HOSEA 10:2 - LEKHARABU INTHENG (BSI)

² Hōnna lungri kanei mihei kha ansetna jâra tûn antade manrim nger sik kae. Pathen in anchopui kamuk-hei leh, anmaichâm hei kha asuk manset sik hei kae.

HOSEA 10:2 ပူးပေါင်းရင်းမြစ်များ

RENGHEI INKHATNA 18:21

Elijah kha mipui langting kaketoua ahri, “Nanmalung syemsōtna sik a heituk kasôt mo alaka-om sik chei? Rōngpu hi Pathen achang inchu, ama kamuk ruh; khana Baal hi Pathen achang inchu, ama kamuk ruh! Tâk-kha mipui he’n ṭong inkhatbek hrisōt mak hei.

SŌKSŌT 23:24

An-pathenhei hma inkun mak ruh emak leh kamuk mak ruh, khana anbek chônngai kha tlopek mak hei ruh. An-pathenhei kha suk manhmang hei ruh khana anhlung chopui intheng hei kha suk thleksō pet hei ruh.

ṬONGCHÎK-HEI 11:18

Mikaṭhamak he’n kadiktak a heite hnemna hmumak hei, tâk akadik kha natlo’nchu, soilo jen a tloman narahlâng sik.

ISAIAH 44:18

Khang khava mihei kha heimo antatlo ti manhret theina sik a kamohêr hei. Anmani’n akadik chunga anhmit ankathim, anmalung ankama kae.

JEREMIAH 43:13

Ama’n Egypt ram a Heliopolis a hlungpui inthengtak antamatung hei kha asukset sik hei, khana Egypt mihei pathen bek-innhei kha aro mathlâk sik heia kae.”

EZEKIEL 14:5

Khava limsyem rakip in Israelhei kha kei hnenga inphut aṭhōitsōt jo hei,; tâk kei masônna vânga khan anmani ṭong juina kha kachen male sik tia inhōr eng.

HOSEA 12:11

Kha’num Gilead a limhei ankamuk, khava inmuk hei kha akathi sik hei kae. Gilgal a sehratchehei inthoina annei, khava maichâmhei kha ramhânga hleiheia hlung manbukna kachang sik hei.”

HOSEA 13:16

Samaria’n kei adōi eng jâra karâk sik kae. Amihei re shunga kathi sik hei; naidônghei hlung chunga ankatât rabek sik hei, nai karôn nuhmeihei anvon antuk mahlâng sik hei.”

HOSEA 3:4

Hiva kapōhrep a Israel mihei kha reng leh hlamkakei kasea, inthoina tlo loa a-emak leh a’ntheng hlung kachohei neiloa, limsyemhei kasea a-emak leh tlâ sânna anhmang limhei kasea aka-om sik hei kae.

HOSEA 7:8

Rōngpu’n ati, “Israelhei hi buhlom katheia aṭimhrep akahmin kapō kha kae. Ankimvea ka-om jât-hei chunga in-ngai heia kae

LEVI-DÂN 26:30

Tlâng chunga nankamukna kasuk manhmang sik hei, bero maichâmhei kakeihler sik, nankathi kalōnghei kha nanlimsyem akatluhei chunga kahlon mathlâk sik. Madu ka-om maktak a

MICAH 5:13

Nalim hei leh a’ntheng hlung chopuihei kamanhmang sik; nanbinga nantasyem kha vōi khat kamuk mak jo tin chei.

ZEPHANIAH 1:5

Innphu chunga akakea kani leh thla khana ârsihei kamukna akaneihei kha kamanhmang sik hei. Kei inmuk hei khana kei kajui sik a intepna kaneihei, tâk-kha Molech pathen rahminga intepna kaneihei kha’m kamanhmang sik hei.

ZECHARIAH 13:2

Khava pha, ram shunga inphut limsyem rahminghei kalosōtpet sik jo hei, tûte’num mandonsōt mak jo hei ning. Sânkathem eng kati mi kha ke’n donmak ning khana limhei kamukna malung kalosōt sik jo.

MATTHEW 6:24

“Tûte inkhat in akapu 2 sōk chang tor mak; inkhat a-enkada sik a kha inkhat alungset sik; inkhat arazen sik a kha inkhat donmak ning. Nangni’n Pathen leh karōi kha razensap tor mak chei.

LUKE 16:13

“Mi inkhat in akapupa 2 sōk chang tor mak: ama’n inkhat alungset sik, khana inkhat a-enkada sik. Inkhat ṭong ajui sik, inkhat ṭong juimak ning. Pathen sōk leh sêr sōk akoptōa nangni chang tor mak chei.”

JAMES 4:4

Eh taksenthei kachangmak mihei! Vânhnōi ṭhōn changna hi Pathen kadōi kae ti manhret mak chei mo? Tu achang inum vânhnōi ṭhōn chang sik indu khan Pathen kadōia a’nsyem hei kae.

JOHN INKHATNA 2:15

Raleichung leh raleichung ta kachang neinâk rakip madu mak ruh. Nangni’n raleichung hi nanmadu’nchu, Pa kha lungset mak chei.

SAMUEL INKHATNA 5:4

Abân jîngkâr hmatak a limsyem kha Intepna Bôm hmaikunga akatlu kha anvahmu nôk jo. Hiva pha hinchu alu leh adâr hei katlek heia kot hnenga leika-om hei; atakpum rōk kha intônmak.