HOSEA 10:4 - LEKHARABU INTHENG (BSI)

⁴ Anmani’n akae jenmak ṭong anhrisōt khana akadik mak intepna leh hnemna kase inhnōmna hei annei. Ṭongdik kha akadik mak hongkachang, hlei khōisa chunga kahar tûr kanei akakek ka-ang.

HOSEA 10:4 ပူးပေါင်းရင်းမြစ်များ

ISAIAH 5:7

Israel hi Chunghnung Rōngpu vomhrui rahōn kha kae; Judah phunghei kha vomhrui aling hei kha kae. Ṭōn kaṭha antatlo sik a anchunga a’nhōr kae, tâk-kha khava nek a mi anthat a kae. Ṭōn kadik antatlo sik a anchunga a’nhōr kae, tâk-kha antamanrim hei kha’n, ṭong kadik tanna sik a ka-ông jo hei.

HOSEA 4:2

Anmani’n intepna hei ansyem khana anvōkkhōi bât; maleisei, mithat, inru, jông leh kik antloa kae. Invōk-inthat hong katam jo, mihring inthat hi inkhat bânna inkhat hong kapung jo.

HOSEA 6:7

“Tâk-kha anmani’n ram kha Adam inti hmun a anhonghlut bia anmani leh ka-intepna kha anvōkkhōi jo.

AMOS 5:7

Akadik maherna kanei leh mihei dikna chunga akahōn hei nangni, inhmang jo cheia kae!

AMOS 6:12

Shakor he’n hlungpui chunga akatlân hei mo? Tu inkhat in tuipui shunga sehratche vâng hlei akhōi mo? Tâk-kha nangni chu akadik kha tûr nanmanchang jo, akadik kha akaṭhe nanmanchang jo.

ṬŌNTLOHEI 8:23

Ajârchu nashunga thangsetna tûr kasiptak khana setna sōk che kae ti hi kamanhret che.”

ROMANHEI 1:31

anmani mandon ṭhen theina neimak hei; anṭong tepna juimak hei, khana milak tûte chunga lungset leh lungkham neimak hei.

DÂNRABU INHNINA 29:18

Tuning hiva hmun a akangir nuhmei, pase, innshung leh phung chei hin Rōngpu ni-Pathena inphut inhesōt makna sik intluk ruh. Hiva hichu thing kakha leh tûr kanei arajung kathō kapō hongkachang sik.

DÂNRABU INHNINA 31:16

Rōngpu’n Moses hneng ahri, “Nang inranga kathi sik jo che, nathisōa mipuihei hi kei hneng taksenthei changmak hei ning, anmani leh intepna kaleisyem kha anvōkkhōi sik. Kei andahlon sik eng, anvahlutna sik ram a jât-hlop hei pathen anvakamuk sik hei.

DÂNRABU INHNINA 31:17

Khavakha asōk pha, anchunga kahnuk kana sik; kadahlon sik hei, anmani suk manram kachang sik hei. Ṭit ka-om inrimna katamtak anchunga jōng katlung sik, khava sōa chu an-Pathen ke’n ka-ompui mak jâr heia hiva omchen hi akasōk jo kae tia anhong manhret sik jo.

TIMOTHY INHNINA 3:3

lum lona kaneimak, lungsetna kase, mi kateitôm, innâk-inse katlo, khana mi kakhôk kachang sik hei; akaṭha kha anhōt sik;

HEBREWHEI 12:15

Pathen maritna inphut hnung inle makna sik insing thei ruh. Tûte inkhat kahar kakha kapōa ahong kakeksōt a atûr khan bōina katamtak insō kha changmak rasoh.