HOSEA 1:7 - LEKHARABU INTHENG (BSI)

⁷ Tâk-kha Judah mihei chunga chu lungsetna kamalâr sik. Rōngpu an-Pathen Ke’n, kahuk sik hei, tâk re, chemjâm, the leh sai vâng khana shakor leh shakor kachōnghei vânga chu changmak ning.”

HOSEA 1:7 ပူးပေါင်းရင်းမြစ်များ

RENGHEI INHNINA 19:29

Khava sōa Isaiah in Reng Hezekiah hneng ahri, “Hivahi ahong kasōk sik omchen chîkna inkhat kae. Tûnkum leh abân kum a, ramhânga kakek hmuchi rōk nansâk sik, tâk-kha khava bânna kum a chu nanhmuchi nanvor thei sik, khana kara nankhôm thei sik, vomhrui nanling leh kara nansâk sik.

RENGHEI INHNINA 19:34

Ke’n khōpui kalen hi, kei rahming kajana sik leh kasōk David hnenga ṭong kale’ntepna jâra khan kaka-unsia kahuk sik kae.”

RENGHEI INHNINA 19:35

Khava jân a khan Rōngpu ngeva inkhat Assyria rephōra kasea remi 1,85,000 avathat jo hei. Ajînga khō ahong vâr pha anmani ankhenga leikathi heia inthlong jo hei.

RENGHEI INHNINA 6:18

Syria he’n anhei buhlu pha Elisha’n ader, “O Rōngpu, hiva remihei hi anhmit mancho pek hei roh!” Rōngpu’n aderna kha ahnōm pek a anhmit amancho pek jo hei.

HLAHEI 33:16

Reng inkhat in aremihei rathahrat jâra re ator changmak, sepei inkhat in arathahrat vâng torna anei changmak.

HLAHEI 44:7

tâk kan-inrepui heia inphut nang in nahuk jo ung. Kankahōt hei kha nang in natorpek jo ung.

SŌKSŌT 14:13

Moses’n amasôn hei, “Ṭitmak ruh! Nan-omna hmun a khan ngir et ruh, Rōngpu’n nangni hukna sik a heimo atlo ti kha tuning nanhmu sik; hiva Egypt hei hi hmuhêr nôk mak jo tin chei.

SŌKSŌT 14:30

Rōngpu’n khava ning Israelhei kha Egypt hei kut a inphut alei huksōt hei khana Israelhei khan Egypt hei tui shunga ankathi kha anleihmu hei.

ISAIAH 12:2

Pathen kha kakahuk inhring kae; Ke’n ama kataksen sik khana kei ṭimak ning. Rōngpu’n kei ratha leh hratna apek eng; Ama kakahuk inhring kae.

ISAIAH 30:18

Kha’num Rōngpu’n lungset sik alahngâk ṭhak chei. Ama’n ahei tik a ṭōn kadik atlo ṭhak jâra nangni lumlo sik cheia intluk a kae. Rōngpu chunga taksenna kaneihei kha mahâm kaṭhahei kae.

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 7:14

Kha achang inchu kaṭha jo, Rōngpu ama khet in mêrchîkna inkhat apek sik jo che: achung kahrik nuhngâk inkhat in sapa inkhat anei sik arahming, ‘Immanuel’ tia anphō sik.

JEREMIAH 25:5

Rōngpu’n nanpa-nanpuhei hnenga aleipek hei ram kha nankarōi achang thangna sik a khana ram a khan nan-om thangna sik a anmani’n nanhringkhō akaṭhamak hlam leh akaṭhamak ṭōn heia inphut nanhong inhesōtna sik anmanthei chei.

JEREMIAH 25:6

Anmani’n pathen ralak nankamuk makna sik leh nanrazen makna sik a khana nankut a nantasyem limhei kha nankamuk pha Rōngpu kha ahnuk nanmannat makna sik a anmanthei chei.

JEREMIAH 33:26

Khana khavahei kha sôilo jen a katlosōt kapōa, kasōk Jacob sōn leh pârhei hneng khana kasōk David hnenga ka ṭongtep kha kamathlung nger sik kae. Ke’n Abraham, Isaac khana Jacob sōn leh pârhei chunga vai karôn sik David sōna inphut mi inkhat kakadei sik kae. Ke’n kamihei chunga lungset maritna kanei sik khana akanei akahao kamanchang nôk sik heia kae.”

HOSEA 1:8

Gomer in asanu avei manlen sōa, nai avon nôk a sapa hlop inkhat anei nôk.

HOSEA 11:12

Rōngpu’n ahri, “Israel mihe’n tûn katlung maleisei leh hōnna vâng ankatōm eng, Judah mihe’n a’ntheng leh taksen ka-om Pathen andōi eng.

ZECHARIAH 4:6

Rōngpua inphut Zerubbabel hneng pek sik ṭong hi ngeva khan amanthei eng: “Retorna nanei sik, remihei rathahrat jâra changmak, nang ratha neina jâra changmak, tâk kei rathla vânga kae.

SAMUEL INKHATNA 17:47

khana Rōngpu’n amihei hukna sik a chem leh the rangei mak ti hi hiva hmun a aka-om rakip in anhmu sik. Ama hi rehmun a torna kanei kae, nangni nankhenga keini ratha neina shunga ada sik chei.”