkâr sumphai kapōa inranga inhmang jo; jîngkâr hmatak a a’nhmangbât radaitui kapō kae.

HOSEA 7:1

“Kami Israelhei avea andamna leh ankhangna sik kamadu pha, anmani malung ṭhatmak leh anṭōntlo ṭhatmak rōk kha ke’n kahmu sōt a kae. Inkhat leh inkhat inhōntō hei; inn anvōkkhōia neinâk anchom; hlamlen heia mihei anchom heia kae.

AMOS 4:11

“Ke’n Sodom leh Gomorrah kasuk manhmang kapōa nangni ṭhahrep khat kasuk manhmang jo chei. Nangni akahring chei kha hmei takâng khōnghre kapōhrep ka-ang jo chei. Kha’num kahnenga hong inledek mak chei,” Rōngpu’n ati.

AMOS 7:3

Rōngpu’n amalung athlenga ahri, “Natahmu kapōa sōk mak jo ning.”

AMOS 7:6

Rōngpu’n amalung athleng nôk a ati, “Hivahi’m sōk mak jo ning.”

MICAH 5:3

Khava jâra sa kanei sik nuhmei khan asa kha aneimak hma seng Rōngpu’n amihei kha a-inrepuihei kut a adahlon sik heia kae. Khana rehring sura miram a aka-om Israelhei seng kha vōi khat anmihei leh inchun nôk sik jo hei.

ZEPHANIAH 2:9

Israelhei Pathen, akahring Rōngpu kachang jâra Sodom leh Gomorrah kapōa Moab leh Ammon suk manhmang sik hei kae tia kei intep jo eng. Anmani kha chikhur kamanchang sik hei, kumsôt a a’nhmang kachang sik jo hei, phi he’n anmakhusi sik. Kami alakahring hei khan anmani ansukset sik hei khana anram kha anhlō sik jo.”

MATTHEW 23:37

“Jerusalem, Jerusalem! Pathen in nahnenga ajōngtir sânkathemhei nathat hei, ṭongkarônhei hlung vâng nadeng hlon hei! Ârpui in atehei amathla hnōia aka-unsi kapōa, ke’num vōi heija mo namihei kabân vâng kaka-unsi sik a kaleimadu, tâk nang in amantlo mak che!

DÂNRABU INHNINA 29:22

“Hnunga nansōnhei leh ram kahlatak a ka-om khōhme he’n Rōngpu’n nanrama ahei rôn sōt inrimna leh inrengna kha anhmu sik.

DÂNRABU INHNINA 29:23

Hleipuk-hei kha hleichi kachang sik hei, kat leh chi kasip sik; heite kekmak ning, phi kapha’m kekmak ning. Nanram kha Rōngpu’n ahnuk hmei kapōa anat lai Sodom leh Gomorrah, Adma leh Zeboiim khōpuihei amanhmang kapōa kachang sik hei.

DÂNRABU INHNINA 32:36

Rōngpu’n anmani ratha katlangsō jo ti kha amanhret a, amihei ahuk sik jo hei. Atlona sik heite neimak jo hei ti ahmu pha, ama inzenhei chunga lungsetna anei sik jo hei.

PETER INHNINA 2:6

Pathen in Sodom leh Gomorrah khōpuihei kha maset amanchen a, hmei vâng asuk manhmang hei, khana bek-ôi kaneimak hei chunga heimo ajōng katlung sik man enna hei kha aleitlo heia kae.

JUDE 1:7

Khan nôk chu Sodom leh Gomorrah, khana ahneng vena khōpui mihe’n, khava ngevahei taleitlo kapōa omchen kadikmak antatlo leh anjôngna hei kha: mi rakip mansena sik inkhat a kumsôt hmei vâng karâkna antahmu kha mandonsōt ruh.

ṬONGPHÔNG 11:8

khana anrōngpu anleimakhei hlonna khōpui kalen hlampuia khan, antaksa kalōng kha anmanje sik hei. Khava khōpui tekhingna rahming kha Sodom, a-emak leh Egypt kae.

ṬONGPHÔNG 18:18

amanu ro mankângna hmeikhu kha anmani’n anhmu jâra kaṭap heia, “Hiva khōpui kalen kapō khōpui alak inkhat om hêrmak!” anti.

ṬONGKATANHEI 10:16

Israel he’n ram hlop pathenhei kha andahlona Rōngpu kha ankamuk jo; khana Israelhei inrengna chunga ama kachâm joa kae.