HOSEA 10:8 - LEKHARABU INTHENG (BSI)

⁸ Israelhei limsyem kamukna Aven hmebung, sukset sik hei kae. Anmaichâm chunga khan rahling leh kaharbuk in amakhusi sik hei. Mihei kha’n tlânghei hneng, “Athup roh!” khana hmebunghei hneng, “Amakhusi roh!” anti sik.

HOSEA 10:8 ပူးပေါင်းရင်းမြစ်များ

A’NPHUTNA 3:8

Khava khōhlei ning Rōngpu Pathen rahōna ahong kha anleithei jo, khana anmani’n thingkung kâr heia le’nthup jo hei.

RENGHEI INKHATNA 13:2

Rōngpu ṭongpek kha ajuia, sânkathem khan maichâm kha amaset a ati, “O maichâm, maichâm, Rōngpu’n ṭong ahri kha hi kae: Naipang inkhat arahming Josiah inti David innshunga hong inte sik, Ama’n nachunga hiva khōvelhei maichâma ṭōn inzen inthoina katōk thempuhei hi athat sik hei, khana nachunga mihring ruhei aro sik hei kae.”

RENGHEI INKHATNA 13:34

Ama’n setna atlosōt jâra a-innshung mihei chunga akatluk set inhmangna jōng katlunga kae.

RENGHEI INKHATNA 14:16

Rōngpu’n Israel hi adahlon sik, ajârchu Jeroboam in setna atloa Israel mipuihei hi setna shunga aṭhōi manhlut heia kae.”

RENGHEI INHNINA 23:15

Israel setna hlam a aleikaṭhōi Nebat sapa Jeroboam in aleisak Bethel a kamukna hmunhei kha Josiah’n avōkkhōisa hei. Josiah’n maichâm kha akei mathlûk a, ahlunghei kha ahar-ahak a anvōkkhōi hei, asuk mannōia ravut amanchang hei; khana Asherah limsyem kha’m aroa kae.

THUHMINGHEI INHNINA 31:1

Revei kha a’nchaisō pha, Israel mipui rakip in Judah ram shunga khōpui rakip a vakase heia hlung kachohei anvōkkhōi hei, pathennu Asherah limhei antuktan hei, khana khōvelhei maichâm leh kamukna hmunhei ansuk manhmang hei. Anmani’n khang’khan Judah, Benjamin, Ephraim leh Manasseh ramṭhen rakip a anleitlo; khava sōa anmani ankhenga inna hong inle hei.

ISAIAH 2:19

Rōngpu’n ralei hi kanok mathlek sik a ahong pha, ama hnuk natna leh ratha hratna leh lûrna inphut inphesōtna sik a mipui he’n hmebung hlung karea hlungkhura khana khur anchoa inthup sik hei.

ISAIAH 2:21

Rōngpu’n ralei hi kanok mathlek sik a ajōng pha, mipuihei kha ama hnuk natna leh aratha hratna leh alûrna inphut tlânsōtna sik a hmebung hlung karea hlungkhura leh khur shunga inthup sik hei.

ISAIAH 32:13

khana kamihei hleihmun a theimi leh rahlingbuk hei kakek jo hei.

ISAIAH 34:13

Khōpui shunga reng-innpui heia leh kurbanga khan rahling kakek sik jo, ram-ui leh simbu hei omna hmun kachang sik jo.

HOSEA 10:2

Hōnna lungri kanei mihei kha ansetna jâra tûn antade manrim nger sik kae. Pathen in anchopui kamuk-hei leh, anmaichâm hei kha asuk manset sik hei kae.

HOSEA 10:5

Samaria khōpui shunga ka-om hei kha kaṭi sik hei khana Bethavena ka-om sana sehratche inhmangna chunga kaṭap sik hei. Thempuhei leh anmani limsyem inzenhei khava sik a kaṭap sik hei. Khava sana hmangchâk kalûrhei kha anlosōt hei pha anmani in-ôi nguingui sik hei.

HOSEA 10:9

Rōngpu’n ahri, “Israel he’n Gibeah setna anleitlona inphut, kei dōina setna antatlo hi bângdek mak hei. Khava jâra Gibeah a retlo khan asursō sik hei.

HOSEA 2:6

Khava jâra ke’n ahlam rahlingbur vâng kakhar pek sik khana ahlam sena kha bangrape kakhar sik.

HOSEA 4:13

Tlâng hmora hmun intheng heia inthoina antōk a kae, khana hmebung heia thingkung inshâng leh akalenhei hnōia marim katui anro hei, ajârchu thing daihlim kha kahōia kae! “Khava jâra, nansa nuhmei rakip in noti ṭōn antlo, nanhmōi he’n kajông heia kae.

HOSEA 4:15

“Israel mihei nangni’n taksenthei nanchangmak inum, Judah hei chu khava kapōa ṭhena neimak hei rasoh. Gilgal a leh Bethavena kamuk mak ruh, a-emak leh akahring Rōngpu rahminga intepna neimak ruh.

HOSEA 5:8

Gibeah a re tlona pengkun tum ruh! Rama a khōtlâng ôn ruh! Bethavena re tlona hranhla ông ruh! Benjamin sahei, re shunga hlut jo ruh!

HOSEA 8:5

Samaria khōpui mihe’n sana sehrat limsyem antakamuk kha enhnōm mak eng. Anchunga kahnuk kana hêr. Heituk pha sō leh mo limsyem kamukna kha antadahlon sik?

HOSEA 9:6

Inrengna ahong pha, mihei kha an-inchek pha, Egypt he’n Memphis a vûmna sik heia anmani anmantûp sik jo hei! Anmani dangka karōi bukna leh an-innhei, pha khat a anlei matungna hei kha rahling chap leh kahar he’n akabuksi sik jo hei.

AMOS 1:5

Damascus khōpui kot kharna kha kavōk mathlek sik khana Aven Phaichama ka-om Betheden a vaikarônpa kalosōt sik. Syria mihe’m Kir ram a rehringa ankei sik hei.”

AMOS 3:14

Israel mihei ansetna jâra karâkna kapek ning khan, Bethel a maichâmhei kha kasuk manhmang sik. Maichâm rakir rakip vōk mathlek sik khana raleia katla sik jo.

AMOS 7:9

Isaac sōn leh pârhei kamukna hmunhei kha suk manhmanga ka-om sik. Israelhei hmun intheng hei kha a’nhmang chera dahlona ka-om sik hei. Ke’n Jeroboam phung hrui kha kamanbâng sik jo.”

AMOS 8:14

Samaria limsyem rahminga ṭong intepna kanei khana hinga kahrihei, ‘Dan pathen rahminga achangmak leh Beersheba pathen rahminga,’ mipuihei kha kapûr sik hei khana avea indingtor mak hei ning.”

MICAH 1:13

Lachish a ka-om nangni, shakorhei kha shakor gâri keina sik a hnamke mando ruh. Nangni’n Israelhei setna omchen nanloa Jerusalem setna nanmathlâk a kae.

MICAH 1:5

Israel he’n setna antloa Pathen andōi jâra hivaseng hi akasōk sik kae. Israelhei racham set jâra tu mo maset pek sik? Samaria, reng-innpui khet hi kae! Judah shunga limhei sik a maset pek sik tu mo? Jerusalem khet hi kae!

NAHUM 3:11

Nineveh, nang um ju inrui khō inhret maktak a katlu sik che! Nang um naka-en kada heia inphut inphesōt sik a natlo sik.

LUKE 23:30

Khavakha mihe’n tlângbunghei hneng, ‘Kanchunga jōngtla roh!’ khan chu hmebunghei hneng, ‘Athup roh!’ anta hongtina sik pha jo kae!

DÂNRABU INHNINA 9:21

Ke’n nangni tasyem setna neinâk, sehratche limsyem kha kaloa hmeia kahlon manhlut a kae. Khava sōa, ke’n khavakha ahar-ahak a kavōk khōia, kamandia, khava adi kha kava dunga kamantlen jo.

ṬONGPHÔNG 6:16

Anmani’n hmebung leh hlungpuihei anbek a, “Len in-ongna chunga a’n-ongpa hmit-hmua inphut leh kemōngte hnuk natna inphut ani kathup sik a kanchunga hongtla ruh, ajōng makhu ruh!

ṬONGPHÔNG 9:6

Khana khava thla 5 shunga khan mihe’n thina sik a’njong sik, tâk thina sik hmumak hei ning; anmani kathi hnōm sik hei, tâk thina kha anhnenga inphut katlân sik.