HOSEA 11:5 - LEKHARABU INTHENG (BSI)

⁵ “Anmani kahnenga he’nle sik hnōm mak hei, khava jâra Egypt a a’nle nger sik hei kae, Assyria he’n anchunga vai antarôn sik kae.

HOSEA 11:5 ပူးပေါင်းရင်းမြစ်များ

RENGHEI INHNINA 15:19

Tiglath Pileser, Assyria Reng kalenpen khan Israel chunga re aleitlo, khana Menahem in ram shunga aratha neina sik, ama hnōm pekna chenna sik a dangka kilograme 34,000 aleipek.

RENGHEI INHNINA 15:29

Peka rengchang laia kae, Assyria reng kalenpa Tiglath Pileser in Ijon khōpuihei, Abel Beth Maacah, Janoa, Kedesh, khana Hazor khan chu Gilead ramṭhen, Galilee, khana Naphtali a mihei kha rekahringa asur heia Assyria ram a aṭhōi hei.

HOSEA 10:6

Limhei kha Assyria reng kalenpa hnenga rengkat sik a anchoi sik. Israel khan miṭong ajui jâra inzakna leh hmaimôkna achen sik jo.

HOSEA 5:13

“Israel in khangtuk hrep a atak damlo kha ahmu pha khana Judah’n a’ntônna bi ahmu pha, Israel in Assyria rengkalen hneng inthōpuina kader sik a vakasea kae, tâk ama’n annat leh an-intônna bi kha mandam tor mak a kae.

HOSEA 6:1

Mipui he’n anti, “Rōngpu hneng inle jo rih! Ama’n nitak amantôn jo me, tâk ama’n amandam nger sik me; ama’n amantôn jo me, tâk ninat bi kha akatōmpek sik me, tlomak ning mo?

HOSEA 7:16

Keia inphut inhe heia ratha kaneimak pathen hneng kase ri hei. Anmani hi inngamna omlo, intlunjenlo sai kapō hei kae. Ajârchu anhlam kakeihei kha rahe kasetak a kaṭong hei, re leh sha shunga kathi sik hei, Egypt he’n anhnōise sik hei.”

HOSEA 8:13

Anmani’n kahnenga inthoina antōk khana khava hme kha ansâk. Tâk-kha Rōngpu kei chu anchunga tlaimak eng, tûnchu ansetna kha kamandonsōt sik khana karâkna kapek sik jo hei; Egypt a katir male sik jo hei!

HOSEA 9:3

Israel mihei kha Rōngpu ram a khan om mak hei ning tâk Egypt ram a inle nôk sik heia kha Assyria ram a inthenglo thlai kha ansâk sik.

HOSEA 9:6

Inrengna ahong pha, mihei kha an-inchek pha, Egypt he’n Memphis a vûmna sik heia anmani anmantûp sik jo hei! Anmani dangka karōi bukna leh an-innhei, pha khat a anlei matungna hei kha rahling chap leh kahar he’n akabuksi sik jo hei.

AMOS 4:11

“Ke’n Sodom leh Gomorrah kasuk manhmang kapōa nangni ṭhahrep khat kasuk manhmang jo chei. Nangni akahring chei kha hmei takâng khōnghre kapōhrep ka-ang jo chei. Kha’num kahnenga hong inledek mak chei,” Rōngpu’n ati.

AMOS 4:6

“Nankhōpui rakip a vonṭâm heikachoi kha kei eng kae, achang inum nangni kahnenga hong inlemak chei.

AMOS 5:27

ke’n nangni Damascus rekhat a rehringa kaṭhōisōt chei pha khan nantakadom sik jo hei kae,” tia arahming Akahratpen Rōngpu’n ati.

DÂNRABU INHNINA 17:16

Reng khan aremi sik ashakor katamtak anei sik changmak, Egypt a mi atira shakor ava manchôk sik hei changmak, ajârchu Rōngpu’n amihei khana khan ahei tik a inlemak hei ning aleiti.